Thủ tướng Rajaei bahrau mbaoh tangin tame sarak pok brei angan ka 17 xa An toàn khu di tỉnh Vĩnh Long. Dom xã An toàn khu ini hu mbang tui dom sarak biak karei piah thau dhar phol saong paglaong raidiuk, prein yava, pato magru, ilamo di rahra samu atau glaong jang tanut kuhria di dalam taneh ia saong di yaok bhum palei; khik ramik, ngak pasiam veik, pata pakai saong patagok dom yaom glaong sajarah cach mang di labik masuh metak. Vĩnh Long hu labaih 120 ribau urang daok di dom xã An toàn khu ini hu mbang tui sarak bảo hiểm y tế.

Di TPHCM, 100 anek saih sang kan kandah daok di rilo tỉnh, ban gah meraong daok tame trại hè “Lambaok pandap Việt sit sot” mbang ka 13. Dalam 4 harei trại hè, meng harei 6- 9/8, dom anek saih nan hu maong iek, duah thau, ba drei tame me-in rilo kadha me-in kein lagaih di dom labik dane angan di ban raya. Trại hè hu ba mai bui sambai saong caong tame harei hadei hadah hadai jang ka yaok rabau adei sit kan kandah. Gam haong nan, lac sa bruk ngak brei mboh hatai daong ka bol bhap rahra di dom doanh nghiệp.

Liên đoàn Lao động Ban Cần Thơ bahrau pok mayaom urang jakar saong doan vien kong doan naih joi angan je pahadar 95 thun Harei padang Công đoàn Việt Nam. Tukvak tapa, bruk patagok urang đoàn viên, padang ngak kong doan pak labik hu dom pakat kong doan ban Cần Thơ caik hatai iek praong, yaok thun jeng hu padang ngak jalan ngak, ba tabiak dom jalan langyah ngak tantu cambaih laih. Rilo danak dak pakacah hu dom pakat kong doan ba tabiak, peih ngak mek hu kein lagaih glaong, meng nan rik tame padang ngak kapul urang ngak biak khang, hu ilamo chinh tri khang kajap jang.

UBND tỉnh Bạc Liêu pambuak bruk haong Gilang Pariak Sacombank peih bruk alin hadiah 20 tỷ đồng piah padang ngak 400 baoh sang ka urang kan kathaot, sang sarak karja gaok kan kandah di dalam tỉnh. Akaok UBND tỉnh Bạc Liêu Phạm Văn Thiều hu panuac dhar phor Gilang Pariak Sacombank tukvak tapa hu peih ngak dom danak dak an sinh xã hội di dalam tỉnh Bạc Liêu. Ini lac bruk pachreih ba praong, daong ka bhap bini kan kandah dalam tỉnh hu tani tanat raidiuk, yam tagok tabiak truh kan kathaot khang kajap.

Sa bala jalan ia biak trak bahrau rahtabiak di bier harei 6/8 di sa sruh gilai pajeng pandap negar langiu saong sa sruh phà pajeng tuai tapa kraong ngak ka rilo urang saong radaih mac laik trun kraong Tiền. Tui thaot binguk kayua rahra pabak, tukvak rahtabiak bala, gilai pajeng pandap nduac biak samar saong ginuh tame gah taok phà daok nduac tapa kraong. Hadei di tuk rahtabiak bala, po phà hu ba veik pha karei mai glam phao piah daong sraong. Urak ini bruk ini daok hu canh sat jalan ia Công an tỉnh An Giang pasang iek saong yaok pataom dom khat lahik.

Hadei di tuk Tổng thống Joe Biden tabiak truh bruk pakacah ngak Tổng thống Mỹ 2024, Phó Tổng thống Kamala Harris lac menuac hu ong Biden pok ngak ứng cử viên Tổng thống. Tui pasang iek di AP dalam negar, amuk ngak hu dom pagul sanya  tok dalam 32 mon hadei di tuk Tổng thống Joe Biden tabiak truh bruk pakacah. Bruk buh phiếu online di dom urang lambaok đảng Dân chủ dui atah dalam 5 harei, amuk Harris taduan hu bruk pachreih tui di 99% dalam 4.567 urang lambaok buh phiếu brei.

Rajaei Iran hu tabiak sarak ngak katut panak veik maong ngak bruk di dom jabat kanja saong gilang paraik di dom bhum palei kayua langik pandiak biak khang daok rahtabiak dalam taneh ia. Tui nan, maong ngak bruk meda hu ramik meng maong 6 tal maong 10 dah page tui maong pak ini. Sarak ini piah khik ka prein yava di rahra saong pacang caga bruk lahik dien. Nhiet do di rilo labik pak negar Iran tui kuhria meda tapa tanut 40 độ C dalam dom harei anak tal. Meda lac dom tinh yau ye Yazd saong Khuzestan meda mboh nhiet do tagok tal labaih 45 saong 49 độ C.

Pluh thun tapa blaoh, kuhria meng tuk mek jien phí kadung nilon di negar Anh. Bilan 10/2015, Anh hu tabiak sarak kuhria jien phí 5 xu (lac 1.600 đồng) ka yaok kadung nilon. Dahlau di nan, menuac blei pandap di dom siêu thị hu brei saoh kadung nilon. Yaom phí nyu tagok, meng 5 xu tagok 10 xu di thun 2021 di negar Anh saong Scotland, saong yaom 25 xu di Bắc Ireland. Xứ Wales, labik yaom phí takik di abih jeng daok lac 5 xu, hu khan brei thau lac pakauk abih dom janih kadung ini di thun 2026. Tui Danak dak Môi trường Liên hợp quốc, yaok minit hu 1 triệu klaok katak hu blei di angaok dunya. 5.000 tỷ kadung nilon hu pandar yaok thun saong meteh dom pandap katak hu pandar sa mbang blaoh prah klaak./.