Mentri Ilamu, The thao saong Dulich pambuak saong UB bhap bini tỉnh Bình Thuận birau peih bruk hop mbao brei thau ka Thun Dulich pakat negar 2023 “ Binh Thuan – Pataom hijao”. Meng 204 bruk hu peih ngak, dalam nan hu 13 bruk pakat negar, Thun Dulich pakat negar 2023 piah patagok prein khang di gah dulich Binh Thuan  jeng yau dulich Viet Nam, yaih khan hu siam, rik tame bruk kham ba ngak dulich jeng bruk ngak mbang kinh te praong tui bruk ba tabiak di Sarak 08. Bruk praong lac Adat peih ngak brei thau Thun Dulich pakat negar 2023 ngan haong kadha “Binh Thuan – Pataom hijao” pambuak haong Le hoi yaok kadhun daok lac Countdown salam uan thun bierau 2023 peih tabiak di melam 31/12/2022 di Phan Thiết.

Harei pataom ilamu kong chiêng tỉnh Đắk Lắk thun 2022 hu peih tabiak tuk melami 23/11 di tỉnh Đắk Lắk, hu mbaok di jaik 500 nghệ nhân. Dalam 3 melam parang me-in, dom kapul hu parang me-in dom kadha haong rilo janih yau ye: độc tấu, song tấu, hòa tấu chiêng saong alat ragam bangsa; daoh, tamia ragu daoh bhap bini, brei mboh veik dom adat cambat meng kan di dom bangsa yau Ê Đê, Mnông, Jrai. Ini lac bruk ngak salam uan pahadar 17 thun Harei inem krung ilamu Việt Nam (23/11) haong Ilamu kong chiêng Tây Nguyên hu UNESCO pok brei angan lac inem krung ilamu phi vật thể, lambaok di menuac sia dunya.

Abih tih jien caga kuhria Tet thun 2023 ka urang ngak kong,  urang ngak di Ban raya HCM lac 140 tỷ đồng. Dalam nan hu daong ka 10.000 baoh sang urang cong doan, urang ngak hu raidiuk kan kandah, oh hu jien nao palei mbang Tet yaok baoh sang hu daong 1 trieu dong; nao rivang, alih hadiah pandap ka 5.000 baoh sang urang ngak kong naih joi daok veik di Ban raya. Langiu di nan, hu peih bruk pataom mbaok, alin pandap  ka urang đoàn di nghiệp đoàn; peih dom nyaom darak pasar anit ranam di D.N, labaik sang trọ hu rilo urang ngak kong. Thun ini, hu labaih 30.000 vé radaih apui, radaih hu alin brei ka urang ngak kong nao pablei mbang Tet.   

Tỉnh ủy, UBND tỉnh Hậu Giang haong Báo Người lao động bahrau pambuak gauk peih ngak danak dak “jalan dok palei negar” saong brei jien bac daong ka anek saih, SV bangsa takik, anek saih kan kathaot. mBan Biên tập Báo Người lao động hu alin hadiah 10.000 hala dok taneh ia gam haong 5.000 hala dok di akaok negar Nguyễn Xuân Phúc alin brei danak dak “1 triệu hala dok taneh ia gam haong urang taong kan kak kajap haong tasik” brei ka tỉnh Hậu Giang. Langiu di nan, 100 sruh radaih juak, yaom abih tih 270 triệu đồng hu alin hadiah brei ka dom adei anek saih sang kan kandah, anek saih bangsa takik daok dalam tỉnh Hậu Giang.

Công an tỉnh Khánh Hòa hu ba tabiak piah kaoh tui hukum bruk ngak suan dom paka hukum ka pandap mbang hacih sa-at di sang bac iSchool Nha Trang. Bruk nan ngak ka labaih 660  anek saih, gru pato tame taong ruak, dalam nan hu 1 adei metai lac anek saih tal bac 1, lac urang negar Malaisia. Viện Pasteur duah mboh hu 3 vi khuẩn jru mek nan lac: Samonella, Bacillus, E.coli hu dalam sauk manuk cuh. Jabat chức năng khan lac ong Bùi Phúc Lam, umo 40 thun,daok di phường Vĩnh Hải lac urang hu Sang bac Ischool Nha Trang pambuak bruk taneh mbnag ka anek saih. Kuhria tal jalan pandiak harei 23/11, daok 86 urang daok taong ruak, oh daok urang halei ruak trak.

Dom taneh ia dalam Liên minh châu Âu (EU) harei kabroi njauk hatai haong bruk daong ngak tabiak “chip” yaom 45 tỷ euro piah patrun bruk dom taneh ia EU pagam pambak tame dom labik ngak di Mỹ saong châu Á. Bruk nan hu ba tabiak hadei di tuk bruk kurang “chip” di dunya saong ngak kan kandah tal gah ngak ô tô, bruk iek glang prein yava saong khai thác viễn thông di châu Âu. EU caong lac dom bruk daong brei ini hu daong ka dom taneh ia EU mek hu 20% thị phần công suất chip mangaok dunya dalam thun 2030.

Dom urang ngak praong châu Phi tabiak panuac lac brei padeih cuh phao tame gah  miền đông taneh ia Cộng hòa dân chủ Congo meng harei 25/11. Piah pacang caga dom bruk taong tame di nyaom phian quan M23. Panuac nan hu gam bruk thoa thuan brei padeih bruk daong chinh tri – quan su ka nyaom phien quan M23 saong taong abih  dom nyaom bol pan phao karong  karei dalam bhum Đông Phi. Miền Đông Congo daok dang anak  dom bruk taong tame di nyaom phien quan M23, ba tal bruk kandah gauk gah ngoại giao trak damah di  châu Phi.

Australia meda brei padang sa khung pháp lý pakat negar bahrau piah khik caga inem krung ilamu di thổ dân. Rajaei njauk hatai brei ngak 7 dalam 8 kadha ka bruk khik caga inem krung ilamu di thổ dân bo Quốc hội taneh ia ini ba tabiak. Dom kadha nan hu ba tabiak hadei di bruk pasang iek, duah thau ka bruk palai pajoa inem krung di Hẻm ceik Giu-cần (Juukan) piah mek ngak quặng pasei. Inem krung ini hu meng labaih 46.000 thun. Thun 2020, sa tập đoàn khai khoáng pandar jru patuh piah peih praong jalan ceik ini saong ngak khut tayah dom hang động./.