Page ini (31/8), Thủ tướng Rajaei Phạm Minh Chính haong kapol jakar di Rajaei ngak bruk haong urang ngak praong di tỉnh Bình Thuận ka bruk KT - XH thun 2021, 8 bilan thun ini saong ba tabiak jalan ngak anak tal di tỉnh. Di var ngak bruk, urang ngak praong di tỉnh Bình Thuận pok panuac tagok Rajaei, Thủ tướng Rajaei ka jalan mbak yau pasiam, peih praong jalan Roya 28; palong , peih praong jalan Raya 55;  ngak birau jalan dalam tỉnh ĐT.711; likau brei padang Khu công nghệ glong saong Khu kinh tế tapen tasik. Ndem ka bruk hangin langiu tasik; patagok tỷ lệ năng lượng tái tạo, điện hangin langiu tasik dalam Quy hoạch  điện VIII; saong buh jien tame patagok năng lượng điện…

Pahadar  77 thun harei negar Cộng hòa xã hội chủ nghĩa Việt Nam (2/9/1945 - 2/9/2022), mesup ni, kapul urang lambaok Thành ủy - HĐND - UBND - Ủy ban MT negar  Việt Nam ban raya HCM kayua  Uỷ viên mintri Chính trị, Bí thư Thành uỷ ban raya HCM Nguyễn Văn Nên pal akaok kapul hu nao cuk gilau, pok bingu pahadar  Chủ tịch Hồ Chí Minh song  Chủ tịch Tôn Đức Thắng. Di mblang bein Miuyim Hồ Chí Minh – dhar Ban raya HCM, dom urang lambaok hu nao rivang labik parang iek kadha Tết độc lập hadar Chủ tịch Hồ Chí Minh ngan song  120 thaot binguk, tư liệu quý ka Chủ tịch Hồ Chí Minh tapa yaok tuk vak dak rai di taneh ia .

   Mbang padeih lễ Harei negar 2/9 thun ini dui atah 4 harei (meng harei 1-4/9), tui kuhria mboh dahlau tuai mai Bà Rịa - Vũng Tàu meda biak ralo. Yau nan ye, gah dulich tỉnh iew dom bhum palei brei parabha jalan peih radaih piah palik njiak gar jalan saong khik brei salamat an ninh trật tự; oh caik rah tabiak bruk tagok yaom, kateik yaom, pataom vé pablei mek laba; brei padang bảng kakei dahlau saong daong urang gaok bala di dom tapen tasik menei. UB bhap bini ban iew dom D.N paglong asar duh ka bruk ka tuai, oh brei cò, piah labik padeih padai tagok yaom chiat.

Piah khik siam mekre salamat ka bruk nao mai  (ATGT) dalam tuk lễ Quốc khánh 2.9, Akaok  UBND ban .Cần Thơ  hu panuac ieu dom sở, dom mban , dom gah, jabat pagam tal jak ba bhap bini ngak njauk dom adat hukum ka bruk khik kajap siam mekre salamat angaok jalan mbak nao mai; Oh caik rah tabiak bruk gar jalan, pajeng rilo menuac jang adat brei pajeng, taduan, bayar tuai oh njauk labik; Công an ban Cần Thơ jeng hu tabiak bruk pacang cakak song langyah catang dom bruk pataom gauk ngak srau kadau labik công cộng, pakacah radaih suan hukum, khang hatai langyah dom bruk cagar veik urang ngak bruk karja.

UBMT negar  Việt Nam tỉnh Trà Vinh ngak salah danak dak daong padang ngak 1.324 baoh sang ka urang kan kan kathaot thun 2022 meng Kadung jien An sinh xã hội saong jak ba dom kapol nyaom, urang dalm saong langiu tỉnh rik tame. Ong Nguyễn Văn Triết , Akok UBMT negar VN tỉnh brei thau, baoh sang kathaot hu urang umo daok ngak bruk ye tỉnh brei daong jien oh mek veik 40 trieu dong padang ngak sang daok. Baoh sang kathaot oh hu urang umo ngak bruk meda hu daong 50 trieu dong piah padang sang daok.

 Hạ viện Indonesia hu pasang iek brei tapa Harak pambuak bruk Kinh tế abih bhum (RCEP), ba taneh ia rilo menuac abih di  Đông Nam Á ni, hu mbaok tame Gah pablei salih prong abih di dunya. Bruk ni, rik dong tame bruk tani tanat,an ninh chính trị, patagok kinh tế bhum taneh, gam song nan, rik dong pakhang bruk ngak pasak di ASEAN di Ấn Độ Dương – Thái Bình Dương.

  Dom urang ngak praong di Mentri Ngak nong Philippin brei thau lac, pandiak bhang tua riya di Trung Quốc meda ba tal trun bruk pabak di dunya ba tal yaom brah pablei tabiak negar langiu tagok. Yau nan min, urang jakar di Mentri Ngak nong Philipin lac, taneh ia ini hu ginup barah pabak tal puac thun ini. Urak ini, dom darak blei brah tame ralo di Philipin lac Việt Nam, Myanmar, Trung Quốc, Thái Lan saong Ấn Độ. Thun 2021, Philipin blei tame tal 2,45 trieu tan brah di Viet Nam.

Pandiak  thung lũng – jit ruak mai meng sa janih bimao tamuh tabiak di gah  tây nam negar Mỹ dok rah tabiak dalam tuk vak  langik tasik kan kandah ngak ka labik ni dak harei dak thu pandiak . Dom urang njom ruak ni hu dom dấu hiệu yau pandik akaok biak khang, viêm màng não, pren yava lamin lamuac, hadei di rilo mbang tong ruak, bác sĩ hu panuac lac urang ruak pandiak thung lũng. Dom urang ilamu hu panuac lac anak tal, dom urang ruak meda tagok di grauk labik gah pai negar Mỹ tuk bruk srau kadau di langik tasik ngak ka labik ni dak harei dak thu lagu song pandiak jang./.

Urang lang: H.PHA & A.Nghiem