Page ini 17/2, Thủ tướng Phạm Minh Chính peih kaok Nyaom biai lang talaih saong jhul tagok darak pasar taneh riya patagok abih gah, siam mekre, khang kajap. Thủ tướng iew dom urang lambaok brei ginum biai taong yaom tapak njauk hong bruk rah tabiak; langyah tani tanat kayua halei, abih di nyu nan lac bruk oh hu kuhria dahlau; meng nan ba tabiak bruk ngak, jalan ngak brei patagok darak pasar taneh riya piah lagaih. Tui Thủ tướng, hadei nyaom biai nan, Rajaei  brei ba tabiak Sarak di Rajaei ka darak pasar taneh riya. Tapa nan, piah jhul pakhang darak pasar taneh riya patagok siam mekre saong khang kajap, brei sumu gauk kein laba di Karja, bhap bini, doanh nghiep, klak rabha dom khut khat.

Dom labik dalam tỉnh Bạc Liêu hu rilo urang Khmer daok yau dom huyện: Hồng Dân, Vĩnh Lợi, Hòa Bình saong Ban Bạc Liêu tuk halei jeng sangka peih ngak siam dom sarak an sinh xã hội brei ka bhap bini Khmer yau ye: peih bruk iek ruak, taong ruak oh mek jien, daong pajaih phun pala – janih raong, sang daok, phun jien ngak mbang…Gam haong nan, dom puk palei daok hu peih bruk pathau khan  dom sarak di Đảng, hukum di Karja, dom danak dak, bruk ngak pambuak tal; pamedeih tagok hatai caong yam tagok, oh pagam pambak tame karja. Meng nan, raidiuk di bhap bini Khmer hu rilo salih bharau, dak harei dak hu rilo baoh sang Khmer yam tapa kan kandah, tabiak truh kan kathaot, rik daong biak siam ka dom bruk, abih di nyu lac bruk padang ngak palei pala bahrau.

 Langiu dom bruk dulich hu rilo lagaih yau padei padei tapen tasik, the thao tasik ye dulich tâm linh pambuak haong duah thau, roh duah ilamu di Bình Thuận daok pachreih tuai mai rivang. Di dom bhum palei dalam tỉnh Bình Thuận urak ini hu labaih 70 inem krung, ilamu, dom labik gheih mekre hu dak angan. Dom labik  baha, kalan lavik thun daok khik ramik, pasiam tal harei ini lac bruk lagaih. Bình Thuận daok lac tinh hu rilo rija roya bhap bini, palei ngak meng kan ndung bak ilamu di bhap bini. Yau ye, Le hoi Kate di bhap bini Cam peih tabiak di harei 1/7 tui saka urang Cam, lac puac bilan 9 akaok bilan 10 tui saka ia harei, pachreih  biak rilo tuai damuai mai rivang.

Harei ini (17/2), tỉnh Tây Ninh peih Harei pataom “Ilamu ngak pandap mbang chay” mbang camereip. Dom kapul nyaom, menuac urang hu mbaok tame yaih khan saong parang tabiak 188 pandap mbang chay, pambuak haong baoh kayau, njam patam baoh kraoh, tacei pato tuai jalan ngak dom pandap mbang chay. Tỉnh Tây Ninh rah tapa labaih 180 thun dak padang saong patagok. Dalam tuk peih taneh bilau, mbang huak Tây Ninh- dalam nan hu pandap mbang chay, jeng sa dalam dom janih karei dalam ilamu Tây Ninh, dui pachreih tuai damuai. Mai tal Tây Ninh, tuai mbuan duah mboh dom labikpablei padap chay, saong meda lac oh hu labik halei hu rilo janih pandap mbang chay yau di Tây Ninh.

Pambuak tal khaw tin tamuh ruak kayua virus Marburg di dom taneh ia Trung Phi, Pasak pasang iek ruak kik TPHCM brei thau, urak ini ruak oh ka mboh di Viet Nam, yau nan min bhap bini bhian tui iek, duah thau dom panuac tacei pato  di gah y te piah pacang caga ruak nan. Dahlau di nan, di Guinea Xích Đạo, sa taneh ia tapen tasik gah Pei di Trung Phi brei thau lac hu mbang tamuh jit ruak akok meti kayua virus Marburg. Ruak kayua virus Marburg lac sa ruak hu prein khang, ngak pandiak tabiak darak, ngak brei metai tal 88%. Ini lac virus dreih yau virus Ebola, cim dhur pambak tapa manuac saong nyom meng urang ini tapa urang diah tuk taom gaok tapak tapa ia pambak atau idung, labar tau pandap hu ruak nan.

 Harei 16/2, Liên đoàn Chữ thập đỏ dunya saong Hiệp hội trăng lưỡi liềm đỏ dunya hu patagok yaom jien ieu daong ngak pahla chip hadei di mbang megei baoh taneh khang di Thổ Nhĩ Kỳ lac meng 216 triệu USD tagok 650 triệu USD. Tổng thư ký di Liên đoàn chữ thập đỏ dunya saong Hiệp hội trăng lưỡi liềm đỏ dunya, ong Jagan Chapagain brei thau, bruk hadei di bala megei baoh taneh daok tagok tal tanut njauk daong chip. Yaok triệu urang taha oh hu sang daok, kurang pandap mbang, kurang jru tavao. Langik la-an saong alam langik tasik nerak tachauk daok mbuan hu dom ruak njaom mbak.

 Dalam tuk bhap bini cagar veik bruk tagok jien blei năng lượng, tagok jien laba glong saong lạm phát tagok, Tổng thống Hàn Quốc Yoon Suk Yeol brei thau  ka jalan ngak birau bruk kinh tế saong xã hội. Dalam nan hu bruk, rajaei Hàn Quốc kuhria brei 6 bilan akaok thun  ini oh tagok jien jien phí công cộng kayua karja khik iek yau jien jalan mbak, jalan pasei, jien bưu điện. Dom đơn vị  gah truyen thong  saong jien padai di Hàn Quốc jeng iew brei klak rabha bruk trak damah gah kinh te haong bhap bini tapa bruk brei khik tani tanat yaom kaom.

Uỷ ban Châu Âu tacei lac, tukvak puac lac harei ini (17/2), dom nền tảng mạng xã hội saong công cụ tìm kiếm brei thau dom menuac pandar di urang yaok bilan di labik ini. Dom nền tảng mảng xã hội saong duah tapak praong yau Google, Twitter, Facebook meda dang anak dom kadha online catang jang di Liên minh Châu Âu kayua dom urang pandar di dom nền tảng ini nyu yam tapa tanut ba tabiak. Dom jalan ngak bahrau ini hu maong dom Kong ty praong hu labaih 45 triệu menuac pandar, lac nền tảng trực tuyến biak praong saong brei ngak catang tui dom bruk yau ye: khik ramik rủi ro, kiểm toán độc lập gah langiu, klah rabha dữ liệu haong karja saong dom gah roh duah./.