Harei 5/6, Quoc hoi caik abih harei ngak bruk piah patui bruk tangi sua, javap calei di urang Quoc hoi. Page ini, dom urang QH tangi sua dom bruk dom kadha  ka dua di gah kong thương. Patui di nan, Tổng Kiểm toán karja Ngô Văn Tuấn javap calei  tangi sua di QH ka bruk kiem toan. Gah kiem toán lac bruk ka 3 hu QH tangi sua dalam nyaom biai mbang ini, pataom tame dom asar kadha praong nan lac: Bruk ngak saong jalan pasiam veik dom D.N, danak dak hu kiem toan min daok rah tabiak bruk ngak suan. Bruk ngak tui dom ket luan, bruk ba tabiak di Kiem toan  karja. Bruk pacang caga tham nhung, tieu cuc dalam kiem toan  karja. Jalan pasiam bruk kateik bruk tavak tavaiy dalam thanh tra, kiem toan.  

Tui panuac di Nhà xuất bản Giáo dục Việt Nam, thun bac 2024-2025 brei ramik patrun yaom pablei tapuk bac ta-a tui danak dak pato pakai bahrau. Tui nan, yaom dom baoh tapuk bac ta-a pambuak tri thức haong raidiuk trun 9,6%, yaom dom baoh tapuk bac ta-a Takai langik hadah hadai trun 11,2%. Yaom bahrau di tapuk bac ta-a hu niêm yết cambaih, ginup di dom labik pablei tapuk bac ta-a di dalam negar, di angaok blah thông tin điện tử di Nhà xuất bản Giáo dục Việt Nam (di labik www.nxbgd.vn) saong di angaok dom jalan khau tin praong, khik kajap bruk tantu, cambaih laih, mbuan lagaih piah mboh, piah thau, khik caga quyền lợi ka anek saih saong urang blei pandar.

UB bhap bini Ban Cần Thơ haong lambaok urang pan akaok dom so, dom gah di ban birau peih bruk padang ngak 71 baoh sang ka urang kathaot, kurang sang daok. Yaok baoh sang hu daong 50 trieu đong, hu padang ngak meng Kadung jien daong urang kan kathaot di ban. Ini lac phun jien jak ba dom urang ngak pahala dalam saong langiu ban, piah rik daong dom baoh sang kathaot, jaik kathaot oh ka hu sang daok, daong ka urang yam tagok dalam raidiuk, tapa truh kathaot khang kajap.

Melam blaoh (4/6), adit baoh kayau “Trên bến dưới thuyền” pambuak haong Lễ hội Sông nước TP.HCM mbang II – 2024 hu peih tabiak. Adit baoh kayau “Trên bến dưới thuyền” rah tabiak meng harei ini tal abih harei 10/6, pataom hu labaih 100 gian hàng di dom urang blei salih, urang ngak nong hu mbaok tame pablei rilo janih baoh kayau bingi, ahar meng kan, kaya pandap di bhum palei meng Nam Trung Bộ tal miền Đông saong Tây Nam Bộ. Dalam nan hu rilo janih baoh kayau takik mboh takik hu yau ye: panat pahe yau durian, baoh ia tasau mbang gam kanduh, durian daruai jhuk, mận pahe tabau….

Biar harei 4/6, gah daong urang gaok bala di Kong an tinh Binh Duong duah mboh rup tau di 1 uranaih kumei dalam 3 uranaih kumei lahik tuk menei ia kraong Sài Gòn di ban Rạch Bắp, phường An Tây, TP. Bến Cát. Kamuan nan angan Nguyễn Đỗ Ngọc Hằng umo 14 thun, daok di TP.HCM. Urak ini, gah daong urang gaok bala di Kong an tinh Binh Duong saong Kong an TP Bến Cát daok pataom tame duah dom uranaih daok lahik. Dahlau di nan, tuk jala pandiak harei 4/6, 7 adei sit dalam nan hu 3 urang kumei jak gauk menei ia kraong Sài Gòn di tapen ia Bò Cạp, khu phố Rạch Bắp, phường An Tây, TP.Bến Cát. Kayua ia nduac khang  saong oh thau caluai ia, 3 adei kumei blung ia saong lahik. 4 adei likei  daok veik patuah hu urang daong srong tagok hu salamat.

Gah chức năng Campuchia bahrau taong tayah jalan ngak saong pajeng ba ma túy saong pandap piah ngak ma túy tagok tal 700 kg di dalam tỉnh Kandal saong ban ine Phnôm Pênh (Phnom Penh). Dalam 4 bilan akaok thun ini, dom jabat chức năng Campuchia pataom mek hu labaih 3 tấn ma túy dom janih dalam dom mbang pagui mek kol pablei salih ma túy suan hukum, cap mek rilo menuac.

Mentri Thương mại Thái Lan daok tui iek catang dom bruk kan kandah kayua langik El Nino salih tapa La Nina, tui kuhria mboh dahlau meda ba tal bruk lam phat di Thái Lan, haong hatai huac lac hajan praong ngak kan kandah tal kaya nong saong phun pala. Mentri Thương mại Thái Lan sanya tuk halei jeng caga dom jalan daong, langyah taong a bih gah brei ka urang nong, doanh  nghiep saong urang pandar, samar padang jalan ngak bruk caga brei trun takik dom khut khat oh thau dahlau.

Roh duah di Sang bac Đại học Deakin di Australia mboh lac, uraniah umo meng 14 tal 17 thun di taneh ia ini, yaok harei gaok labaih 6 yaih khan alak. Dom uranaih meng 8 tal 13 thun gaok labaih 13 yaih khan pandap mbang me-in yaok harei. Anak bruk ini, amuk Jane Martin, Yam ndok Gah pandap mbang kayua prein yava mboh lac, njauk patabiak bruk pakauk uraniah umo mala 16 thun pandar mạng xã hội bo daok brei ngak catang jang dom adat khik caga quyền riêng tư saong adat ka salamat mạng piah khik caga uranaih./.