Page ini 3/12, di tỉnh Đồng Nai, Thu tuong Rajei Phạm Minh Chính nao  pasang iek saong ngak bruk ka Danak dak Mblang kapal haok dunya Long Thành saong jalan peih drah samar Biên Hòa - Vũng Tàu. Danak padang ngak Mblang kapal haok dunya Long Thành lac danak dak mblang kapal haok praong abih di negar drei kuhria meng dahlau mai tal ini, danak dak hu makna biak praong dalam bruk cakrok patagok kinh te - xa hoi bhum ĐNB saong dalam negar. Ini lac mbang 5, Thu tuong Rajaei pasang iek labik padang ngak mblang kapal haok Long Thành.

Piah pacang bruk ikak pablei salih dauk, pablei blek di tuk jiak Tet, Phaok Thu tuong Nguyễn Hòa Bình bahrau pandar dom mentri, dom gah, dom bhum palei padang bruk  peih ngak siam lagaih jalan pacang caga bruk ikak pablei dauk, pablei blek saong ngak ja pandap panda dahlau, dalam saong hadei Tet Nguyen dan nesak Ula Anaih 2025; pasang iek catang di dom jalan tapen negar, jalan pabah mbang negar, jalan radaih apui, jalan kraong, jalan tasik, mblang kapal haok saong dom jalan sit dalam glai glo, labik pataom pablei pandap panda tapen negar piah pacang dom bruk ikak pablei dauk, pablei bleik, pajeng ba pandap panda tame taneh ia suan hukum. Dalam nan, pataom tame pasang iek dom pandap panda pakauk, pandap panda oh hu siam, pandap panda duh ka bruk pablei salih, pandar dalam puac thun saong Tet Nguyen dan.

Sở Kong thuong tinh Binh Thuan birau ba tabiak jalan kuhria caga pandap pandar yaok harei pablei tani tanat yaom kaom di tuvak dahlau, dalam saong hadei Tet Nguyen dan thun nasak Lanaih 2025, kuhria labaih 420 tỷ đồng. Tui nan, dom janih pandap yau ye: Brah, brah ndiuk, rilo athur, rilo manuk ada, baoh manuk ada, saradang, ia tasau, menyek mbang, mì paok, njam patam, baoh karoh, sara, dom janih kreng…hu yaom pablei tani tanat biar jang meng 5 - 10% dut saong  yaom darak pasar. Abih di nyu brei caik hatai tal bruk brei ginup pandap ka darak pasar bhum ceik, bhum urang bangsa takik saong huyen kaoh pulao Phú Qúy.

Tinh Kien Giang hu 269 pandap panda OCOP yau dom janih ia mesir meng kal di bhum tasik Hà Tiên, brah ba Rạch Giá, tal dom pandap panda pak gak meng hareik bàng biak gheih meta di labik tapen negar Giang Thành. Yaok pandap panda OCOP lac hu sa asal kadha khan ka bhum palei, ka dom plak tangin tari taring ngak jeng thaik thaot angan je bhum palei, meng nan duah hu bruk ngak saong hu jien mek tame tani tanat ka rahra. Langiu di nan, huyen tapen negar Giang Thành hu dom pandap panda oh labik halei hu yau thung yot, kadung teik meng hareik bàng mek hu angan OCOP 4 patuk, pablei tabiak darak pasar dalam taneh ia saong dunya, brei bruk ngak tani tanat ka yaok ribau urang ngak, abih di nyu nan lac mikva bangsa Khmer, hu jien mek tame kuhria rah tapa yaok bilan meng 3 trieu dong ba tagok.

Page harei ini 3/12, hu hajan oh njauk bilan di ralo labik di bhum Meraong negar, abih di nyu lac di ralo labik bhum gah Pei hu rilo hajan praong. Taginum jhuk ralo ngak hajan di ralo labik di bhum Meraong negar. Hajan ralo meng 10 -30 mm hu labik 50 mm. Hajan oh njauk bilan daok hu veik di ralo labik, njauk brei pacang caga hangin ribuk, hajan khang. Yau nan ye, bhap bini njauk brei pacang caga hangin ribuk, hajan praong ngak ia dauk.  

Dalam 11 bilan tapa, dom jabat chuc nang Campuchia mek kareik labaih 23.600 hu pambuak tal jru phil, dalam nan hu 816 urang negar langiu. Langiu di nan, jabat chuc nang pataom mek hu labaih 13 tấn jru phil rilo janih. Jaik abih dom janih jru phil nan lac jru phil tổng hợp. Jalan ngak pacang jru phil di Campuchia hu brei jhul khang, hadei tuk tagok ngak Thu tuong dalam puac bilan 8/2023, ong Hun Manet hu gam gam pato tacei pataom tame prein pacang caga bruk ikak pablei saong pandar jru phil.

Thái Lan daok payua jaik 1.000 drei kra nduh saong tra hoa mbuan pametai abih mai Madagascar. Tui dom urang jakar Thái Lan, ini lac mbang hu mai veik bhum palei ralo abih kuhria meng dahlau mai di dua taneh ia. Cảnh sát Thái Lan  mek veik 1.117 drei athur dalam nan hu 8 drei  metai dalam mbang pacang bruk pablei salih athur glai di gah Meraong negar ini. Thái Lan lac taneh ia ini blei athur glai ralo abih meng Madagascar di bhum taneh Dong Nam A. Kuhria meng thun 1975 tal thun 2019, Thái Lan hu pablei tui sarak saong blei tapa urang karei tabiak negar langiu  jaik 35.000 drei athur atau pandap di nyu meng Madagascar.

Jabat Pasang iek saong pacang caga jit ruak Han Quoc bahrau khan brei thau 66 ruak kan si mboh bahrau hu ba tame sarak hu daong di Rajaei taneh ia ini dalam thun ini. Tuk hu ramik tame janih ruak kan si mboh, jien taong ruak ka urang ruak kan mboh hu patrun daok labaih 10% taong abih jien tui sarak di Yitvu bao hiem y te negar, tapa nan patakik naong trak jien padai ka dom urang ruak brei taong ruak suai atah harei atau lahik rilo jien. Tui kuhria, dalam thun 2022, taong abih urang ruak njauk ruak kan si mboh bahrau hu jaik 55.000 urang./.