Dang akaok Nyaom biai lang talaih kan kandah, tavak tavaiy saong jhul pakhang bruk ngak jalan mbak dalam bhum ĐBSCL peih tabiak page ini di ban Cần Thơ, Thủ tướng Phạm Minh Chính kakei lac, bruk ngak jalan mbak suai lavik, abih di nyu lac jalan peih drah samar hu makna biak praong dalam ngan haong bruk cak rok patagok  samar saong khang kajap di bhum ĐBSCL. Thu tuong caong khin dom Mentri , dom gah, karja dom palei pataom tame tacei ba veik 3  bruk praong: Jalan mbak pajeng ba nao dahlau peih jalan. Njauk biai gauk ngak, oh biai kadun,  brei ngak njauk tukvak saong samar jang; Biai  piah nao tal tathak bruk ngak oh njauk klak caik. Kham merat  tal thun 2025, ngak hu salah 600 km jalan peih drah samar di bhum ĐBSCL.

Di var ngak bruk haong Uy mban bangsa page ini, Phaok Thu tuong daok di nan Nguyễn Hòa Bình taong yaom glaong bruk jak jeng bo Uy mban bangsa ngak hu dalam tukvak tapa, hu dom tanut hadah, siam tagok di labik bhum bangsa takik saong bhum ceik. Gam haong nan ieu Uy mban bangsa pambuak khang kajap saong dom bộ ngành hu pambuak tal brei peih ngak samar drah, samu dom danak dak sarak ka bhum bangsa takik saong bhum ceik. Brei ngak mbuan dom harak bi-ar mbuan ngak, mbuan pandar dalam bruk peih ngak dom danak dak.

Kapol Chữ thập đỏ tỉnh Bình Phước pambuak haong Kapol Chữ thập đỏ tỉnh Đồng Nai gam Chi hội Chữ thập đỏ Pahala huyện Long Thành hu alin brei 300 paok pandap ka mikva urang kathaot saong uranaih di 2 xã tapen negar Đắk Ơ saong Bù Gia Mập, huyện Bù Gia Mập, tỉnh Bình Phước. Dalam nan alin yaok xã 100 paok pandap hu pandap mbang, kuhria tui jien 500 ribau dong sa paok saong 100 ribau jien; Alin 100 paok pandap  dalam nan hu katap, siphau, mbut kalam, ia tasau, ahar keo, tamo ka uranaih kathaot, kan kandah di xã Đắk Ơ; pajeng brei dom pandap mbang, kamo, men, jru tavao…brei ka Kapol Chữ thập đỏ tỉnh Bình Phước hu yaom labaih 87 trieu dong. Dom paok pandap nan yaom lac sit min rik tame klak rabha kan kandah, daong mikva labik ini yam tapa kan kandah, patagok dalam raidiuk.

Hadei sa tukvak lahik yaom, jaik ini, labik pataom blei dom janih ikan raong lồng bè di tinh Ben Tre tagok glaong, daong bruk raong ikan hadang hu pasiam veik. Di tukvak ini, urang taong mek hu ikan Điêu hồng pablei hu yaom meng 52-55 ribau dong sa kilo, jien laba labaih 15.000 dong sa kilo. Ini lac jien laba glaong abih dalam dom thun jaik ini. Hu jien laba, urang taong mek ikan tinh Ben Tre daong buh jien tame palao raong veik ba mai bruk takik ikan pajaih saong yaom ikan pajaih jeng tagok . Urak ini dalam tinh Ben Tre hu labaih 70 labik raong ikan lồng bè haong labaih 66.000 m2 mbaok ia. 

Tỉnh Đắk Lắk birau hu sa urang metai kayua ruak asau kaik di huyện Cư M’gar. Dahlau di nan, melam 14/10, urang nan mboh dom ruak handok bo hu urang dalam sang ba tame iek ruak di Pasak Y te huyen Cư M’gar, hadei di nan hu ba tagok Sang iek ruak Đa khoa vùng Tây Nguyên dut iek mboh ruak meruai. Kayua ruak trak, meda thau lac oh tapa truh urang dalam sang likau ba mai sang. 2 bilan dahlau, urang nan asau raong di sang kaik bo oh hu klauk jru vaccine caga ruak meruai. Ini lac urang ka 6  metai kayua asau kaik kuhria meng akok thun mbiah tal ini.

Labaih 1,4 trieu dam dara, hu sinh viên saong urang jakar Kapul Dam dara, hu mbaok tame atau gilac mai veik haong bruk bol lin dalam dua harei tapa. Khau tin nan hu ba tabiak dalam tukvak srau kadau di kaoh pulao meteh Triều Tiên. Dalam harei nan, rajaei Hàn Quốc jeng hu ndom khang ka bruk Triều Tiên ngak patuh dom jalan radaih apui saong jalan mbak pambuak dua bhum di dua taneh ia. Bol lin Hàn Quốc hu patauh phao piah kakei dahlau di labik gah Meraong Jalan tapen negar bol lin.

Liên minh châu Âu (EU) birau hu paok daong brei pahala kuhria hu labaih 21 trieu euro di bhum châu Á-Thái Bình Dương. Yau nan, kuhria abih tih jien EU hu daong ka bhum taneh ini dalam thun ini tagok jaik 95 trieu euro. Jien nan meda hu padar  piah daong ka dom danak dak ngak pahala di Bangladesh, Myanmar, Indonesia saong Malaysia. Langiu di nan, EU hu peih ngak meng kapal haok pajeng ba dom pandap pandar nan  tal dom labik kan kandah kayua ribuk Yagi.

Giới chức Nga daong hu sa urang hadei di 67 harei theik di angaok tasik Pai Barak Thái Bình Dương. Urang ini hu patuah jamo nan daok diuk, dalam tuk sa-ai likei saong kamuan likei di ong metai paje. Urang ini diuk dalam bruk lavang lavaih lami lamar min jeng daok thau drei jar saong hu daong di y te. Diuk di ong brei mboh bruk drut druai, brei thau ini lac “sa bruk ginreih” tuk kol urang nan tuk ba tui ginup pandap mbang saong ia meyum ka dua adit di angaok tasik.