Thủ tướng Rajaei Phạm Minh Chính bahrau hu Harak tacei pato ka bruk khik kajap jalan diukrai siam makre, salamat, patak pataom dalam dom adat cambat, agama di tuk Tết Nguyên đán sak anek inegirai saong dom rija roya xuân 2024. Dalam nan, Thủ tướng ieu kakei dom gah peih ngak adat cambat, agama khik siam makre dalam rahra, salamat, patak pataom, lagaih haong jalan diukrai siam makre, hadah krah, ilamo meng kan di bangsa saong adat cambat siam gheih di yaok bhum palei. Oh caik rahtabiak dom bruk mê tín dị đoan, oh njauk haong zamna ini, pambak tame dom bruk ngak yang mebang piah ba kein laba mai ka drei, oh cuh pandap meng đồ mã, jien, ameh bi-ar biak rilo ngak palai pajoa, khat lahik.

Melam 30/1, di labik inem mek pakat negar căn cứ Bộ Chỉ huy Quân peih paha gah meraong negar Việt Nam (huyện tapen negar Lộc Ninh, Bình Phước), Bộ Tư lệnh Quân khu 7 pambuak haong pakat ủy, karja tỉnh Bình Phước peih ngak Danak dak daoh tamia “Xuân ấm bhum tasik” thun 2024. Dalam danak dak, Báo Người Lao Động hu alin hadiah dom urang lin saong rahra huyện Lộc Ninh 5.000 hala dok taneh ia. Tapa nan, danak dak "Jien bac daong anek saih - sinh viên bangsa takik, anek saih kan kathaot" brei 200 pok jien bac, yaok pok yaom 1 triệu, brei ka 200 anek saih bangsa, anek saih kan kathaot kham merat yam tapa kan kandah, bac ta-a naih joi di huyện Lộc Ninh.

Dah page ini (31/1), labaih 1.500 sinh viên, urang ngak gaok kan kandah di TP.HCM hu peih mbaok nao angaok “Sruh radaih bilan xuan” nao dom tinh, ban gah kreih negar, Tây Nguyên mbang Tet. Bruk ngak yaok thun ini kayua Thành đoàn, Kapul Sinh viên, Pasak Daong anek saih, sinh viên TP.HCM, Mbao Thanh niên pambuak haong dom kapul karei. Dalam tukvak urak ini, Pasak daong anek saih, sinh viên daok peih bruk mayaih khan 4.000 bruk ngak, jao alin 2.000 paok pandap Tết ka anek saih, sinh viên saong alin 150 harak ve radaih pui Tet ka sinh viên.

Dom harei dahlau Tết Nguyên đán, dom darak đầu mối di TP.HCM jar var kuhria caga piah pabak pandap panda. Tui panuac khan di Phaok Chủ tịch UBND TP.HCM Nguyễn Văn Dũng, di 3 darak đầu mối lac Hóc Môn, Bình Điền saong Thủ Đức bahrau pabak hu labaih 70% pandap ka ban raya. Nan ye dom palei njauk duah thau, tui iek pandap panda, yaom pablei di dom labik pabak pandap karei karei. mBan khik iek dom darak pasar njauk tui iek yaom kaom yaok harei, oh caik rah tabiak bruk padauk pandap piah tagok yaom, ngak brei yaom tagok oh njauk haong bruk biak di nyu.

Dua adit tapa, yaom padai brah di ĐBSCL rilo mbang trun meng 800-1.500 đồng/kg/ tui janih. Rilo cò padai klak jien caik takai atau ginum biai trun yaom padai brah dut saong yaom hu caik jien takai. Doanh nghiệp kuhria yaom padai meda patrun veik hadei Tết. Ong Võ Hoàng Nguyên – akaok Jabat Ngak nong saong cak rok patagok palei pala huyện Vĩnh Thuận, tỉnh Kiên Giang brei thau "Yaom padai meda trun meng 700-800 đồng/kg dut saong adit blaoh. Urang lambaok Tập đoàn Tân Long jeng mboh lac dom janih brah tui kuhria meda trun khang. Makna lac kayua tame bilan yuak padai đông xuân. Tết jaik tal, urang ngak nong caong hu jien piah mbang Tết nan ye padai yuak blaoh pablei chip. 

Dalam angan Chủ tịch ASEAN 2023, Indonesia hu jao veik ka Lào- lac Chủ tịch ASEAN 2024 dom kham merat langyah bruk Myanmar.  Indonesia caong khin lac oh gah halei hu dom bruk ngak piah pacang jalan peih ngak “Đồng thuận” 5 paka (5PC) piah langyah bruk srau kadau di Myanmar. Ngoại trưởng Retno ndom lac, Indonesia halan hatian daong ka Myanmar abih bruk srau kadau tmeng bruk pambuak gauk haong Lào – lac taneh ia chủ tịch ASEAN thun ini - saong Malaysia - chủ tịch ASEAN di thun 2025 – tui jalan  troika. Dom gah meda ginum biai pambuak gauk pabak bruk daong ngak pahla saong jhul patagok bruk ndom biai nao mai di taong abih gah. 

Trung Quốc bahrau brei thau ka sa urang njom virus cúm A/H3N2 saong H10N5 di tỉnh Chiết Giang saong urang ruak ini metai blaoh. Urang ruak lac sa urang kumei, umo 63 thun daok pak ban Tuyên Thành, tỉnh An Huy, hu rilo ruak dahlau dalam rup. Urang ruak mboh patuk, pandik tarakaong saong pandiak meng puac bilan 11/2023; hu ba nao tal labik y tế pak ini piah taong ruak kayua ruak trak ba tal metai di harei 16/12. Yaom lac taong yaom virus H10N5 tabiak meng manuk ada ka oh hu prein njom mbak ruak tapa manuac, min dom urang roh duah ilamo Trung Quốc jeng kakei rahra plaih nyaih taom gaok haong manuk, ada ruak, metai.

Liên Hợp Quốc (LHQ) saong dom gah pambuak bruk hu khan brei thau jalan ngak pahla di Somalia thun 2024, dalam nan ieu daong 1 tỷ 600 triệu USD piah daong ka yaok triệu menuac daok gaok kan kandah di taneh ia châu Phi ini. Urang brei panuac di Tổng thư ký LHQ khan lac, Somali gaok rilo kan kandah dalam thun blaoh, dalam nan hu pandiak bhang palai pajoa khang, hajan saong ia dauk ia sua praong oh ka bhian mboh. Urak ini, jaik 4 triệu menuac jeng daok kurang pandap mbang biak khang, dalam nan hu 3 triệu 800 rabau menuac klaak sang nduac nao daok di labik karei dalam taneh ia saong jit aih craoh jeng daok pambak praong di rilo labik