Brei klauk mbang ka 3 ka uranaih meng umo 5 tal 18 thun tagok

Bier harei 20/3, ngak bruk haong mBan Thường vụ Thành ủy TP.HCM ka bruk par akaok ba jalan, tacei pato saong bruk ngak hu meng danak dak patagok kinh te – xa hoi ban raya HCM thun 2021, bruk praong dalam thun 2022; Bruk ngak hu meng peih ngak Sarak ka 54 di Quốc hội ka bruk ngak iek, sarak karei patagok TP.HCM, akaok Quốc hội Vương Đình Huệ kakei lac, urang par akaok TP.HCM dalam tukvak anak tal njauk patagok bruk dak padang, ramik pasiam Đảng saong hệ thống chính trị hacih saat, khang kajap; dak padang talei jum pataom, yasa, sa hatung hatain haong gauk. Gam haong nan, pataom tame daong, lang talaih kan kandah ka doanh nghiệp, peih ngak dom sarak pasiam viek kinh te, abih di nyu nan lac dom sarak gah jien padai, bahrau hu Quốc hội brei tapa, pataom tame lang talaih dom kan kandah ngak siam dom danak dak njauk dui atah rilo thun, dom danak dak, bruk ngak praong di ban raya, hu pambak tal dom gah, dom bhum, pasiam bruk nao mai di rahra.

Pasang iek pathau khan di Mintri Y tế ka bruk njom ruak saong dom bruk pacang caga jit ruak COVID-19, Thủ tướng Rajaei Phạm Minh Chính ieu kakei Mintri Y tế pato tacei bruk pasang iek piah brei klauk vaccine caga COVID-19 mbang ka 4 ka urang praong thun, mbang ka 3 ka ranaih saong klauk ka uranaih umo meng 3 tal 5 thun, hu jalan blei saong jhul samar bruk ngak tabiak vaccine dalam taneh ia, khik tani tanat ilamo, salamat saong siam lagaih. Gam tui di nan jeng peih bruk pandar cơ sở dữ liệu dalam taneh ia ka rahra piah thau cambaih bruk bhap bini hu klauk blaoh vaccine caga COVID-19,pasang iek dom urang hu klauk atau ka oh klauk vaccine caga COVID-19 saong rami ramik, parabha vaccine ka nyu lagaih.    

Melam ini (21/3), di Hà Nội, kapul dam dara CS Hồ Chí Minh pakat negar, Kapul urang lakei Việt Nam pakat negar, kapul gru jru ranaih umo Việt Nam pakat negar pambuak bruk haong Mintri y te peih bruk pok manyaom 10 gru jru ranaih umo Việt Nam hadah krah ngan haong asal kadha “gru jru ranaih dalam bruk pacang caga jit praong COVID-19”. Ini lac dom y bác sỹ ranaih umo halain hatain ngak bruk khin saneng, khin ngak, oh huac kan kandah ghaih glar, oh huac metai lahik hu mbaok tame daong dom sang iek ruak, labik iek ruak di bhum atah bayah, bhum biak kan kandah dalam dom bruk pambuak tal pacang caga jit praong COVID-19 tukvak 2020 - 2021.

Tui pathau khan di bhap bini tapa jalan pandiak, dom Bilai y tế xã, phường, ban sit di Cà Mau mboh daok iek bier, jhul bruk ngak di drei tapa urang karei. Urang ruak oh hu brei jru taong ruak, urang jakar y tế oh pato tacei urang blei jru piah taong ruak samu. Kayua yau nan ye, akaok UBND tỉnh Cà Mau hu ieu kakei Giám đốc Sở Y tế saong UBND dom huyện, ban njauk pabak chip kadung jru taong ruak COVID-19 ka dom urang F0 ginup prein brei daok karei taong ruak di sang. Daok dom urang oh brei jru tuk hu panuac kakei di y tế ye njauk langyah cambaih laih ka bhap bini thau. Gam tui di nan, njauk nngak siam jang bruk pathau khan, ieu phone piah F0 hu chuyên gia langyah, brei toa jru taong ruak samar drah.

        Tui gah ngak nong di rilo tinh, ban dalam bhum ÐBSCL, thun ini padai đông xuân 2021-2022 ngak hu laba bier jang biak rilo dut saong dom vu dahlau. Pagap yau di ban Cần Thơ saong dom tỉnh An Giang, Hậu Giang... rilo mblang hamu padai đông xuân hu yuak blaoh, hu năng suất biak glaong, tal 1,2 tấn padai that sa công. Min, rilo urang nong brei thau, tok hu laba meng 1 trieu mateh tal 2 trieu 8 rituh ribau dong sa cong, bier jang mateh dut saong tukvak ini thun blaoh. Makna lac kayua yaom pablei padai bier jang meng 300-1.000 đồng/kg dut haong vu dahlau, dalam tuk nan yaom rilo janih  piah ngak, yau ye khak drak gam gam tagok yaom.

         Trung Quốc brei pacang cakak ban Cát Lâm piah kham marat pacang caga jit ruak COVID-19 praong tamuh tabiak dalam 2 thun tapa. Labaih 4.000 urang njom ruak bahrau mboh dalam taneh ia, dalam nan 2/3 lac di tỉnh Cát Lâm, jaik taphia di Nga haong Triều Tiên. Dom jalan ngak catang hu ba tabiak hadei di tuk harei 19/3, Trung Quốc hu  2 urang metai camriep abih kayua COVID-19 kuhria meng labaih 1 thun ini. Urak ini hu yaok piluh triệu bhap bini di dom bhum pacang cakak saong dom urang ngak praong daok kham marat ngak tabiak viek manieng ndih ka urang ruak kayua huac lac jit ruak meda ngak ka hệ thống y tế quá tải. Dahlau di nan, Trung Quốc pasang iek hu jit ruak hadei di mbang tamuh jit ruak di thun 2020 meng dom bruk pacang cakak, dut iek ka bhap bini saong patakik bruk nao mai.

Uranaih bhian njauk COVID-19 meda khik hu kháng thể dalam takik di abih lac 7 bilan saong klauk vaccine meda daong khik caga ruak anak virus SARS-Cov-2. Ini lac bruk hu mboh tapa sa roh duah di dom urang ilamo bang Texas, Mỹ bahrau brei thau di mangaok tạp chí Nhi khoa. Roh duah Texas CARES kayua dom chuyên gia di Đại học UTHealth Houston peih ngak meng bilan 10/2020, pataom mek saong taong yaom dom bruk di 218 uranaih di bang Texas dalam umo meng 5 tal 19 thun hu mbaok tame brei pasang iek. Bruk ngak di roh duah lac taong yaom ka kháng thể hadei sa tukvak di urang praong saong uranaih di bang ini. Tal urak ini, 14 triệu uranaih di Mỹ njauk COVID-19.

Tui dom khau tin di bol bala Burkina Faso brei thau, dom urang taong tame ka oh thau cambaih gah halei ngak, nyu pametai takik di nyu 11 urang lin saong ngak brei 8 urang karei njauk rambus di gah Timun negar ini. Bruk lahik an ninh dak harei dak tagok di Burkina Faso tuk dom kapul thánh chiến hu pambuak haong dom kapul khủng bố yau ye Al-Qaeda saong Gah IS piah duah jalan mek quyền pasang iek dom bhum taneh di labik pasak Sahel, dalam nan hu labik gah Timun Burkina Faso./.

Urang lang; Hanipha- 21/3