Patagok ialmu Inem krung pakat negar đặc biệt Óc Eo - Ba Thê hu jeng labik roh duah khảo cổ học

Thủ tướng Rajaei birau mbaoh tangin tame harak quy haoch khik piah, pasiam veik Inem krung pakat negar đặc biệt Óc Eo - Ba Thê (ban sit Óc Eo, huyện Thoại Sơn, tỉnh An Giang). Bruk ngak di quy hoach piah roh duah, pasang iek, peih praong bruk khảo cổ piah ngak pasiam hồ sơ saong pabak, ngak brei cambaic dom ilamu pambuak tal inem krung, abih di nyu lac dalam dom bruk pambuak gauk saong dom inem krung, di chỉ khảo cổ học pambuak tal ilamu Óc Eo. Tui nan, khik ramik, pasiam saong patagok ialmu Inem krung pakat negar đặc biệt Óc Eo - Ba Thê hu jeng labik roh duah khảo cổ học, piah ngak brei hadah tagok yaom glaong ilamu Óc Eo hadah tanyak dahlau daih, rik tame cak rok patagok kinh te - xa hoi, ilamu, dilich di huyen Thoại Sơn saong tỉnh An Giang.

Hadei di tuk peih bruk “Tết pala phun miat miat hadar dhar phor Wa Hồ” di dalam tỉnh, dom harei tapa, urang jakar song bhap bini tỉnh Hậu Giang pala hu labaih 2.600 phun hajao. Hu thau dalam thun bloh, dalam tỉnh pala hu labaih 56.800 phun hajao. Tui Chi cục Kiểm lâm Hậu Giang, bruk pala phun, pala glai tuk vak tapa hu rik dong prong dalam bruk samar pacang caga bala meng langik tasik, pasiam môi trường sinh thái, ngak brei mekre jang labik dok, patagok kinh tế - xã hội, paglaong rai duik mbang ngui hatai sahneng ka bhap bini. Urak ni, bruk pacang meon glai di tỉnh hu labaih 3%.

Biar harei 10 -2, hadei di labaih 2 adit padeih Tet Nguyen dan, Ban raya HCM peih bruk họp mbao yaok bilan piah khan ka bruk jit ruak Covid-19 di ban raya. Tui gah y te Ban raya HCM, dalam dom harei anak tal, urang njom ruak birau di Ban raya meda daok tagok veik. Yau nan min, tapa tui iek, dom urang ruak trak, suak yawa meng mac saong metai hu trun kayua bruk taong ruak dak harei dak siam tagok. Tukvak nak tal, gah y te daok patagok bruk jak ba bhap bini ngak njauk tui 5 paka jeng yau klauk vaccine tuk tal harei; patui bruk daong ka UB bhap bini TP pakhang bruk klauk jru vaccine.

Dom harei tapa, dalam dom labik di dom tỉnh, ban gah merong hu rilo labik pablei xăng, menyek padeih pablei. Makna hu batabiak lac kayua kurang xăng menyek piah pablei. Piah pasiam veik bruk ni, meng di harei ni Sở Công thương TPHCM hu pasang iek bruk pablei salih xăng menyek dalam ban. Dahlau di nan, tapa pasang iek , mboh lac dom labik pablei salih xăng menyek dalam ban raya jeng daok pablei yau yaok harei. Tong abih dom labik jeng pabak hu bruk khik piah 30 harei, dalam nan hu dom labik prong khik piah meng 45 – 60 harei, nan ye, khik hu bruk pablei ginup.

Daok di bhum taneran kraong Cuu Long, dom harei tapa dom gah chức năng dalam bhum hu patagok bruk pasang iek piah samar thau saong langyah sumu dom bruk khin ngak suan piah mbang tui. Di Ban Cần Thơ, Bến Tre saong Kiên Giang, tapa pasang iek di dom gah chức năng oh mboh labik halei padauk pandap, cang pablei tagok yaom. Sở Công thương dom tỉnh ngak catang oh brei cửa hàng xăng menyek halei kareik pabah mbang oh njauk bruk. Tui nan, taong abih dom cửa hàng pablei salih xăng menyek brei sanya khik brei ginup, pablei, parabha, pablei lẻ xăng menyek ka darak pasar, pandar tame ngak tabiak, blei pandar hu lagaih.

Tổng thống Hàn Quốc Moon Jae-in brei thau, ong halan hatain peih nyaom biai pakat glong di abih di dua gah Triều Tiên tui jalan ngak halei bo Triều Tiên cong khin. Gam haong nan, hu panuac lac palao Triều Tiên meda gilac veik "bruk srau kadau khang" yau atah di ni 5 thun , meyah Bình Nhưỡng daok brei ngak iek tên lửa song hạt nhân. Panuac nan hu batabiak dalam tuk huac lac Bình Nhưỡng meda brei padeih tuk vak cuh tên lửa jalan atah bo Bình Nhưỡng eng drei batabiak meng hadei di thun 2017.   

Piah patagok prein khang di châu Phi, Ủy ban châu Âu EU brei buh tabiak 150 tỷ đô la ka dom danak dak buh jien tame ngak di châu Phi. Poak jien buh tame ngak nan mai meng danak dak “ pabah mbang Dunyar”, hu UB châu Âu brei thau meng 2 bilan dahlau. Bruk nan lac sa bruk piah jhul tagok bruk pasiam veik dunya, piah pacang veik saong meriak gauk haong bruk “ Vành đai saong jalan kavong” hu Trung Quốc brei thau dahlau di nan.

Dom urang roh duah di sang bac Đại học Công giáo Louvain di Bỉ bahrau ni hu duah tabiak talei pambuak gauk di sa janih enzyme dalam tuk chuyển hóa saradang song sa janih ruak tế bào bahrau rah tabiak dalam dom urang ruak Parkinson. Dom urang roh duah brei thau, enzyme PARK7 meda hu mbaok dalam tuk chuyển hóa saradang tapa tuk vak ralai glucose dalam rup ala tác dụng di enzyme. Dom urang roh duah tapa mong iek mboh lac, bruk vô hiệu hóa enzyme ni ngak kandong veik khat lahik dalam dom tế bào di anek menuac. Kayua yau nan ye, dom urang ruak Parkinson meda lac kayua bruk bất hoạt di truyền di enzym PARK7./.

Urang lang: Hani Pha – Bhumi – 11/02 10:32:27