Thu tuong Rajaei Phạm Minh Chính  birau hu ginum biai Thường trực Rajaei haong dom mentri, dom gah ka dom jalan langyah anak meta piah khik kajap điện ka bruk ngak, pablei salih saong pandar. Hadei di tuk pang dom pathau khan, tamat  mbang nyaom, Thu tuong Phạm Minh Chính ndem lac, abih tih cong suât di dom jalan điện pakat negar meda pabak hu taong abih bruk pandar, oh kurang suai lavik. Thủ tướng tacei pato dom jalan anak meta meng ini tal harei 25/5, oh caik kurang điện ka bruk ngak mbang pala drak, pablei salih saong điện pandar.

Akaok UBND TP.HCM Phan Văn Mãi brei thau lac, Ủy ban Thường vụ Quốc hội njauk hatai ka bruk ba Dự thảo Sarak bahrau tame Mbang nyaom ka 5, Quốc hội mbang XV. Ban raya daok samar drah pambuak haong dom mintri, dom gah Trung ương piah ngak salah dự thảo Sarak. Tui ong Phan Văn Mãi, bruk hu sa Sarak bahrau di Quốc hội salih ka Sarak ka 54 lac biak njauk hu, caong hu samar drah piah pamadeih dom prein khang, ba jalan cak rok patagok, peih ngak taong abih tih dom kein laggaih, prein khang di ban raya; piah samu haong labik dang akaok kinh tế-xã hội di Bhum Đông Nam Bộ saong dalam taneh ia.

UB bhap bini tỉnh  Bà Rịa -Vũng Tàu peih bruk brei padang Tổ ngak bruk đặc biệt, piah daong lang talaih kan kandah, tavak tavaiy di dom doanh nghiep, po buh jien tame danak dak dalam tỉnh. Tổ ngak bruk đặc biệt kayua ong Nguyễn Văn Thọ, Akok UBND tỉnh Bà Rịa-Vũng Tàu dang akaok, hu dom urang ngak praong dom Sở lac:  Kế hoạch  -Đầu tư, Xây dựng, Tài nguyên - Môi trường, Công thương, Giao thông vận tải, Tư pháp, Mban khik iek dom labik ngak kong, Cục thuế saong Thanh tra tỉnh.  Tổ ngak bruk brei pasang iek, pataom abih dom kan kandah, tavak vaiy dalam tuk peih ngak danak dak di Bà Rịa - Vũng Tàu.  

 Di Labik inem krung sajarah – ilamo pakat negar ka Danaok Wa Ho di xã Lương Tâm, huyện Long Mỹ, Ban Thường vụ Tỉnh đoàn Hậu Giang pambuak haong Báo Người Lao động, Huyện ủy Long Mỹ peih pakah danak dak “jalan hala dok taneh ia” salam  uan pahadar 133 thun Harei manek Chủ tịch Hồ Chí Minh (19/5/1890-19/5/2023).  Meng bilan 6/2019 di tỉnh Bạc Liêu, Báo Người Lao Động hu peih ngak Danak dak “sa triệu hala ndok negar gam haong urang taong ikan pambuak haong tasik”. Hadei di 2 thun peih tabiak, Danak dak peih ngak hu tapa tanut 1 triệu hala dok negar.

Tukvak tapa, bruk pacang khuah padam khuah di tỉnh Tiền Giang hu sangka, pakhang, sumu padam dom mbang apui khuah praong, patrun khat lahik drap ar saong salamat ka anek manuac. Yau nan min, bruk pacang khuah padam khuah di tỉnh ini daok gaok rilo kan kandah, tavak tavaiy njauk brei caik hatai pasiam veik yau dom đơn vị, urang daok iek lap, pandap panda jamraih padam pui oh ka hu pabak ginup…Dalm 5 bilan akok thun, dalam tỉnh Tiền Giang  rah tabiak 7 mbang apui khuah  di huyen Cai Lậy, Tân Phước saong Châu Thành, oh metai manuac min khat lahik drap ar  labaih 535 trieu dong.

Dah page harei kabroi (18/5), Australia hu peih ngak gilac bruk pablei  kayau tapa darak pasa Trung Quốc hadei di 3 thun njauk brei padeih, meng puac thun 2020, hadei di tuk Trung Quốc padeih blei tame kayau meng Australia kayua oh khik hu tani tanat chất lượng. Dahlau di thun 2020, Trung Quốc jeng lac sa dalam dom darak pasa pablei tabiak negar langiu kayau praong abih di Australia ngan haong yaom jien mek tame yaok thun tagok tal 1,6 tỷ AUD. Min, bruk pablei kayau tapa Trung Quốc rilo meng brei padeih meng di puac thun 2020 hadei di tuk Trung Quốc tabiak panuac lac mboh hu halak dalam kayau.

Tapa pasang iek birau abih di Gallup brei mboh 29% dom urang praong di Mỹ ruak trầm cảm di sa tukvak halei nan dalam raidiuk. Tapa pasang iek ruak trầm cảm di urang praong di Mỹ mboh tagok, meng 19.6% di thun 2015  tagok 29% urak ini. Dalam tuk nan, 17,8% dom urang umo meng 18 thun tagok hu taong ruak trầm cảm, tagok labaih 10% meng thun 2015. Tui Gallup, sa kong ty bhian peih ngak dom mbang pasang iek saong langyah  dữ liệu, dua bruk nan brei mboh lac daok dang di tabung glong abih di Mỹ kuhria meng tuk kong ty ini tui iek ruak trầm cảm.

Phó Phát ngôn Mintri Ngoại giao Phạm Thu Hằng brei thau lac daok duah thau bruk daok di dom rahra Việt Nam, dalam labaih 1000 urang ngak negar langiu bahrau hu daong paklah di Philipin piah peih bruk daong khik ka rahra. Minti Ngoại giao jjeng hu panuac ieu kakei rahra njauk caik hatai anak dom panuac daa nao ngak bruk di negar langiu piah plaih njaih bruk pachot pagait. Harei 4.5 meng blaoh, dom kapul chức năng Philippines hu daong paklah ka labaih 1.000 urang dalam nan hu rahra Việt Nam, njauk kateik greik ngak bruk dalam labik kayua Tập đoàn Clark Sun Valley Hub ngak po di Pampanga, jaik ban ine Manila./.