Uranaih hu klauk vaccine piah nao bac 

Taduan panuac daa di Tổng thống Cộng hòa Singapore, Akaok negar  Nguyễn Xuân Phúc song duik di ong ba akaok kapul pakat glong Việt Nam rivang pakat karja tal  Singapore meng harei  24 tal harei  26/2. Mbang rivang meda pabak pren khang piah jhul patagok talei rohim di 2 tanrh I, abih di nyu nan lac pambuak gauk pasiam veik  kinh tế di 2 taneh ia , tapa nan, ngak brei khang dalam jang talei pambuak bruk praong Việt Nam – Singapore. Mbang nao rivang brei mboh, Việt Nam biak iek prong  bruk pambuak gauk hong  Singapore, bo prong di abih lac pambuak bruk kinh tế. Tal urak ni, Singapore lac sa dalam 3 taneh ia buh jien tame ngak mbang prong di  Việt Nam, lac 66 tỷ USD song jiak  2.900 danak dak. Mbang nao rivang jeng lac, kadha  prong ngak brei mekre jang talei pambuak gauk di 2 taneh ia,  dalam tuk pahadar  50 thun padang bruk  ngoại giao di thun 2023.

Thủ tướng Rajaei Phạm Minh Chính bahrau hu Harak ka bruk klauk vaccine saong dom jalan jhul khang pacang caga jit COVID-19. Harak nan ieu dom tỉnh ban jhul khang saong samar jang bruk klauk vaccine mbang 3 ka urang umo meng 18 tagok, ngak salah dalam quý I thun ini, klauk mbang 2 ka uraniah umo meng 12 tal 18 thun, ngak salah dalam bilan 2 thun 2022; caga labik, pandap, menuac piah klauk ka uraniah umo meng 5 thun tal mala 12 thun hadei di tuk hu pabak vaccine. Samar pambuak bruk blei vaccine ka uraniah meng 5 thun tal mala 12 thun

Tapa danak dak  “ia hacih di sang bac” di Kapul dong ka urang ruak kan kathaot  ban raya HCM, harei kabroi  (23/2) Công ty TNHH LaVie hu alin brei pandap pabak ia menyum  tapak gam haong 37 bồn caik ia praong 5.000 lít, yaom abih tih lac 3 tỉ đồng brei ka 28 sang bac di huyện Tân Hưng, tỉnh Long An, pabak ka jiak  10.000 anek saih, gru pato. Langiu di nan, La Vie hu alin brei 50 pok jien bac, yaom abih tih 50 triệu đồng, brei ka anek saih takre bac di Tân Hưng. Ni lac, danak dak hu peih ngak kayua urang dahlau deih ngak  akaok negar lac Trương Tấn Sang , piah pabak ia menyum siam ka anek saih song gru pato di dom bhum atah bayah.

Tui panuac khan di Gilang pariak karja dhar Sóc Trăng, thun 2021, dalam tỉnh palao raong 53.000ha hadang ia meteh mbak meteh taba. Hu 5 gilang pariak hu brei ka 10.000 sang bhap bini mesraiy jien raong hadang saong yaom jien brei mesraiy lac labaih 1.687 tỉ đồng, min kayua khat lahik, tal urak ini, yaok rabau sang daok tavak sraiy, ba tal jien mesraiy oh bayar hu lac jaik 639 tỉ đồng. Yaom lac raong hadang ba mai kein laba glaong, min jeng mbuan njauk khat lahik. Langiu di nan, dom sang raong rilo meng mesraiy jien di gilang pariak, nan ye tuk gaok kan kandah, oh hu jalan piah langyah, meng nan ngak kan kandah tal bruk pasiam veik bruk raong saong bruk bayar sraiy gilang pariak..

Anak bruk dom labik  pablei xăng menyek di ban raya Hồ Chí Minh padeih pablei atau pablei takik, beir harei  23/2, Cục khik ramik drak pasa song Sở Công Thương ban raya  hu pasang iek piah pacang cakak bruk đầu cơ, pandauh pandap. Di jaik abih dom labik pablei  xăng menyek hu pasang iek jeng hu pablei tani tanat. Ngan song dom labik  mboh yau khin padeih pablei , Jabat chức năng hu ngak biên bản song langyah tui hukum  . Urak ni, di ban raya  Hồ Chí Minh hu 548 labik pablei  xăng menyek, min bahrau hu 5 labik  padeih pablei  song labaih  10 labik pablei takik veik.

Mintri Ngoại giao Nga bahrau tabiak panuac brei thau cambaih, Matxcơva meda pabak veik khang dom jalan taong phạt di Mỹ. Mintri ini ndom lac, bruk taong phạt oh ngak kan kandah tal hatai khang di Nga dalam bruk khang hatai khik caga kein laba di drei. Matxcơva hu brei mboh lac, dalam dom bruk taong phạt, taneh ia ini meda patrun khat lahik saong langiu di nan, bruk taong phạt oh ngak megei hagait tal hatai khang khik caga khang kajap kein laba di Nga.

Tổng thống Hàn Quốc Moon Jae-in hu panuac ieu bhap bini klauk vaccine mbang patagok dalam tuk negar ni dok hu mbang jit ruak  COVID-19 trak damak di abih kayua biến thể Omicron. Dalam harei 23/2 taneh ia ini hu 170.000 urang njom  COVID-19, tagok jang 2 mbang dut song adit dahlau. Dalam tuk jit  Omicron rah tabiak khang, Hàn Quốc njauk hatai brei iek ruak di sang piah pataom tame dom urang ruak trak song dom urang mbuan njauk ruak karei. Negar ni brei adat pandar vaccine Pfizer ka uranaih meng  5-11 thun hadei di rilo bilan pasang iek, sahneng kuhria.

Dom mon hadei di tuk mbang pandap mbang labaih meng 1 nhà hàng, likei SV umo 19 thun daok di Massachusetts (Mỹ) njauk tame sang iek ruak kayua suy tạng. Hadei di tuk dut iek dalam, mboh lac urang ruak njuak ruak tabiak darah kayua virus não mô cầu, ngak brei khang takuai, khin taglaoh ta-ok, suy hô hấp, sốc haong suy tạng. Dom bác sĩ brei cakak klaak takai saong dom anek tangin di urang ruak saong pagam jamriak brei baoh hatai megei. Dom chuyên gia jeng hu panuac kakei ka bruk mbuan njauk bala meng bruk khik piah lisei atau mì labaih oh njauk, meda tamuh tabiak 1 janih vi khuẩn hu angan ieu lac Bacillus cereus. Vi khuẩn nyu tabiak jru mek tuk pandiak saong caik piah lavik./.

Urang lang: Hanipha- Mousaphuong -24/2