Dom tinh, ban, abih di nyu nan lac dom tinh, ban di bhum Trung Bộ, Tây Nguyên saong Đông Nam Bộ njauk jhul khang bruk pathau khan, pato tacei rahra caga dahlau bruk khik ia taba, pandar siam lagaih, patak pataom ia, đien, oh caik palai pajoa ia. Dalam nan, brei pabak dahlau ia  pandar, raong glang athur saong dom gah ngak mbang hu makna praong karei. Iek tui bruk di halau ia saong prein pabak ia, dom tinh ban njauk rami ramik bilan pala drak, salih janih phun pala ka nyu lagaih.

Sở Y tế TP.HCM brei thau, Ban raya oh daok 2 janih vaccine dalam Danak dak klauk jru peih praong. Dom vaccine karei jeng abih jangaih meyah oh hu pabak tame. Tui nan, vaccine DPT-VGB-HiB (caga ruak bạch hầu, ho gà, uốn ván, viêm gan B, viêm phổi kayua Hib saong viêm glo akaok hu laneh kayua Hib) nyu abih mbong meng akaok bilan 3 meng blaoh. Daok vaccine DPT (pacang 3 ruak njom mbak lac bạch hầu, ho gà, uốn ván hấp phụ) jeng abih di akaok bilan 5. Dom janih vaccine karei dalam Danak dak klauk caga peih praong yau ye: Vaccine viêm gan B, vaccine viêm não Nhật Bản meda abih dalam dom bilan anak tal.

Piah pabak baoh kayau ka darak pasa pablei tabiak negar langiu, gah chức năng saong po bein, doanh nghiệp di tỉnh Tiền Giang daok peih ngak dom jalan khik ramik, khik catang mã số bhum pala, labik papaok tani tanat saong cak rok patagok. Tal tukvak ini, di pak ini hu 270 mã số bhum pala ngan haong baoh kayau hu pabak labaih 20.000 ha; dalam nan hu: 70 mã số bhum pala phun panat, 77 mã số phun thanh long, daok veik lac mã số bhum pala phun pa-aok, phun vú sữa, durain, tamekai, darang, chôm chôm, kruac bhung. Taphia di nan, tỉnh Tiền Giang daok hu 257 mã số labik papaok dom janih baoh kayau. 

Hadei di labaih 4 bilan padang ngak, tal urak ini danak dak jalan  cao tốc Cần Thơ - Hậu Giang saong Hậu Giang - Cà Mau oh ka hu cuah piah ngak nền. Cục khik ramik đầu tư xây dựng (Mintri jalan mbak pajeng ba) brei thau lac hu payua Cục Khoáng sản (Mintri Tài nguyên - Môi trường) ka bruk parabha cuah brei ka danak dak jalan cao tốc Cần Thơ - Hậu Giang saong Hậu Giang - Cà Mau, dalam danak dak jalan cao tốc Bắc - Nam gah Timur. Abih tih cuah caong hu piah ngak mbaok jalan ka danak dak cao tốc Cần Thơ - Hậu Giang saong Hậu Giang - Cà Mau lac labaih 18triệu m3, dalam nan dalam thun 2023 caong hu labaih 9,1 triệu m3.

Bộ Chỉ huy Bol lin Biên phòng tỉnh Bà Rịa – Vũng Tàu brei thau, dalam 2 harei tapa (14-15/5) kapul pasang iek hu duah mboh saong langyah 13 sruh gilai ikan ngak suan bruk salamat jalan nding ba khí Nam Côn Sơn di mangaok tasik. Kapul pasang iek Hải đội Biên phòng 2, Bol lin Biên phòng tỉnh Bà Rịa-Vũng Tàu hu peih bruk pasang iek rah tui jalan nding ba khí meng km 22 tal km 290 (KP75) saong gilac veik. Kapul pasang iek hu duah mboh saong langyah 10 bruk ngan haong 13 sruh gilai di tỉnh Bình Định, Bến Tre, Bình Thuận, Quảng Ngãi, Tiền Giang saong Bà Rịa - Vũng Tàu ngak suan bruk salamat dalam gah jalan nding ba khí.

UB châu Âu (EC) bahrau tah klaak panuac lac mbuan laik tame suy thoái kinh tế dalam thun 2023, gam haong nan, mboh lac prein patagok kinh tế hu siam saong kuhria mboh dahlau bruk lạm phát di Bhum pandar haong gauk jien châu Âu (Eurozone) dalam thun 2023.  Bruk kuhria mboh dahlau mbang ini di EC hu taong yaom lac siam mekre jang duk haong kuhria mboh dahlau hu ba tabiak di jhung thun bloh. Tui nan, kuhria mboh dahlau lac patagok kinh tế di 20 taneh ia pandar haong gauk jien euro tagok, meng 0,9% tagok 1,1% dalam thun ini saong 1,6% di thun 2024.

Gah Y tế dunya (WHO)  hu panuac kakei lac oh pandar janih ngak yamen nhân tạo piah trun kilo. Dom pandap mbang kiêng ini oh daong ka bruk trun limek dalam rup suai lavik, bo nyu hu pambuak tal bruk mbuan njauk ruak ma-ik saradang saong ruak tim mạch glaong jang. Ong Francesco Branca, Yam ndok gah Y tế dunya ka dinh dưỡng saong salamat pandap mbang, brei thau lac: “yaok urang njauk mbang takik veik pandap yamen dalam bruk mbang huak di drei”. Tui ong, janih ngak yamen nhân tạo jeng hu pambuak tal bruk mbuan njauk ruak ma-ik saradang tuýp 2 saong ruak tim mạch, saong ba tal metai glaong jang.

SEA Games 33 thun 2025 hu peih tabiak tuk jhung thun di Thái Lan, oh lac tuk kreh thun yau di 2 mbang jaik abih di Việt Nam haong Campuchia. Cambaih laih lac, Thái Lan dang tabiak peih SEA Games 33 meng harei 9 tal harei 20 bilan 12/2025, di 3 labik lac ban ine Bangkok, tỉnh Chonburi haong tỉnh Songkhla. Bruk njauk biai nan lac, Bangkok saong Chonburi atah di gauk labaih 100km, dalam tuk Songkhla daok di gah Meraong atah labaih 1000km. Dahlau di nan, SEA Games 30, taneh ia po sang Philippines peih ngak di jhung bilan 11. SEA Games 32 daok yam tal dom harei pakacah puac abih. Adat tamat hu peih tabiak tuk melam 17/5./.