Tinh Tien Giang birau pambak praong Danak dak “Patagok khang kajap 1 trieu ha ngak padai asar siam saong takik tathuak nerak saong patagok hijao bhum Taneran karaong Cuu Long mbiah tal thun 2030” dalam bilan Dong Xuan 2024 -2025. Peih ngak meng thun 2018 mbiah tal ini, Danak dak ngak hu rilo bruk siam. Thun 2025, Tien Giang kham merat hu labaih 22.000 ha hu tame Danak dak saong peih praong tagok 29.500 ha thun 2030. Di var peih ngak, dom ngak nong hu pamong tal bruk tam drak meng mac moc 3 dalam 1 gam meda hu drak, gam buh khak lam ala saong pruh jru hareik tamuh di mblang hamu 20 ha. Hadei taong yaom, bac megru puac bilan, karja patui veik bruk peih praong bruk ngak iek di 7 huyen, ban sit, ban raya. 

Pahadar 80 thun Harei padang Bol lin Bhap bini Viet Nam saong 35 thun Harei Quoc hoi di taong abih bhap bini, Mentri chỉ huy Bol lin Bien phong tinh Soc Trang hu mai rivang, alin pandap ka dom baoh sang gauk gar di urang liet si, thuong binh saong Anh hung bol pan phao karaong. Di dom labik hu mai rivang, urang ngak praong di Bol lin Bien phong tinh Soc Trang caong khin dom baoh sang dalam sarak karja patui veik ilamo cach mang meng kan, pachreih anek kamuan patagok ilamo baoh sang, rik tame dak padang bhum palei  dak harei dak patagok.

UB Bhap bini tinh Bac Lieu birau peih bruk parang iek ngan haong kadha “ Bol lin bhap bini Viet Nam - 80 thun padang ngak, mesruh metak saong patagok”. Tapa parang iek nan ngak brei pamedeih veik hatung hatai anit ranam, ngak brei hadah mbaok meta, iek praong bangsa, kham merat methruh, jayak di Bol lin bhap bini Viet Nam saong bruk ngak di urang jakar, dang vien saong dom bhap bini ngan haong  bruk padang ngak bol lin, pakajap quoc phong, khik caga Taneh; pachreih jak ba, jak ba taong abih urang Ndang saong bol lin tinh Bac Lieu kham merat  yam tapa kan kandah, ngak siam dom bruk ba tabiak dalam thun.   

Dom thun tapa, huyen Hòa Bình, tinh Bac Lieu peih ngak rilo danak dak patruh iek patrun kathaot khang kajap, dalam nan hu peih ngak “Urang ndang taduan daong baoh sang kathaot”. Mbiah tal ini, huyen Hòa Bình  hu trun biak ralo baoh sang kathaot daok 239 baoh sang saong sang jaik kathaot daok 556 baoh sang. Bruk “ Urang ndang  taduan daong baoh sang kathaot” oh lac bruk patrun kathaot hu siam kajap, bo daok lac thaok binguk  di bruk jum pataom, sangka di Đảng nga haong bhap bini rahra. Ngak siam bruk patruh kathaot khang kajap lac bruk praong  rik tame dak padang Ndang dak harei dak  khang kajap, jiak taphia bhap  bini saong daong bhap bhap bini.

Tok dalam 2 harei tabiak  ngak bruk khik brei sron mbon tuk Tet 2025, labaih 1.000 urang Bol lin kong an jalan mbak Ban raya HCM langyah bruk suan hukum menyum alak, labaih 1.200 sruh radaih  njuak chap mek saong labaih 610 urang njauk mek veik harak peih radaih. Rilo urang peih radaih  ngak suan hukum  yau nao cagar jalan atau peih drah samar. Langiu di nan, Bol lin kong an daok chap hu 11 urang ngak suan ka matuy. Tabung glong bruk langyah ngak suan adat hukum jalan mbak dui atah  tal harei 14 bilan 2 thun hadei.

Brazil hu khan tapa hukum pakauk pandar phone pan tangin dalam dom sang bac di pakat negar piah takik kanjiak jhak di dom pandap thong minh  tal bruk bac da-a jeng yau prein yawa akaok sahaneng di uranaih. Tui dom urang lin Brazil, bruk uranaih pandar phone pan tangin saong MXH ralo oh lac ngak jhak tal bruk bac bo daok ba tal dom bruk karei jhak tal prein yava.

Mentri Ngak nong Prang khan lac taneh ia ini abih jit kum manuk ada anek ruak catang, hadei oh mboh suh jit ruak halei karei dalam bilan tapa. Panuac di nan meda hu daong bruk jhul pakhang dom bruk pablei salih di Prang, dalam tuk dom taneh ia brei padeih bruk blei tame dom pandap meng taneh ia ini. Dalam tuk nan, Mỹ daok having akaok pacang caga kum manuk ada njom mbak tapa  manuac.

Yaok ribau urang ngak Amazon di Mỹ padeih ngak bruk di page 21/12, hadei di tuk kong ti ndem puac oh taduan pambuak harak bruk ngak, ba tal bruk ngak di Mỹ pablei salih blah website daok kan kandah di bilan tabung glong. Ini oh njauk lac mbang camereip  Amazon urang ndok padeih ngak. Thun 2024, Amazon khan brei thau  2,1 ty USD piah tagok jien bilan ka urang ngak di Mỹ, tagok labaih 7%. Yau nan min, bruk ngak nan oh ka ginup ngak trun bruk catang tagok di dom kong ndoan./.