Taduan panuac daa di Thủ tướng negar Campuchia, Akaok ASEAN 2022, Samdech Techo Hun Sen, dah page harei ini (8/11), Thủ tướng Rajaei Phạm Minh Chính ba akaok Kapul lambaok pakat glaong Việt Nam tabiak truh Ban ine Hà Nội tagok jalan nao rivang negar Campuchia meng harei 8 tal 9/11; hu mbaok tame Nyaom biai pakat glaong ASEAN mbang ka 40, 41 saong dom nyaom biai pakat glaong hu pambuak tal meng harei 10 tal 13/11. Mbang nao rivang Campuchia di Thủ tướng Phạm Minh Chính dalam “Thun jumpataom, pambuak gauk di Việt Nam-Campuchia 2022” rik tame bruk cak rok patagok talei pambuak gauk di dua taneh ia tapen gauk hu siam lagaih, pambuak ilamo meng kan, pambuak gauk di taong abih gah, khang kajap suai lavik di dua taneh ia, gam tui di nan jeng brei mboh bruk pachreih tui di Việt Nam ngan haong dom bruk ngak dalam thun bo Campuchia ngak akaok ASEAN 2022.

Dalam harei ini haong mesup harei page (9/11), dom urang QH ginum biai di hội trường ka dom pathau khan bruk ngak di Chánh án Tòa án bhap bini pakat glaong di abih, Akaok Viện pasang iek bhap bini pakat glaong di abih, bruk pacang caga tội phạm saong ngak suan adat hukum; bruk thi hành án haong bruk pacang, caga tham nhũng thun 2022. Hadei di nan, QH ginum biai di hội trường ka dom asal kadha ini.

Ngak bruk haong tỉnh Sóc Trăng ka bruk kinh tế-xã hội, quốc phòng-an ninh, padang hệ thống chính trị thun 2022 saong jalan ngak, bruk ngak thun 2023 Bí thư Trung ương Đảng, akaok Ủy ban Trung ương MT negar Việt Nam Đỗ Văn Chiến hu kakei tỉnh Sóc Trăng dalam tukvak anak tal peih ngak saong ngak siam Sarak ka 13 di Mintri Chính trị ka jalan cak rok kinh tế - xã hội, khik tani tanat quốc phòng, an ninh bhum Taneran kraong Cửu Long tal thun 2030, pamaong tal thun 2045; patagok bruk jum pataom bangsa, sangka siam ka raidiuk, bruk ngak mbang di bhum mikva bangsa Khmer. Tapa nan, ong Đỗ Văn Chiến hu jao bảng tượng trưng alin Sóc Trăng 30 baoh sang jumpataom yaom 1 tỷ 500 triệu đồng.

Tập đoàn FPT, Kadung jien Hy Vọng bahrau peih pakak 7 mbaik tatua, peih bruk padang ngak 9 mbaik tatua Hy vọng saong brei labaih 600 pok pandap ka anek saih kan kathaot daok di 4 labik sang bac dalam ban Cần Thơ haong tỉnh Đồng Tháp. Taong abih  dom mbaik tatua Hy Vọng hu padang ngak tui tanut chuẩn palei pala bahrau saong piah pambuak dua gah takai kraong di dom xã, dom palei, ba mbuan lagaih ka bhap bini, ka anek saih nao mai, pajeng kaya nong, pandap panda hu mbuan lagaih.

Melam kabroi (7/11), di xã Đông Hòa Hiệp, huyện Cái Bè, UBND tỉnh Tiền Giang peih mbaok harei Pataom ilamo – Du lịch palei meng kan Đông Hòa Hiệp mbang ka V.  Palei meng kan Đông Hòa Hiệp urak ini hu 7 baoh sang hu umo meng 150-250 thun; 22 baoh sang meng 80-100 umo thun saong hu pok brei angan lac inem krung ilamo pakat tỉnh. Urak ini, yaok harei Palei hu labaih 200 tuai dunya mai rivang iek, roh duah. Danak dak cak rok patagok du lịch rahra tapa du lịch inem krung di Palei meng kan Đông Hòa Hiệp, hu daong ngak brei salih mbaok meta di dom labik dalam puk palei Tiền Giang.

Harei 7/11 (tui mon di negar Nga), bruk mít tinh praong prang pahadar 105 thun Cách mạng Xã hội chủ nghĩa bilan 10 hu rah tabiak di ban ine Matxcơva - Nga, mala bruk pan akaok ba jalan di UBTW Đảng cộng sản Liên bang Nga. Bruk hadah hadai di cách mạng bilan 10 hu pachreih ba khang ka bruk dang tagok mesruh di urang ngak mangaok dunya saong di dom taneh ia thuộc địa, peih tabiak jalan peih paha dom bangsa njauk kateik greik. Ini lac makna ngak brei labaih sa rituh thun tapa, menuac sia tiến bộ di mangaok dunya jeng daok jia tui cách mạng bilan 10.

Tổng thống Indonesia Joko Widodo bahrau hu Diễn đàn Hòa bình Abu Dhabi alin brei Jai thưởng Hòa bình dunya Imam Hasan bin Ali 2022. Tổng thống Widodo hu pok brei angan saong hu angan je lac sa urang par akaok pathau khan asal kadha saong ngak bruk kayua saron mbon di dunya. Tổng thống Widodo sanya lac daok kham marat piah khik tani tanat trật tự dunya tui jalan saron mbon khang kajap saong samu gauk di rahra.

Rilo urang Mỹ dang jeng talei atah anak dom labik pablei pandap tiện lợi, tạp hóa, labik tuh xăng atau labik pablei báo piah cang blei vé số Powerball, haong hatai caong lac meda njauk giải glaong di abih tagok tal 1,9 tỷ USD - lac giải thưởng glaong di abih oh ka bhian mboh hadei di rilo mbang quay số min oh ka hu urang halei njauk. Piah mek hu giải thưởng, urang blei brei hu 6 laik mangaok blah vé số njauk haong laik hu quay tabiak. Hadei di yaok mbang quay số oh hu urang njauk, yaom giải độc đắc hu tagok jang./.

Urang lang: Thu Thảo & M. Phương