Pal akaok nyaom biai online mesup ni ( 27/9) hu 8 tỉnh ban gah kreh negar song Tây Nguyên ka bruk pacang caga ribuk ka 4 (angan ieu  di dunya lac ribuk Noru), Thủ tướng Rajaei Phạm Minh Chính hu panuac ieu dom tỉnh ban, brei pasang iek veik bruk pacang caga ribuk, kayua hadei di ribuk bhian hu áp thấp, hajan khang, ngak glut jaleih. Gam roh duah tui iek, pacang caga ribuk, gam pacang caga hoàn lưu hadei di ribuk, abih di nyu nan lac dom tỉnh gah kreh negar, Tây Nguyên. Tui jalan “caga jang pacang”, brei hu panuac ieu habar ka mik va tong chap ikan di labik hu jalan nao di ribuk, oh tabiak tasik tong chap kaya ikan dalam tuk vak ni.Thủ tướng jeng tacei pato dom mintri, dom gah, tỉnh ban brei sangka tal binek ia, lồng bè rong kaya ikan, bruk glut jaleih; brei kuhria mboh dahlau bruk di anak meta, panduan ba samar bhap bini tal labik siam mekre, abih di nyu nan lac caik hatai sangka tal dom kamuan anek saih. Tui pasak pathau khan Khí tượng Thủy văn pakat negar, dalam 24 tuk tal, ribuk nyu nao tui gah Tây Tây Bắc, yaok tuk hu  20-25km, nao tame Biển Đông. Tui kuhria mboh dahlau, harei  28/9, ribuk  Noru tuh tame boh taneh labik  Trung Bộ.

Mesup ini, UBTVQH peih nyaom biai ba tabiak danak dak pasang iek di QH thun 2023, pambuak online tapak haong 49 kapul urang QH dom tỉnh, ban. Nyaom biai hu brei panuac ka rilo asal kadha praong, dalam nan hu panuac ka “Bruk peih ngak dom sarak di QH ka dom danak dak bruk ngak negar ka padang ngak palei pala bahrau tukvak 2021- 2025, patrun kathaot khang kajap tukvak 2021-2025, patagok mbang ngui, daok dang ka bhum bhap bini bangsa takik saong bhum ceik tukvak 2021-2030”; dom jalan ngak paglaong siam lagaih bruk pambuak gauk pasang iek, abih di nyu lac pasang iek chuyên đề, bruk pasang iek di HĐ Bangsa, dom UB di dom tỉnh, ban…

Piah ba gauk daong ka urang kan kathaot, Kapul urang jakar  Quân khu 9 bahrau jao  100 pok pandap brei ka  dom boh sang kan , boh sang jiak kathaot, urang taha daok sa drei di phường Vĩnh Phước, ban  Vĩnh Châu, labik bhum tapen tasik, chu rilo mik va bangsaKhmer di  tỉnh Sóc Trăng. Dom pok pandap hu yaom oh prong, min hu dong ka rahra trun meneing kan kandah, pabak bui sambai dalam dom harei salam uan Sen Dolta, adat hadar tal muk kei, ong kaok, ong kar di mik va Khmer Nam Bộ.

UBND tỉnh Cà Mau bahrau hu harak pathau tagok Thủ tướng Rajaei ka bruk peih praong jalan roya 1, jalan Hồ Chí Minh tal Mũi Cà Mau – labik jhung abih di taneh ia. Urak ini jalan roya 1 saong jalan Hồ Chí Minh labik nao tapa tỉnh Cà Mau nyu daok sit. Dalam tuk nan hu biak rilo radaih nao mai angaok jalan, dalam nan hu rilo radaih praong, pajeng trak, bhian ba tal gar jalan, mbuan hu bala, ngak brei kan kandah ka tỉnh dalam bruk ieu da-a urang buh jien tame ngak mbang di dom pasak kinh tế. Ini jeng lac bruk tavak tavaiy praong piah ka tỉnh Cà Mau yam tagok patagok KTXH.

Dok labaih 4 bilan tra lac tal  tết Nguyên đán anek sak tapai 2023. Yaok thun , tuk vak ni, rilo urang rong glang di Đồng Nai kuhria caga rong veik pabui rilaow ka tuk  Tết. Thun ni, hu labaih  10% urang rong veik. Tui Hiệp hội rong glang Đồng Nai, urak ni, hu biak takik urang rong veik, piah caga pabui rilaow ka tuk  Tết nguyên đán. Kayua , yaom pabui tuk vak ni  biak bier ala 55 ribau  đồng/sa kg, dalam tuk yaom phun lac labaih  60 ribau  đồng/sa kg. Urang rong huac lac rong veik ka drak pasa Tết meda khat lahik.

Philippines brei padeih bruk ngak di 175 Cty me-in mbia taneh ia langiu saong pateok tabiak truh taneh ia jaik 40 rabau công nhân Trung Quốc. Ini lac sa binah di bruk trấn áp gah trò chơi online, ngak jhak tal rilo gah dalam raidiuk. Đại sứ quán Trung Quốc di Manila brei thau, Bắc Kinh pachreih tui bruk ngak nan, saong khang hatai peih ngak dom jalan ngak biak catang piah pacang bruk me-in mbia.

Takik di abih 15 urang metai, dalam nan hu 11 uranaih, dalam mbang patuh phao di harei 26/9  di sa sang bac di ban Izhevsk, bhum Udmurtia di Nga. Bruk cuh phao nan daok ngak brei  22 uranaih song 2 urang prong njauk rambuac. Urang jakar brei thau lac menuac cuh phao nan nyu pametai rup eng hadei di nan. Urang ni hu umo 34 thun, dreih yau sa  menuac urang tui chủ nghĩa phát xít, cuk  aow hu  biểu tượng di phát xít Đức. Tổng thống Nga Vladimir Putin hu panuac lên án "bruk tong khủng bố vô nhân đạo" pamong tame sang bac.

Anak bruk yaom brah dalam taneh ia gam gam tagok glaong, ngak kan kandah tal bhap bini, rajaei Indonesia brei thau lac meda hu sarak tani tanat yaom brah saong labik pabak piah khik ka bhap bini oh njauk bayar rilo jien jang ka dom janih pandap pandar yaok harei. Langiu di nan, Indonesia kuhria pabak jaik 800 ribau tấn brah khik piah, piah pabak ginup ka bruk blei mbang dalam taneh ia tal jhung thun, saong daok kuhri kuhria bruk blei brah meng negar langiu tame meyah mboh lac njauk ngak yau nan./.

Urang lang: M.P & H.Pha – 27/09/2022