Dom thun jiak di ni uranaih njauk mblung ia biak rilo 

Thủ tướng Rajaei Phạm Minh Chính hu harak ieu dom Mintri, dom gah, dom puk palei patagok bruk pacang caga mblung ia uraniah. Dalam nan ieu Mintri Pato Megru jhul khang bruk pato caluai ia ka anek saih dalam sang bac, patagok pathau khan, pato pakai paglaong hatai sahneng piah ka dom adei thau saong ngak njauk adat ka bruk pacang caga mblung ia. Dom tỉnh ban parabha kadung jien karja piah pato caluai ka uraniah saong daong jien lagaih ka bruk pato caluai.

Meng harei ini (4/5), anek saih dalam negar  hu tut angan tame pakacah tamat trung học phổ thông thun 2022. Dalam nan, anek saih dok bac  tal  12 hu tut angan tame pakacah tui jalan online pak di labik  https://thisinh.thitotnghiepthpt.edu.vn. Dom  thí sinh tự do jeng dok hu tut angan tame pakacah online meng  phiếu yau yaok thun dahlau. Mbang pakacah tamat trung học phổ thông hu peih tabiak dalam 2 harei  7 song  8/7/2022.

Tập đoàn Dầu khí Việt Nam hu daong jien 5 tỷ đồng piah padang ngak 100 baoh sang ka dom sang sarak karja di 2 tỉnh Bạc Liêu saong Cà Mau (dalam nan tỉnh Bạc Liêu lac 80 baoh saong tỉnh Cà Mau 20 baoh). Langiu di nan, Cty Bao bì Dầu khí Việt Nam hu alin hadiah 200 sruh radaih juak ka anek saih sang kan kandah di tỉnh Bạc Liêu.

Dalam 4 harei padeih lễ meng  30/4 -3/5, dalam negar rah tabiak  104 mbang radaih paoh gauk, ngak ka 55 urang metai, 84 urang njauk rambuac. Cảnh sát giao thông hu tong phạt  24.000 urang ngak suan  ka bruk peih nduac angaok jalan. Dut song  4 harei padeih lễ thun 2021, dom bala angaok jalan trun 5 mbang , urang njauk rambuac tagok rilo jang 20 urang.

Urang pan akaok UBND huyện Hòa Bình, tỉnh Bạc Liêu khan lac, dalam tỉnh bahrau hu bruk jakala klaak ngak brei 2 amaik anek metai. Tuk mesup harei 3/5 sa-ai T.T.N. (umo 42 thun) haong anek kumei umo 11 thun haong dom urang karei nao cap mek nghêu di labik tapen tasik dalam xã Vĩnh Thịnh. Tal mon 11h jala pandiak, langik laik hajan saong hu jakala klaak njauk 2 amaik anek sa-ai N, ngak brei 2 amaik anek metai. Sang sa-ai N. lac sang jaik si kan kathaot nan ye urang pan akaok huyện hu tacei pato jabat LĐTBXH huyện pambuak haong karja palei pasang iek saong hu jalan daong ka nyu lagaih.

Tổng thống Nga Putin mbaoh tangin tame sarak tong phạt cagar veik phương Tây. Tui  sarak  ye dom urang song taneh ia  oh siam hatai hu angan dalam harak pakauk oh brei peih bruk  giao dịch song urang Nga, pakauk blei dom pandap tamo song  tinh chế kayua Nga ngak tabiak. Dom bruk tong  phạt hu dui atah  mbiah tal tuk hu sarak brei klaak . Nga, urak ni dok dang anak dom mbang tong  phạt gam gam di phương Tây hadei di tuk ba lin tame Ukraine meng harei  24-2 meng bloh.

Đại sứ quán Mỹ di Cuba daok pambuak veik bruk langyah visa brei tame negar hadei di jaik 5 thun brei padeih, hadei di tuk hu panuac lac hu bruk "tấn công sóng âm" pamaong tame dom urang ngoại giao Mỹ di taneh ia pulao kaoh Caribê ni. Dalam nan brei dahlau ka dom urang nộp đơn tui gah IR-5, nan lac hu ame atau amaik lac rahra Mỹ. Dalam 5 thun tapa, urang Cuba khin tame Mỹ brei nao tal taneh ia ka 3 piah ngak harak likau visa, bruk ini ngak brei abih rilo jien ndo saong mbuan gaok khat lahik.

Bang Maharashtra, gah pai  Ấn Độ hu  25 urang metai kayua pandiak bhang meng di puac bilan  3, glong di abih kuhria dalam 5 thun tapa. Dom urang ilamu kuhria mboh dahlau lac, bruk mai aval jang  di sa bilan pandiak khanng  kayua biến đổi khí hậu song labaih sa tỷ urang di  Ấn Độ song Pakistan njauk kan kandah. Pandiak khang ngak ka bruk lahik   điện rah tabiak gam gam, nan ye dom boh sang hu jamriak liar jeng njauk dok  dalam pandiak./.

Urang lang: Hanipha- Thu Thảo -4/5