Tui Mintri Jalan mbak pajeng ba, tỉnh Bà Rịa - Vũng Tàu hu jao jaik 80% mbaok taneh di danak dak thành phần 3 jalan nduac samar Biên Hòa - Vũng Tàu. Min, tỉnh Đồng Nai bahrau mek hu labaih 6% mbaok taneh di danak dak jalan thành phần 1 saong 2. Bruk peih phun jien brei ka thun ini, dalam danak dak jalan nduac samar Biên Hòa - Vũng Tàu bahrau mek hu labaih 52% jalan ba tabiak ka phun jien. Ong Võ Tấn Đức – Quyen akaok UBND tỉnh Đồng Nai caong lac, jabat hu thẩm quyền brei adat ka tỉnh hu pandar dom lo taneh tái định cư daok gilac di danak dak Mblang kapar haok dunya Long Thành piah rami ramik tái định cư ka danak dak jalan nduac samar Biên Hòa - Vũng Tàu.

Kapul bayar jien daong labik daok bahrau huyện Bến Lức, tỉnh Long An hu tabiak harak khan brei thau bruk bayar jien mek taneh labik tái định cư di dự án binah ka 8 di danak dak jalan Vành đai 3 TP.HCM nao tapa Long An, haong yaom jien labaih 65 tỷ đồng. Taong abih dom sang nan jeng njauk hatai haong bruk peih ngak labik daok bahrau. Tỉnh brei bayar jien ka dom sang piah mek taneh, saong brei ieu dom pok thầu padang ngak, pasang iek.

Hadei di mbang taduan hu khau tin urang njauk ruak đậu mùa khỉ di tỉnh Đồng Nai palei daok pak TP. Hồ Chí Minh, Pasak pasang iek ruak kik TP. Hồ Chí Minh hu peih mbang pasang iek jit ruak, pacang labik saong langyah. Gam tui di nan jeng pasang iek jalan nao mai, padang angan hu 8 urang pambuak jaik haong urang ruak. Dalam 8 urang ini hu 1 urang lac ayut saabat di urang ruak daok di tỉnh Bình Dương saong dut iek mboh dương tính haong ruak đậu mùa khỉ. Dalam 3 adit dahlau di tuk bahrau tamuh ruak, urang ini tok daok dalam taneh ia.

mBan Khik ramik Bein pakat negar Bù Gia Mập, huyện Bù Gia Mập, tỉnh Bình Phước bahrau taduan 10 drei athur glai di 8 janih, meng Chi cục Kiểm lâm tỉnh Tây Ninh saong peih palao ka nyu tame glai di labik Bein negar Bù Gia Mập. Dom drei athur ini jeng lac nhóm IIB daok dalam harak angan dom janih athur takik hu saong daok dalam tapuk bhong Việt Nam. Dom drei athur glai nan hu bhap bini jao brei ka Chi cục Kiểm lâm tỉnh Tây Ninh.

Sở Ilamo - Thể thao saong Du lịch ban Cần Thơ pambuak haong UBND huyện Phong Điền peih “harei pataom ilamo sinh thái Phong Điền - Cần Thơ” mbang ka X thun 2023. Ngan haong kadha “Du lịch saong đầu tư hijao”, Harei pataom hu jaik 20 bruk ngak biak chreih chrai, bui sambai lac: 150 gian hàng yaih khan bruk pachreih du lịch di Cần Thơ saong dom tinh ayut saabat, ngak thaot baoh kayau saong tiểu cảnh sinh thái; san jao jit bruk ngak; farmtrip pasang iek yaih khan labik tal saong pandap du lịch bahrau di huyện Phong Điền; Labik pakacah ahar meng kan saong yaih khan dom pandap mbang bingi di Phong Điền; pakacah kanduh composite… Bruk ngak ini piah pachreih tui Harei Du lịch Dunya (27/9), yaih khan thaot binguk, ilamo, anek manuac, pandap du lịch, dom labik tal biak siam gheih di huyện Phong Điền saong ban Cần Thơ tal tuai damuai.

Mintri Quốc phòng Hàn Quốc brei thau lac taneh ia ini haong Mỹ saong Japon meda peih bruk pasram mesruh haong gauk pacang kapal nyuc ia di harei 30/9 tal, mbang camereip abih hadei di labaih 5 thun. Tui panuac khan nan, bruk pasram mbang ini, lac sa binah dalam dom bruk di Mintri Quốc phòng Hàn Quốc piah pasiam veik bruk pambuak gauk gah quân sự di Hàn Quốc, Mỹ saong Japon yau dahlau di thun 2017".  Bruk pasram ini hu pataom tame duah mboh, thau cambaih labik saong tui iek dom kapal nyuc ia hu pagam tên lửa đạn đạo (SLBM). Bruk pasram ini hu peih tabiak di bhum tasik dunya gah Timur Bán đảo Triều Tiên. 

Triều Tiên hu brei adat urang negar langiu tame negar mbang camriep abih kuhria meng di tuk taneh ia ini kareik pabah mbang tapen negar di thun 2020 kayua jit praong COVID-19. Sarak ini hu pandar meng harei 25/9 saong dom urang tame negar Triều Tiên meda brei daok karei dalam 2 harei. Di puac bilan 8, hãng Thông tấn Trung ương Triều Tiên brei thau, rahra Triều Tiên di negar langiu meda hu mai gilac taneh ia hadei di sa adit daok karei tuk Bình Nhưỡng pacadu dom jalan pasang iek jalan tapen negar.

Iran tabiak panuac lac halan hatian mai veik ngak njauk, ngak ginup dom sanya di drei dalam danak dak bruk ngak haong gauk taong abih gah (JCPOA), meyah dom gah karei dalam thỏa thuận hạt nhân thun 2015 jeng halan hatian ngak yau nan, saong khan lac, bruk ndom biai nao mai oh taom gaok tapak haong Mỹ jeng daok rah tabiak. Tui panuac khan di Mintri Ngoại giao Iran, dalam mbang taom gaok Tổng Thư ký Liên hợp quốc Antonio Guterres harei 23/9 di jabat Liên hợp quốc daok di New York, Ngoại trưởng Iran Amir-Abdollahian hu taong yaom glaong bruk peih palao urang guk di Iran haong Mỹ, saong bruk brei peih jien yaom 6 tỷ USD di Teheran njauk kreik veik di Hàn Quốc./.