Page 12/1, Thủ tướng Rajaei Phạm Minh Chính saong Thủ tướng Lào Sonexay Siphandone dang akok haong gauk nyaom biai Pambuak bruk buh jien tame ngak mbang Viet Nam – Lào 2023. Tal urak ini,  kuhria bih tih phun jien di Viet Nam buh tame tut angan tapa Lào jaik 5,34 tỷ USD. Viet Nam tuk hlaei jeng dang dhi 3 dom taneh ia buh jien tame tapak ngak mbang praong di Lào. Dalam tukvak cak rok patagok birau Thủ tướng Phạm Minh Chính iew dom D.N brei buh jien tame Lào  ngak mbang njauk hukum, rik tame khik brei salamat an ninh chính trị, samalat xa hoi, pabak bruk pambuak talei rohim dua taneh ia Viet Nam -Lào.

Harei ini (12/1), kapul ngak bruk di Rajaei kayua  Phó Thủ tướng Trần Lưu Quang dang akaok kapul hu mai ravang, alin hadiah pandap Tết ka urang jakar, urang lin, sang sarak karja, sang kan kathaot, urang ngak  hu raidiuk kan kandah di tỉnh Ninh Thuận. Phó Thủ tướng hu ravang saong tadhau ayuh tết urang jakar, urang lin daok ngak bruk di Đồn Biên phòng Phước Diêm; tadjau ayuh Amaik VNAH Lê Thị Hự, daok di xã Cà Ná, huyện Thuận Nam. Patui di nan,  Phó Thủ tướng hu nao ravang, alin hadiah pandap Tết brei ka 200 urang ngak   hu raidiuk kan kandah di Cty cổ phần Cánh Đồng Việt, ban Phan Rang.

 Biar harei 11/1, Kapul ngak bruk jeng hu nao ravang, tadhau ayuh Tết saong alin hadiah 152 pok pandap ka dom sang sarak karja, sang bhap bini bangsa takik, urang gaok kan kandah dalam  huyện Thuận Bắc.

 Dah page 12/1, Ủy viên Mintri Chính trị, Phó akaok Thường trực Quốc hội Trần Thanh Mẫn hu nao rivang, tadhau ayuh Tết saong alin hadaih pandap ka urang hu buh prein ka cach mang, sang sarak kanja, sang kan kathaot, sang gaok kan kandah di dalam huyện Châu Thành A, tỉnh Hậu Giang. Nao gam, hu urang par akaok di dom Ủy ban di Quốc hội, Ủy ban Trung ương mặt trận negar Việt Nam. Phó akaok Thường trực Quốc hội hu jao brei Kadung jien urang kan kathaot di tỉnh Hậu Giang 740 triệu đồng saong 100 paok pandap, yaok paok yaom 1.200.000 đồng ka bhap bini huyện Châu Thành A.

Dalam mbang rivang saong tadhau ayuh Tet urang bangsa takik di ban sit Sa Pa, tỉnh Lào Cai, Akok mentri, Chủ nhiệm Ủy ban Bangsa Hầu A Lềnh hu lin brei 296 paok pandap; UBTM Negar tỉnh Lào Cai alin  brei 100 paok pandap ka Urang hu angan je, urang kathaot bangsa takik di tinh. Akok mentri, Chủ nhiệm Ủy ban Bangsa Hầu A Lềnh brei thau: Đảng, Nhà nước, dom pakat, dom gah daok piah jien ka bruk tani tanat xa hoi, sangka Tet ka urang kathaot, baoh sang sarak karja, urang bang sa takik.

Puk Ea Krúe xã Ea Bông, huyện Krông Ana, tỉnh DakLak urak ini hu 270 sang haong labaih 1.000 urang, jeng lac urang Ê đê. Rahra rilo meng ngak nong, pala cà phê saong ngak padai ia. thun ini, kayua hajan siam hangin lagaih nan ye ngak mbang hu labaih, mikva hu jien padai piah ma-in xuân, rok tết. Piah caga raok tết, mikva dalam palei kham marat ngak salah bruk yuak kuak, rami ramik phun cà phê, pala drak vu padai bahrau.

Pasak Khik iek jalan mbak công cộng di Sở Jalan mbak pajeng ba Ban raya HCM brei thau, meng harei ini 12/1, Pasak tame bruk duh Tet Nguyen dan nasak Tapai 2023 meng bruk parilo mbang pajeng ba urang nao tỉnh saong tal dom labik hu rilo urang nao mai. Pasak jeng hu pambuak bruk haong dom mblang radaih  piah caga radaih buyt pajeng tuai samar tuk khin nao. Daok labik pandiak abih tui kuhria mboh dahlau lac mblang kapal haok  Tân Sơn Nhất, Pasak pambuak khang kajap haong mblang kapal haok ba tabiak tukvak par, dom sruh radaih  buyt, ramik pasiam tukvak  lagaih haong bruk nao mai di bhap bini.

Danak dak Hukum salih bahrau bruk hưu trí hu Thủ tướng France Elisabeth Borne brei thau di harei 11/1 hu jeng bruk njauk caik hatai, ngak tabiak bruk suh sah dalam bhap bini saong gah chính trị France. 8 nghiệp đoàn urang ngak praong abih di Fance hu jak ba trun jalan saong padeih ngak praong abih di dalam taneh dalam adit anak tal piah brei mboh bruk oh njauk hatai saong taduan hu bruk pachreih tui di dom đảng chính trị đối lập, ngak ka negar Fance mbuan laik tame bruk sarau kadhau bahrau. Tổng Công đoàn lao động France mboh lac bruk klaak chế độ hưu trí ngan haong dom bruk ngak hu maong lac trak damak, mbuan gaok bala dalam dom gah jalan mbak saong năng lượng lac bruk salih bahrau oh njauk saong ndung bak bruk kateik greik.   

 Harei 12/1, Tong yam ndoc Gah Y te dunya (WHO), ong Tedros Adhanom Ghebreyesus brei thau, mbang tamuh jit ruak Ebola di Uganda abih blaoh saong mboh lac, Rajaei taneh ia ini kham merat biak ralo gam haong dom taneh ia di dunya pacang jit meng blaoh. 4 bilan tapa, mbang tamuh jit ruak Ebola hu mboh di Uganda, ba tal 142 urang ruak, 55 urang metai, dalam nan hu 6 urang jakar y te. Gah y te Uganda brei salih jalan ngak meng bruk pacang veik dom quận hu jit ruak.

Kanja ban Antalya, Thổ Nhĩ Kỳ daok peih ngak dom sang mac năng lượng ia harei, tui bruk salih năng lượng praong, pabak siam lagaih gah năng lượng ka bhap bini ngak mbang. Ban ini lac pasak di bruk pala njam patam baoh kraoh praong abih di Thổ Nhĩ Kỳ, pabak jaik abih ka darak pasa dalam negar. Sa urang nong di pak ini brei thau “meng hu sang mac dien ia harei di ban, kol dahlak meda pruh ia bo oh abih jien.”./.