Meng harei ini tal harei 29 bilan 12, Mentri Ilam, The thao saong Yulit peih ngak Danak dak yaih khan, parang iek drap ar ilamo oh di anak meta ngan haong kadha “Pasram daoh Then di urang Tày, Nùng, Thái di Viet Nam” saong “Ilamo ngak lan am di urang Cam” pak Ha Noi. Rilo nghe nhan meng ralo bhum palei  mai ini bac megru, ngak iek dua drap ar oh mboh anak meta angaok nan. Tui Mban peih bruk, tapa nan piah yaih khan pambak praong dom drap ar ilamo biak gheih karei di bhap bini bangsa takik saong bhum ceik di kreh  Ban Ine, ba drap ar hu mai jaik haong bhap bini, tuai damuai dalam taneh ia yeng yau dunya.

Mban Bangsa tinh Dak Lak barau peih harei Nyaom biai pasram, pato magru ilimo ka dom Urang hu angan je dalam palei pala mikva bangsa takik. Nyaom biai mbang ni, Urang hu angan je di palei pala hu pang dom manuac ilimo pathau khan ralo kadha makna pato jalan ngak di bhum palei yau: Pathau khan, pato magru hukum saong ilimo piah lang talaih, ngak pasiam haong gauk dalam palei pala; pacang caga dom bruk dom kadha ndem jhak di kol kanjak khin ngak sraw tayak jaman brau; jak ba hu bhap bini bhum mikva bangsa takik di tinh Dak Lak.

Tui Mentri Patp megru, dalam negar urak ini hu 6 sap bangsa takik, dalam nan hu: Khmer, Cam, Ê đê, Jrai, Bahnar, Mông hu ba tame pato dalam sang bac pho thong di 22 tinh, pataom tame di bhum ceik gah Barak, Tay Nguyen saong Tay Nam Bo. Langiu di nan,  daok hu dom sap bangsa  daok hu pato iek. Mentri Pato megru  mboh lac, sarak patagok gah patro megru  bangsa brei ka anek sai h hu dom  pakat, dom gah sangka  tacei pato peih ngak sumu. Yau nan  min, bruk pato sap bangsa takik daok gaok rilo kan kandah yau sarak daong ka gru pato, urang bac daok biar; bruk ja ba rahra daong tame ka gah pato megru di bhum kan kandah daok takik…                  

Dom doanh nghiep di TPHCM kuhria caga pandap pandar Tet hu ginup ralo saong sanya khik tani tanat yaom kaom pablei. Dom darak sieu thi hu dak caik pandap pandar saong hu ralo danak dak piah pachreih ralo manuac blei pandar di tuk Tet. Tet thun ni, Kong ty Co phan Sai Gon Food kuhria caga pandap pandar tagok meng 15 - 30% dut haong bhian harei. Taphia di nan dom pandap pandar meng kan yau abu, doanh nghiep jang hu dom pandap mbang samar karei. Jien buh tame ngak tagok meng 3 - 5% min Sai Gon Food daok khik  tani tanat yaom kaom pandap pablei di Tet hu tani tanat.

Tui So Kong thuong tinh Lam Dong, kuhria mboh dahlau bruk blei pandap puac thun saong tuk Tet thun nasak Ula Naih 2025 di tỉnh tagok 5% dut saong thun dahlau. Piah pabak ka bruk khin blei di darak pasar, dom urang pablei salih, labik pabak pandap di tỉnh Lâm Đồng  hu caga piah  pandap panda kuhria tui jien labaih 1.820 tỷ dong, ralo lac 5 nyaom pandap njauk brei hu yau ye pandap mbang, pandar that, kaya nong saong xang menyek. Gah chuc nang pak ini hu pambuak bruk pasang iek, oh caik tagok yaom  suan hukum.

Patagok bruk ngak mbang duah jien tame glong dalam sarak khin ngak dahlau di Rajaei Trung Quoc dalam thun anak tal. Trung Quoc hu jeng sa dalam dom nagar brei ngak dahlau patagok khoa hoc kong nghe, salih hijao. Radaih ndien yaok thun di Trung Quoc tagok 10 trieu sruh. Pandap robot thaik thaot yau manuac di Trung Quoc kuhria jien mek tame meda tagok 3 ty nhan dan te dalam thun ni.

Kilaue lac sa dalam dom tabung ceik apui khuah megei catang abih di baoh taneh birau pruh apui veik, ia bau bhong meriak nduac jeng ralo jalan di Đảo Lớn pak Hawaii yaom lac bruk karei dahlau hu cadu trun. Dom urang roh duah taneh jeng khan lac hu sap yawa catang yau kapal haok di pabah ceik pui. Jabat Pasang iek Taneh riya  Mỹ (USGS) kakei nong do  khi jhak  glong par tabiak  meng ceik pui lac bala praong kayua yawa khi jhak nan meda pambak praong tui hangin ba./.

Meng 20 thun dahlau, taneh megei khang tagok 9,1 độ richter di An Do Duong ngak tabiak riyak praong song than ngak matai takik abih lac 230.000 urang di labaih 10 nagar. Hadei guan nan, dom nagar hu buh je tame ngak danak dak mayai ghak di rabuk angin. Indonesia lac nagar daok ciuk kanjah jhak trak damak abih hadei di tukvak riyak praong di thun 2004 daok roh duah piah patagok danak dak mayai ghak samar riyak praong meng danak dak tacei khan labik daok GPS hu peih ngak di 5 thun anak tal piah pacang caga dom kanjah jhak di langik alam./.