Tui nan, Thu tuong jao Mentri Jalan mbak pajeng ba tacei pato  dom po buh jien tame  saong dom jabat pambuak tal brei patrah  dom po peih ngak  pataom tame prein khang, samar tuk langik hu lagaih, peih ngak samar piah hu salah 3 danak dak jalan peih drah samar Bắc - Nam vaktu 2017-2020 saong Mỹ Thuận - Cần Thơ dalam thun ini.

Mintri Pato Megru daok mek panuac brei ka dự thảo Nghị định padang ngak sarak ka uranaih, nhà trẻ, anek saih, urang bac di bhum bangsa takik saong bhum ceik, labik pato pakai hu uranaih nhà trẻ, anek saih mbang tui sarak. Dalam nan, khoản 3, paka 6, Chương II dự thảo tacei tabiak sarak ka bangsa gam bac gam daok, daok bruk daong brah, yaok anek saih hu daong 15kg brah sa bilan saong khoản 5 paka 10 Chương III patabiak tukvak jao, taduan brah oh tapa 2 mbang dalam sa học kỳ (lac 4 mbang dalam sa thun bac). Tui rilo gru pato, bruk daong brah samu gauk yau nan ka taong abih dom umo thun, lac ka oh lagaih, njauk kuhri kuhria veik.

 Sở Y tế Ban raya HCM birau hu pathau khan drah samar payua UB bhap bini Ban raya ka bruk pandar vaccine  klauk caga ruak pambak praong. Tui nan, Ban raya  khin hu 1,7 trieu mbang jru vaccine klauk peih praong piah pandar dalam thun ini saong 6 bilan akaok thun 2024. Tukvak tapa, Ban raya HCM lac sa dalam tỉnh, ban kurang ralo vaccine ka Danak danak klauk jru pambak praong. TPHCM hu ralo harak likau brei pabak  vaccine  peih praong  bruk klauk jru pacang ruak ka uranaih.   

Khoa cấp cứu, Sang iek ruak Đa khoa tỉnh Kiên Giang khan lac, urang ruak angan T.T (lac uranaih kumei ndih tapui thun 2010) daok di xã Thạnh Lộc, huyện Châu Thành (tỉnh Kiên Giang) metai medil lac  njauk jru mek. Urak ini bruk njauk jru mek nan kayua halei jeng daok hu duah thau, ngak brei cambaih laih. Dahlau nan, biar harei 12-7, T. tame sang iek ruak tuk padeih suak yava, rup saik sambo bleit. Amaik di adei T brei thau, mon 1 jala pandiak harei 12-7, adei T. hu mbang ralow saong baoh ikan lau kiếng haong ia bai mesam rieng hamu, tal mon 2 ye mboh adei T. var drei jan, nan ye amaik ame ba tame sang iek ruak cấp cứu min oh tapa hu.     

 Meng akok thun 2023 mbiah tal ini, tỉnh Tiền Giang rah tabiak 66 labik glut jaleih atah labaih jaik 11.000 m, pataom tame ralo abih di dom huyen  Cai Lậy, Cái Bè, Châu Thành,  ngak kan kandah trak damak tal bruk ngak mbang pala drak jeng yau radiuk  di bhap bini. Dalam nan, di bhum kraong Ba Rày, sông Phú Phong, sông Ông Vẽ… lac dom labik glut jaleih birau atah abih tih 155m, ngak bruk nao mai di jalan dalam huyen gar tavak, jakan 54 B, kan kandah tal bruk nao mai, pablei salih. 

Urak ini, ia kraong  Yamuna nduac tapa Delhi, lac labik hu 20 trieu bhap bini daok diukrai glong abih  kuhria dalam 45 thun tapa saong glong jang tanut lac mbuan gaok bala. Yau nan ye, karja ban ine Delhi di Ấn Độ brei kareih pabah mbang taong abih dom labik pato megru, jeng yau caong khin di jabat  đơn vị karja brei ka urang ngak bruk di sang. Tui Cục Khí tượng Ấn Độ, dom bang gah Barak  di taneh ia ini hu mboh  ia hajan khang abih kuhria meng tuk tame bilan hajan di bilan 6. Urak ini, jabat chức năng hu padang paga pacang ia ribuk di dom labik mbuan ia dauk, ia sua  piah takik khat lahik abih ka bhap bini./.