Nyaom biai pataom iek veik 10 thun peih ngak sarak ka 17 di Mentri Chinh trị ka bruk patui jalan salih birau saong pakhang bruk tacei ba jalan ngak di Đảng ngan haong dom kapol nyaom bhap bini, peih ngak di page ini (2/11) ong Nguyễn Hồ Hải - Phó bí thư Thành ủy TPHCM brei thau, Thành ủy hu mboh dom bruk rik tame biak lagaih di dom kapol nyaom ka bruk cak rok patagok di Ban raya hu rilo gah, rik tame peih ngak siam dom sarak daong tani tanat raidiuk, khik kajap saong salamat an ninh chính trị, trật tự an toàn XH. Tapa nan, pakhang bruk pambuak Đảng, Karja  saong bhap bini. Yau nan min, ralo kapol nyaom  bhap bini  ngak bruk pataom dom urang halan hatian, bruk nan mbuan ba tal kandauk dom bruk sraw kadau pambak tal  an ninh, chính trị.  

Tỉnh Bình Dương urak ini hu labaih 240.000 urang ngak dalam dom DN hu trun maong ngak bruk. Bruk ini lac biak praong kayua dom urang ngak ini jeng daok ngak labaih 14 harei nan ye jeng daok hu blei bảo hiểm xã hội. Rilo công ty dahlau deih brei ngak tăng ca min urak ini njauk kreik pabah mbang harei sanecar. Bruk trun maong ngak bruk hu meng bilan 8, tuk dom đơn hàng hu takik, rilo meng lac dalam gah jhilk mayim, takhaok klik, điện tử.

Dalam tỉnh Bình Thuận birau hu sa urang metai kayua ruak pandiak tabiak darah, yau nan mbiah tal ini hu 6 urang metai kayua pandiak tabiak darah. Kuhria tal puac bilan 10 meng blaoh, dalam tỉnh hu jaik 8.000 mbang urang njom ruak pandiak tabiak darah. Urang njom ruak tagok 4,6 mbang dut saong tukvak ini thun 2021. Tui kuhria mboh dahlau meng ini al puac thun ruak pandiak tabiak meda rah tabiak dalam sraw kadau. Yau nan ye, Pasak pasang iek ruak kik tỉnh jhul pasamar bruk pasang iek vectơ saong côn trùng pambak ruak; peih bruk puh ramik ngak brei hacih sa-at labik daok, pametai lăng quăng, pacang caga ruak pandiak tabiak drah…

Sa ar pacang meng bê tông atah 2 km, yaom abih tih 270 tỷ đồng hu padang ngak di labik glut jaleih biak trak di kraong Trà Nóc, ban Cần Thơ piah khik hu drap ar di bhap bini. Meng di thun 2020 tal urak ini, di labik ini hu 7 mbang glut, jaleih saong ngak kan kandah ka jaik 40 baoh sang bhap bini. Urak ini, bruk glut jaleih daok rahtabiak khang, mbuan ba tal metai lahik, khut tayah drap ar di labaih 120 baoh sang bhap bini daok di tapen kraong ini.

Công an Ban Châu Đốc, tỉnh An Giang brei thau, page ini 2/11, di labik sang  103, jalan Nguyễn Đình Chiểu, Tổ 1, khóm 4, phường Châu Phú A, thành phố Châu Đốc apuh khuah khang, ngak brei 2 anek amaik  metai. Hadei di tuk taduan hu panuac khan lac khuah, Kapol padam khuah pacang khuah  daong urang gaok bala  bhum Châu Đốc samar hu mbaok padam khuah. Yau nan min, apui khuah mbang abih baoh sang  praong 80 met vuong. Urak ini, gah chức năng  daok pacang labik apui khuah  piah duah thau, dut iek rup atau piah ngak brei cambaic laic bruk metai di dua anek maik.

Triều Tiên bahrau tabiak panuac lac Mỹ saong Hàn Quốc meda njauk bala praong mayah taong tame taneh ia ini, saong caik hatai tal bruk pasram mesruh haong gauk urak ini di 2 taneh ia. Tui ong Pak Jong Chon, Bí thư Ủy ban Trung ương đảng Lao động Triều Tiên, mayah Mỹ saong Hàn Quốc pandar tapon nyaom bol pan phao kraong taong tame Triều Tiên, ye tapon nyom bol pan phao kraong di taneh ia ini taong cagar veik chip.

Dalam panuac khan birau abih pambuak tal bruk juah tagok gauk di Itaewon (Hàn Quốc), Thủ tướng Hàn Quốc Han Duck-soo ndom lac rajaei taneh ia ini meda langyah catang dom urang hu trách nhiệm pambak tal hadei tuk salah bruk pasang iek. Cảnh sát  Seoul daok dang anak  rilo panuac ndem puac kayua tok brei 137  cảnh sát piah khik iek trật tự di Itaewon melam 29/10 dalam tuk hu labaih 100.000 urang tuh mai labik ini.

Jabat tui iek bruk langik tasik negar France Meteo-France brei thau, bilan 10/2022 hu maong lac bilan pandiak di abih dalam dom bilan 10 yaok thun di France kuhria meng di thun 1945 tal urak ini. Nhiệt độ kuhria rah tapa dalam bilan 10 thun ini di France tagok jaik samu atau tagok labaih 17°C, glaong jang meng 3 tal 4°C duk haong yaok thun. Kayua biến đổi khí hậu, dom mbang pandiak di puac thun atau di akaok thun meda rahtabiak rilo jang saong khang jang./.

Urang lang: Thu Thảo & Bhumi