Rilo urang ngak hu tangi sua ka quyen kein lagaih di drei 

Thủ tướng Rajaei meda hu var taom gaok, ndem meyai haong biak rilo urang ngak dalam negar di page harei 12/6/ 2022 di Bắc Giang ka bruk ngak, jien mek tame, labik ngak bruk,  mbuan lagaih rik prein ngak bruk daong patagok kinh tế- xa hoi di bhap bini…Tui kuhria mboh dahlau hu 4.500 urang ngak hu mbaok di labik tỉnh Bắc Giang saong 63 labik pambuak dom tỉnh, ban, Tổng Liên đoàn Lao động Việt Nam hu mbaok dalam bruk ndem biai nao mai. Danak dak Thủ tướng Rajaei ndem meyai saong urang ngak kong lac asar kadha hu makna praong dalam dom bruk ngak chreih chrai di Bilan Urang ngak thun 2022.  

Kiểm toán karja brei thau: Tui pathau khan di  dom mintri, dom gah, dom tỉnh, ban hu kiểm toán dalam tuk vak  2020-2021 dom jabat hu blei  sinh phẩm, hóa chất kit test, sinh phẩm dut iek  PCR, yaom abih tih  8.000 tỷ đồng, dalam nan,  taeng kit test meng Cty Cổ phần Công nghệ Việt Á pabak ka dom jabat  hu meblah tal labaih  2.161 tỷ đồng.

Mbang pakacah palih ruah tame tal 10 thun bac 2022-2023 di TPHCM meda peih ngak dalam dua harei 11 saong 12 bilan. Thun ini, ban hu 108.290 anek saih  tamat THCS, min bahrau hu 93.981 anek saih tut angan tame pakacah tal 10 di 150 labik pakacah nan lac 139 labik pakacah bhian, 11 labik pakacah chuyên.  Urang lambaok Sở Pato megru TP.HCM brei thau, dom labik pakacah meda hu pruh jru ngak hacih dahlau saong hadei tuk pakacah piah pacang caga jit ruak.

Hadei di rilo thun joa kandang, labaih  1.000 drei kook quý hiếm daok mai dok, duah mbang di bein pakat negar Lò Gò - Xa Mát ( Tây Ninh). Janih cim ni hu dalam Tapuk bhong meriah Việt Nam. Cim prong hu sayaok  atah meng  6 tấc  tal sa met, trak meng 1 tal1 kg meteh. Labik dok biak takre di janih Cim ni bhian di bhum taneh dauk ia. Pandap mbang di nyu rilo meng lac dom janih  boh bao, kiuk, arieng song côn trùng prong.  Tapa bruk nan brei mboh lac langik tasik di bein pakat negar hu khik ramik siam, palagaih ka dom janih cim mai dok.

Hadei di labaih 120 thun pandar, tatua Long Biên lac tatua khut trak min yaok harei hu labaih yaok pluh ribau radaih nao mai tapa tua ini, dalam nan hu radaih pui, radaih patuh, radaih juah, urang nao tabak. Abih di nyu, dalam bilan 5 birau rah tabiak 2 mbang glut đan di jalan brei ka urang nao tabak saong mbaok jalan peih radaih patuh, radaih bagac. Di var ginum biai ngan haong kadha “ Ngak yau halei ngan haong tatua Long Biên” kayua Mbao Giao thông di  Mentri jalan mbak pajeng ba peih ngak harei kabroi 8/6,   ong  Dương Trung Quốc – urang roh duah sajarah dakrai khan lac njauk brei khik veik tatua Long Biên yau urak ini. Ong Quốc lac, tua ye  brei hu urang nao mai, oh brei nao mai ye lac klak saoh. Min nao mai yau halei brei kuhria ka lagaih haong bruk anak meta, prein di tatua saong bruk khin nao mai di bhap bini.

Rajaei Ba Lan tabiak panuac brei thau lac klaak bruk khẩn cấp di harei  1/7 rah tui jalan negar song  Bê-la-rút (Belarus) hadei di tuk negar ni ngak salah bruk padang sa daning piah pacang urang di cư song tị nạn. Meng akaok thun  2022, Ba Lan peih bruk padang sa daning paga thép gai glong  5 met meteh, piah pacang urang  di cư song takik brei menuac tame bhum tapen negar, hadei di tuk hu biak rilo urang meng  Trung Đông tapa jalan negar meng  Belarus tapa dom taneh ia Liên minh châu Âu yau Ba Lan, Litva song Latvia.

New Zealand birau brei thau dự thảo jalan ba tabiak yaom khí thải ngak nong, dalam bruk ngak piah langyah sa dalam dom halau tathuak khí thải ngak pambak tal hieu ung sang camin praong abih di taneh ia ini lac gah raong limo saong pabo. Mentri Alam moi truong  New Zealand brei thau bruk ba tabiak nan ngak brei New Zealand  hu jeng taneh akaok  meti pandar urang nong bayar jien ka dom khí thải meng bruk  raong athur. New Zealand tok hu 5 trieu bhap bini min hu tal 10 triệu drei limo saong 26 drei pabo.

Dom urang roh duah Trung Quốc hu patagok sa bruk  nhân bản pabui vô tính meng robot. Bruk patagok ni, meda dong ka Trung Quốc pablei rilaow pabui rilo abih di dunya, trun bruk pagam pambak tame pabui pajaih blei meng negar langiu./.

Urang lang: Ái Nghiêm -Hanipha- 11/6