Rilo mblang taneh hu peih prong piah ngak mblang kapan haoh 

Thủ tướng rajaei bahrau  brei padang  Mban tacei jalan di rajaei peih ngak danak dak padang ngak jalannduac samar  Bắc - Nam gah timur song danak dak mblang kapan haoh dunya  Long Thành. Mban tacei jalan hu brei bruk tacei pato, pasang iek, pambuak bruk song pachreih ba dom mintri, dom gah, dom tỉnh ban pagam tal, peih ngak dom bruk buh jien tame padang ngak danak dak jalan nduac samar  Bắc - Nam gah pai song danak dak mblang kapahn haoh Long Thành, tui njauk dom sarak di  Quốc hội song rajaei ngan song dom danka dak. Mban tacei jalan hu peih dom  quy chế pambuak gauk  peih ngak dom danak dak tui chức năng, bruk ngak, pathau khan meyah lac gaok kan kandah , tavak tavaiy yam tapa thẩm quyền, hu panuac likau dom jalan ngak, piah rajaei, Thủ tướng pasang iek, brei panuac.

Puac thun ini, tỉnh Trà Vinh hu gac 4 danak dak điện ngin ba tame jalan điện negar haong yaom phun jien buh tame ngak abih tih 15.428 tỷ đồng. Tui kuhria tuk ba tame pandar, yaok thun 4 danak dak ini hu pabak tame labaih 1.450 triệu kWh sa thun, jien mek tame hu jaik 1.700 tỷ đồng, ba bruk ngak brei ka labaih 450 urang ngak. Thun bloh, Trà Vinh hu 5 danak dak điện ngin camereip abih hu ngak salah bloh saong ba tame jalan điện negar.

Dalam thun ni, tỉnh Cà Mau hu palih ruah  17 urang piah pato pakai  ilamu  thạc sĩ, tiến sĩ di negar langiu. Urang hu palih ruah lac  urang jakar, công chức, viên chức dok ngak bruk di dom jabat  dalam tỉnh Cà Mau song sinh viên hu  hộ khẩu thường trú di  tỉnh song oh tapa  30 thun. Dom gah pato pakai yau : Công nghệ thông tin; Công nghệ sinh học; Công nghệ chế biến; Công nghệ padang ngak; Kiến trúc, quy hoạch; Kinh tế tổng hợp;...  Jien bac song dom janih karei karei hu  tỉnh Cà Mau bayar abih. Hadei di tuk bac bloh danak dak, urang bac hu  brei dahlau bruk pilih ruah song hu mbang tui dom sarak  ưu đãi tui hukum.

UBND TP.HCM ieu kakei dom labik pato pakai, dom quận, huyện ngak iek bruk langyah tuk hu rilo F0. Meyah dalam sa harei, tal bac hu meng 2 F0 tagok ye mBan tacei jalan pacang caga jit di labik pato pakai iek tui bruk dịch tễ piah ba tabiak jalan bac hadei di nan di dom anek saih daok veik dalam tal bac. Gam haong nan, ban raya jeng ieu kakei bruk bac bán trú dalam tukvak ini, brei ngak njauk dom jalan pacang caga jit ruak, tui tacei pato di gah y tế haong gah pato megru.

Karja di tỉnh Tiền Giang dok dong ka dom boh sang gaok bala pasiam veik dom khut khat kayua bala meng langik tasik di xã Điềm Hy, huyện Châu Thành. Dahlau di nan, beir harei  23/2 hajan ribuk, gam tui hangin handaoh khang ngak tapeih tabung  31 boh sang song jaleih rilo phun mbang boh , dauh ia rilo mblang  taneh njam patam  , tui kuhria khat lahik labaih  620 triệu đồng. Ni lac, mbang hangin khang ngak  khat lahik  drap ar di menuac urang rah tabiak mbang camereip   di  Tiền Giang dalam thun ni.

Saboh 24/2 (tui mon Việt Nam), Quốc hội Ukraine brei tapa panuac brei thau ka bruk khẩn cấp taneh ia dui atah 30 harei dalam tuk talei pambuak bruk haong Nga daok catang tagok jang. Daok 2 bhum Donetsk saong Lugansk di gah timur hu caik dalam bruk khẩn cấp meng thun 2014. Bruk ini hu Quốc hội Ukraine brei ngak tui panuac caong di Tổng thống taneh ia ini hadei di tuk Nga peih bruk ba menuac tabiak truh Đại sứ quán taneh ia ini dii Kiev, dalam tuk Mỹ hu panuac lac meda patuh tabiak bruk mesruh gauk di taneh ia ini.

Harei  23/2, Campuchia hu peih bruk klauk vaccine pacang COVID-19 ka uranaih  meng  3 tal ala  5 thun dalam taneh ia. Dom labik klauk di 25 tỉnh ban Campuchia peih bruk klauk  vaccine pacang COVID-19 camereip ka uranaih  meng 3 tal ala  5 thun meng  vaccine Sinovac, mbang ka 2 hu klauk hadei di  28 harei. Tui tacei pato di mintri  Y tế Campuchia, dom urang ngak gah y tế brei rivang iek pren yava di uranaih meng dahlau song hadei di tuk klauk  vaccine.
Tui kuhria hu labaih  700 ribau uranaih  meng 3 tal ala  5 thun hu klauk  jru pacang COVID-19 mbang ni.

Dom urang jakar di Braxin brei thau, dom menuac metai kayua ia sua saong jaleih taneh kayua hajan praong di ban Petropolis di taneh ia ini harei 15/2 meng blaoh lac labaih 200 urang. Gah cứu hộ jeng daok sraong hu rilo menuac metai. Urak ini jeng daok hu labaih 50 urang lahik. Dalam 204 menuac metai hu sraong tagok, hu thau cambaih angan di 188 urang. Jaik 800 rahra jeng hu ba nao daok di labik karei hadei di mbang ia sua khang ngak ka rilo sang khut atau jaleih./.

Urang lang: Hanipha- Muosaphuong -24/2