Khik ramik saong patagok yaom glong ilamu bhap bini

Hu taong abih gauk njauk hatai, UBTVQH birau brei tapa 2 sarak ka bruk padang ban sit Bình Phú di huyện Cai Lậy, tỉnh Tiền Giang saong padang ban sit Chơn Thành, dom phường di ban sit Chơn Thành, tỉnh Bình Phước. Ban sit Bình Phú, huyện Cai Lậy, tỉnh Tiền Giang hu padang ngak meng khik tamo xã Bình Phú ngan haong 18.500 urang. Ban sit Chơn Thành, tỉnh Bình Phước hu padang ngak meng khik tamo huyện Chơn Thành, ngan haong 121.083 bhap bini.

Tỉnh Bình Phước hu jaik 20% menuac urang lac bangsa takik, dalam nan rilo di abih lac bangsa S'tiêng. Bruk khik ramik saong patagok yaom glaong “văn học dân gian” di dom bangsa takik daok hu tỉnh iek praong. Dalam nan, siam lagaih di abih lac bruk roh duah, khik ramik saong patagok yaom glong ilamu bhap bini. Dom gah chức năng hu patagok tacei pato ilamu dalam bruk duah, pataom, pandar dom janih ilamu bhap bini dom bangsa takik saong hu sarak, jalan ngak siam, lagaih piah daong ka dom puk palei khik ramik, patagok yaom glaong ilamu bhap bini dom bangsa takik.

TP.HCM birau hu gilac sa urang metai kayua ruak pandiak tabiak darah. Yau nan meng kaok thun mbiah tal ini ban raya hu 17 urang metai kayua pandiak tabiak darah, rilo jang 14 urang dut saong tukvak ini thun blaoh. Tui Pasak pasang iek ruak kik Ban raya HCM, mbiah tal ini, ban raya hu jaik 40 ribau urang ruak pandiak tabiak darah, urang ruak trak lac 679 urang. Dalam adit tapa, hu 7 quận, huyện hu urang ruak rilo tagok, nan lac dom quận:  1, 6, 8, 11, Bình Tân, Phú Nhuận, Tân Bình. Ta-eng Quận 11 hu urang ruak tagok biak glong dut hoang kuhria rah tapa 4 dit dahlau.

Dom menuac njauk ruak Covid-19, pandiak tabiak darah, tangin takai cambuai di tỉnh Bình Dương daok tagok glaong. Anak bruk mbuan hu jit ruak kateik angaok gauk, Bình Dương hu ba tabiak dom jalan ngak piah pacang, caga jit, dalam nan brei patagok pasang iek, duah saong padam sruh jit pandiak tabiak darah; pathau khan, jak ba bhap bini khik ramik hacih sa-at alam môi trường, pametai lăng quăng, bọ gậy saong klauk vaccine pacang Covid-19. Bruk taong ruak ka urang ruak hu ngak njauk tui jalan tacei di Mintri Y tế.

Rilo janih baoh kayau di tỉnh Tiền Giang daok tagok yaom meng 10 tal 20% dut saong bilan dahlau. Yau baoh panat janih 1 yaom labaih 20 ribau đồng sa kilo, durien 80 ribau đồng sa kilo, thanh long hatai patih labaih 15 ribau đồng sa kilo, pa-ok Hòa Lộc jiak 100 ribau đồng sa kilo. Ta-eng la-u thu  yaom tagok labaih 40 ribau đồng sa pluh baoh. Baoh kayau tagok yaom min bein phun kayau brei takik baoh ba tal “oh ginup pablei”. Dom doanh nghiệp ngak baoh kayau pablei tabia k negar langiu di Tiền Giang oh ginup pabak ka gah blei.

Bruk tamuh veik di Covid-19 daok kateik trak tagok gah du lịch di Trung Quốc. Rilo labik du lịch hu angan di bilan Hè di taneh ia ini daok hu pacang veik piah pacang caga jit. Kayua mbang jit bahrau tamuh tabiak di tuk tabung glaong di du lịch Trung Quốc ngak ka yaok triệu tuai oh nao me-in hu. Yaok pataom di blah Thời báo Hoàn cầu brei mboh lac, takik di abih 18 labik di 6 tỉnh saong khu tự trị di taneh ia ini daok njauk pacang veik.  Tui gah truyền thông Trung Quốc brei thau, dalam oh ka tal 2 adit kuhria tal harei 17/7, hu tal labaih 10 biến thể di Omicron, daok kuhria meng bilan 8 tal harei ini, lac 6 biến thể saong jaik abih nan lac BA.5.

Mbang hajan biak khang tuh trun gah Kreh negar Hàn Quốc dalam adit ini ngak ka labaih pluh urang metai, jaik 20 urang njauk rambuac. Kuhria tal 6 tuk page ini, hu 11 urang metai, 8 urang lahik, jaik 1.000 urang brei panduan nao labik karei. Yaok pluh baoh sang, 300 hecta taneh ngak nong dauk dalam ia sua. Hu 25 mbang glut jaleih taneh hu mboh mbiah tal ini. Tổng thống Hàn Quốc hu panuac likau bhap bini ma-ah ampuan dalam tuk manuac sia ndem puac Rajaei daok kurang dom jalan pacang caga ia sua di ban ine.

Bruk pakauk blei dhang meng Nga di Liên minh châu Âu (EU) hu ngak tui meng kreh melam 10/8. Ini lac jalan ngak praong dalam pok taong phạt ka 5 bo Liên minh châu Âu ba tabiak ngak ngan saong Nga piah cagar veik bruk “quân sự đặc biệt” di Ucraina.  EU urak ini blei tal 45% dhang meng Nga. Bruk pakauk blei dhang meng Nga meda ngak brei catang jang bruk kurang dhang, dalam tuk năng lượng meda kurang biak khang dalam dom bilan birak jaik tal./.

Urang lang: Bhumi & M. Phuong – 11/08