Pahadar 76 thun Harei Thuong binh - Liet si (27/7/1947 - 27/7/2023), page ini 27/7, Thu tuong Phạm Minh Chính hu mai rivang Pasak Điều dưỡng thương binh Nho Quan saong dom amaik Việt Nam Anh hùng tỉnh Ninh Bình. Brei panuac di labik ini, Thủ tướng Phạm Minh Chính klak rabha dom bruk pandik harao, kurang lahik bo dom amaik VNAH saong urang thương binh daok ndoa naong. Thu tuong caong khin dom maik, dom thương binh tuk halei jeng hu prein yawa khang kadang, mesruh haong ruak kik, lac kareih camin pasang hadah piah dom rairah bac megru tui. Thu tuong khan lac, Rajaei, Thủ tướng Rajaei tuk halei jeng biak sangka, kuhria raidiuk urang buh prein yawa ngak bruk ka cách mạng ngan haong hatai thau dhar phol, bayar en ngai, brei ba hatung hatai glong abih tame bruk ngak.

Hiệp hội njam patam baoh kraoh Việt Nam brei thau, Trung Quốc hu peih veik pabah mbang hadei di jit COVID-19 lac siam lagaih praong ka gah pablei tabiak negar langiu njam patam baoh kraoh di Việt Nam. Meyah oh hu hagait salih karei, gah Trung Quốc daok brei rilo jang mã số bhum pala ka durian, ye thun 2023 gah njam patam baoh kraoh meda mek mai hu jaik 5 tỷ USD. Min dom janih pandap yau ye cà phê, pa-ok blait, cao su, amriak kalu, kaya ikan kan tagok hu rilo jang kayua bruk blei pandar di darak pasar oh ka siam veik, atau siam veik suai. Daok ngan saong pandap kaya ikan, dom darak pasar praong yau Hoa Kỳ, châu Âu oh ka langyah hu bruk daok kandaong labaih dalam kho.

Tui Mban Bangsa tỉnh Đồng Nai, bruk peih ngak siam bruk bangsa dalam dom thun jaik di ini, rik tame ngak brei salih birau mbaok meta bhum bangsa takik dalam tỉnh. Raidiuk pandap panda saong jalan sahaneng di bhap bini dak harei dak hu paglong, baoh sang kathaot trun mboh di anak meta, thun 2009 dalam tỉnh hu 4.833 baoh sang urang kan kathaot , tal puac thun 2021 dalam tỉnh trun daok 696 baoh sang bhap bini bangsa takik kathaot, ilamu meng kan hu khik ramik, patagok, bhap bini sahanang hatai ngak mbang, pala drak, chreih chrai jia tame jalan tacei ba di Đảng saong hukum di Karja. Urak ini, dalam tỉnh hu 640 dalam 685 puk, khu pho bhap bini bangsa takik mek hu tanut chuan ilamu; hu 63.235 dalam taong abih 64.525 baoh sang urang bangsa takik mek hu tanut chuan ilamu.

Mesup ini (27/7), Cảng vụ hàng hải tỉnh Kiên Giang brei thau, kayua langik di angaok tasik handaoh pakat 7, palat 8 nan ye cảng vụ brei padeih peih nduac dom kapal gilai, dom phà meng baoh taneh tabiak dom pulao dalam harei ini mbiah tal tuk hu panuac khan bahrau. Dom jalan kapal, gilai, phà brei padeih, lac  Rạch Giá nao mai Phú Quốc, Nam Du, Hòn Sơn, saong Hà Tiên nao Phú Quốc.

Pambuak tal bruk harei 26/7 hu 5 urang mblung sauk khi, gar ala lubang tuk kuac tathuak ia di huyen Bình Chánh TP.HCM ba tal 1 urang metai, 4 urang daok veik ba tame taong ruak cap cuu di Sang iek ruak Chợ Rẫy urak ini hu tapa tukvak kan kandah. Sang iek ruak Chợ Rẫy brei thau lac, dahlau di nan, khoa Cấp cứu taduan tame 4 urang ruak lac kong nhan gaok bala tuk ramik hareik di brong tathuak ia. Urak ini, hu 2 urang ruak daok taong ruak khoa Nội phổi saong 2 urang karei di khoa Bệnh Nhiệt Đới. Tal urak ini, dua urang nan njauk ruak jalan suan yawa. Dua urang daok veik tuk ba tame iek ruak hu mboh kurang oxy darah saong mô, hu daong ba suan yawa 30 minit meng ba tagok khoa Bệnh Nhiệt đới.

Kadung jien dunya (IMF) ba tabiak panuac kuhria mboh dahlau lac bruk padeih Thỏa thuận Ngũ cốc Biển Đen meda ngak ka yaom ngũ cốc di dunya tagok 10%-15%. Urak ini, Liên minh châu Âu (EU) khan lac halan hatian ba tabiak negar langiu dom kaya nong di Ukraine tapa dom jalan jum pataom, dalam nan hu jalan pasei saong jalan radaih tapa dom taneh ia di EU hu jalan taphia negar haong Ukraine. Tuk thỏa thuận ngũ cốc daok hu peih ngak, jaik 60% pandap ba tabiak negar langiu di Ukraine hu pajeng tapa dom jalan jum pataom saong 40% nao tapa Biển Đen.

Gah Pato megru, KH saong Ilamu LHQ (UNESCO) birau ba tabiak panuac caong njauk brei pakauk pandar phone pan tangin di dom sang bac di dunya, piah pasiam bruk bac da-a di anek saih, pacang uranaih njuak urang pagat pachot tapa mạng. Dalam harak pathau khan di Gah pasang iek bruk Pato megru di dunya thun 2023, UNESCO brei mboh bruk pandar phone tangin ralo pambak tal bruk bac da-a trun saong tukvak pandar pandap dien tu suai alvik ngak jhah, sraw kadau tal hatai sahneng di uranaih.

Jabat pasang iek jit ruak negar saong UB Y tế Prein yava Negar Trung Quốc hu padang ngak saong patabiak “Jalan pasang iek saong pacang caga ruak đậu mùa khỉ”, ieu dom jabat pasang iek jit ruak atau dom labik y tế tacei pato dom urang taom gaok jaik brei eng drei tui iek prein yava dalam 21 harei, kuhria meng harei taom gaik jaik di abih. Tui jalan ngak ini, brei khik kajap bruk “Pacang caga lac bruk praong, pambuak haong pacang caga saong taong ruak, pacang caga saong pacang padam njauk, langyah samar”, gam haong nan, peih ngak dom jalan “duah mboh samar, pathau khan samar, daok karei samar, taong ruak samar”./.