Ngak bruk haong tỉnh Ninh Thuận dalam harei 17/4, Thủ tướng Rajaei Phạm Minh Chính ndom lac, Ninh Thuận lac bhum taneh pataom rilo kaya hu yaom glaong min ka oh cak rok hu siam lagaih, njauk jalan. Kayua yua yau nan ye, tỉnh Ninh Thuận njauk jhul khang bruk rami ramik veik, paglaong năng suất, chất lượng, siam lagaih di gah kinh tế. Paglaong bruk pato pakai, paglaong chất lượng manuac ngak ka nyu lagaih haong prein di pak ini. Jhul khang bruk peih ngak siam lagaih 3 danak dak bruk ngak negar ka bruk patruh eih patrun kathaot, padang ngak palei pala bahrau saong cak rok patagok kinh tế - xã hội bhum bhap bini bangsa takik…Anak mata lac pacang caga jit COVID-19 saong ngak pasiam, cak rok patagok kinh tế xã hội. Dahlau di nan, dah page 16/4, lambaok ka urang par akaok Đảng, Kanja, Thủ tướng Phạm Minh Chính hu mbaok tame harei pahadar 30 thun padang veik tỉnh Ninh Thuận (1-4-1992 - 1-4-2022), 47 thun Harei peih paha Ninh Thuận (16-4-1975 - 16-4-2022).

Salam uan harei ilamu dom bangsa Việt Nam (19/4), Kapul Văn học nghệ thuật dom bangsa takik  ban raya HCM bahrau peih bruk taom mbaok, pok meyaom 110 urang  văn nghệ sĩ lac urang bangsa takik naih gheih  dom bruk  văn học nghệ thuật di dom bangsa Chăm, Khmer, Hoa.  Bruk njauk biai nan lac dalam mbang ni Kapul hu taduan mek  Huân chương lao động hạng Ba kayua akaok negar  alin brei. Ni lac  bruk pok meyaom prong glong di karja  ka dom prein yava rik dong di dom  văn nghệ sĩ biak naih ghieh dalam dom bruk paneh kadha, yaih khan  kadha  văn học nghệ thuật duh ka dom bangsa  Việt Nam.

Ủy ban MT negar ban raya HCM pambuak haong Mbao Nguoi Lao Dong bahrau jao alin 50 paok jien bac meng Kadung jien bac daong ka anek saih, sinh viên bangsa takik  gaok kan kandah di bhum tapen negar di tỉnh Tây Ninh. Dahlau di nan, kadung jien bac daong ka anek saih, sinh viên bangsa takik hu ba mai tal anek saih, viên viên bangsa dom tinh Bình Phước, Đồng Tháp, Kiên Giang, An Giang. Tal urak ini, hu 300 paok jien bac hu jao alin tal dom adei.

Ban  Cần Thơ pataom tame peih ngak  3 danak dak prong nan lac,: Pasak pambuak gauk ngak nong, Pasak  năng lượng Ô Môn song labik ngak cong Việt Nam - Singapore di  Cần Thơ. Urak ni, Cần Thơ dok peih ngak kein lagaih jang yau sarak hu Trung ương batabiak dalam dom sarak di  Quốc hội ka bruk ngak iek dom jalan ngak, sarak karei  patagok ban Cần Thơ.

UBND tỉnh Kiên Giang bahrau pasang iek brei ngak dom danak dak pachreih nong dalam tinh thun 2022. Tui nan, meda hu 11 danak dak pachrieh nong hu ngak haong yaom jien labaih 10 tỉ đồng, kayua Pasak pachreih nong di tinh peih ngak. Dom danak dak pachreih nong meda rik daong salih bruk ngak nong tui jalan cak rok patagok ngak tabiak pandap panda, paglaong năng suất, chất lượng, salamat pandap panda pabak hu caong pandar dalam taneh ia saong pablei tabiak negar langiu.

   Tổng thống Ukraine hu puac ieu nyaom dom taneh ia ngak cong patagok dang akaok dunya  (G7) song kadung jien dunya  (IMF) pabak pok jien dong tagok  tal 50 tỷ USD piah dong ka taneh ia ni pabak tame kadung jien khat lahik kayua bruk mesruh gauk song  Nga dalam 6 bilan tal. Urak ni,  Ukraine dok lahik labaih  7 tỷ USD yaok bilan , tapa nan, patagok khat lahik  dalam tukvak  6 bilan tagok tal jiak  50 tỷ USD.

Gilang pariak negar Sri Lanka hu tabiak panuac lac oh biyar hu dom paok masaiy di negar langiu yaom 51 tỷ USD saong tok brei blei dahlau meng negar langiu tame dom pandap panda pandar yaok harei yau ye pandap mbang, jru tavao, xăng saong khí đốt. Khủng hoảng kinh tế biak trak damak meng di thun 1948 daok pambak praong tal yaok gah dalam raidiuk, meng năng lượng, pandap mbang tal y tế ngak ka raidiuk di bhap bini biak kan kandah.

Dom urang metai kayua ia sua song glut jaleih taneh kayua  ribuk  nhiệt đới tuh tame  Philippines harei 10/4 meng bloh tagok takik di abih  172 urang, 110 urang dok lahik. Tui jabat bala meng langik tasik  Philippines, tui kuhria khat lahik  meng bruk ngak nong , sang dok song cơ sở hạ tầng tagok labaih 400 triệu Peso (samu labaih 8 triệu USD). Dom kham merat dong duah urang lahik dok peih ngak, yaom lac oh hu salamad di dom labik glut jaleih./.

Urang lang: Thu Thao & H.Pha – 18/4/2022