Tinh An Giang birau peih ngak dom darak pasar ba pandap OCOP mai bhum tapen negar, hu ralo bhap bini bangsa takik piah lagaih ka mikva hu blei pamdap siam. Tui ong Lê Trung Hiếu, Yam ndoc Pasak Pachreih bruk pablei salih saong Buh jien An Giang, dom nyaom darak nan hu daong doanh nghiep, HTX OCOP paglong pandap, pabak bruk caong khin blei di tuai damuai, jhul pakhang bruk ngak tabiak pandap, peih praong darak pasar. Tui nan, paglong bruk duah thau saong yaom pandap OCOP An Giang di darak pasar.

Ngak tui danak dak 6 di Danak dak pakat nagar patagok kinh te - xa hoi bhum mikva bangsa takik saong bhum ceik, tinh Vinh Long hu peih 12 tal pato magru adaoh tamia ka mikva bangsa takik di bhum palei yau: tamia meng kan, tamia ro mbam, Chòm rieng chà pay, pling ngũ am…Thun 2024, tinh hu peih 2 tal Chòm rieng chà pay. Ngan haong nan hu peih dom bruk ngak piah patagok dom makna meng kan di bangsa Khmer dalam rai diuk, dak harei dak pambuak patagok haong kinh te yulit. Dalam nan, Chòm riêng chà pây lac sa danak dak adaoh hari bhap bini siam gheih saong ralo phum, soc hu pandar ralo, makna praong glaong di bangsa Khmer.

Hadei sa tukvak ladam trun, dom harei puac thun ini, yaom durien di tỉnh Tien Giang tagok glong, ralo po bein paik hu rilo baoh. Di dom huyen Cái Bè, Cai Lậy yaom durien pajaih Monthong labaih 200 ribau dong sa kilo, durien Ri6 yaom meng 125-135 ribau dong sa kilo tui baoh praong atau sit, tagok labaih 50 ribau dong sa kilo dut haong bilan dahlau. Tỉnh Tiền Giang hu lagaih 23.000 ha bein durien, meng ini tal Tet, dom bein durien tabiak baoh karei bilan yam tame bilan paik baoh.

Tinh Ben Tre daok patagok jalan raong hadang kong nghe glaong di bhum tapen tasik, caong khin ngak hu 4.000 ha di thun anak. So Ngak nong saong Patagok palei pala pambuak haong So Kong thuong tinh Ben Tre kuhria padak padang balai bien ap 110KV saong dom danak dak ky thuat di huyen Ba Tri, Bình Đại, Thạnh Phú abih tih jien buh tame labaih 300 ty ndong. Ngan haong nan, bhum palei hu caik 14 balai quan trac tu dong pasang iek labik raong hadang piah daong ka urang raong hadang saong doanh nghiep patagok mo hinh raong hadang kong nghe glaong. 

Bruk lakhah tuk umo oh ka tal thun di dom xa bhum ceik, bhum glong tinh Binh Thuan, abih di nyu lac xa Phan Lâm, huyen Bắc Bình. Yau nan min, tukvak jaik ini, dom bruk lakhah tuk daok sit trun biak ralo pambuak haong Mat tran Negar, Kapol dam dara, Kapol urang kumei pathau khan saong patagok bruk urang jakar di bhum palei. Kuhria meng akaok thun mbiah tal ini, xa Phan Lâm, huyen Bắc Bình, tinh Binh Thuan hu sa urang lakhah tuk umo sit saong oh hu thei tok gauk dalam but pajaih.

Jien Yen dak harei dak patrun yaom patui haong nan yaom kaya pandap di darak pasar daok tagok, min dom taka kuhria khan lac kinh te Nhat Ban hu patagok. Tui nan, GDP di Nhat Ban hu patagok 2 guan jaik gauk, kinh te oh daok patrun. Rajaei Nhat Ban khan lac kham marat ngak siam makre sarak kinh te urakni, pusak lac Danak dak pakat nagar patagok dom palei pala.

Rajaei Thai Lan birau brei tapa dom sarak kinh te, hu ba tame pandar dalam 3 bilan akok thun 2025 piah pachreih bruk pandar saong GDP mek hu 3% dalam thun 2025. Thu tuong Paetongtarn Shinawatra khan lac Rajaei taneh ia ini brei tapa sarak patagok jien bilan takik abih, hu pandar meng harei 1/1/2025. Rajaei  Thai Lan hu brei mbaoh harak peih ngak vaktu ka 2 di danak dak brei jien 10.000 Baht ka labaih 4 trieu urang labaih 60 thun.

Tri tue nhan tao (AI) pandar yau halei dalam rai diuk. Ni lac kadha tangi sua bo anek saih pho thong di Duc daok caik sangka ralo saong khin pandar iek maong yau lei. Di harei nyaom biai pakat glaong di dunya “AI for Good” kayua Lien Hop Quoc barau peih, dom anek saih hu ngak krein saong robot “Captcha” saong pandar di sang bac drei. Hu gru AI pato lac sa dalam bruk pandar akaok mati di kadha bac kayua robot langyah di chau Au./.