Rilo tinh ban hu mbaok tame pakacah 

UBND ban raya.HCM bahrau hu panuac ieu jhul khang bruk klauk vaccine pacang COVID-19 ka bhap bini dok di ban raya. Tui nan, UBND TP jao ka urang dang akaok dom sở, dom mban, dom gah, UBND dom  quận, huyện song ban Thủ Đức pathau khan bruk siam lagaih tuk klauk  vaccine tal dom urang jakar, menuac urang…Sở y tế hu peih rilo labik klauk cố định song nao mai dalam dom harei dalam adit, dalam nan hu harei car, song harei adit. Sở pato megru  peih bruk pasang iek yaok anek saih dalam um oklauk jru tui adat hukum ka  tiền sử njom COVID-19…Ba bruk klauk  vaccine di dom sang bac tame tanut pakacah di gah pato pakai.

Kapul daong urang ruak kathaot lac sa dalam dom kapol ngak pahala hu angan je saong hu bruk jak ba khang abih di tỉnh Bến Tre. Tapa 19 thun ngak bruk, Kapul jak ba meng rilo gah dalam saong langiu negar piah peih ngak dom bruk an sinh - xã hội di tỉnh kuhria tui jien 1.022 tỷ đồng. Tapa nan, hu labaih 1.200 urang ruak baoh hatai hu blaic raih baoh hatai saong taong ruak; blaic raic meta ka labaih 28.200 urang, taong ruak, brei jru, daong ka 480.000 mbang urang kan kandah, brei jaik 41.000 pok jien bac, padang ngak jaik 2.400 baoh sang anit ranam 

Piah pachreih ba, dong ka dom boh sang bangsa takik kan kathaot gaok  kan kandah ka sang dok, dalam 6 bilan akaok thun ni, mBan Bangsa song agama  tỉnh Bạc Liêu hu jak ba dom doanh nghiệp, dom urang ngak pahla dong  16 boh sang anit ranam  ka 16 sang urang bangsa Khmer kan kathaot, gaok kan kandah ka sang dok. Meng nan, hu dong ka mik va bangsa  Khmer kan kandah ka sang dok, hu boh sang khang kajap, tani tanat rai duik, sahnang hatai ngak mbang, yam tagok patruh kathaot.

Tỉnh Cà Mau daok caga peih pacacah Giải nduac Đất Mũi Marathon - Cà Mau 2022. Giải hu peih tabiak ngan haong 4 cự ly meng 5km tal 42km. Ngan haong kadha “Pambuak pagam jalan Hồ Chí Minh ginreih”, mBan peih bruk pakacah Giải nduac hu pilih ruah Cà Mau – lac labik jhung abih di negar ngak labik peih tabiak jeng yau nao tal. Tui kuhria hu labaih 2.500 urang pacacah hu mbaok tame. Ini lac sa dalam dom danak dak dalam danak dak “Cà Mau – Labik tal 2022”, ngan haong rilo bruk ngak piah yaih khan thaot binguk, anek manuac, du lịch tỉnh Cà Mau.

Jabat chức năng tỉnh Bà Rịa- Vũng Tàu bahrau lập biên bản langyah bruk ngak suan hành chính 32 labik, brei padeih bruk 15 labik peih karaoke, quán bar, vũ trường. Tapa pasang iek brei thau, rilo labik oh ka  ngak  njauk adat hukum ka bruk pacang khuah pandam khuah song dong duah urang gaok bala, oh sangka tal bruk pasram megru pacang khuah pandam khuah ka nhân viên song urang ngak. Bruk padang ngak harak gar, peih bruk pacang khuah pandam khuah pak di labik, dom pandap panda di dom labik karaoke jeng oh ka ginup tui adat hukum. 

Rajaei Mỹ hu khan brei thau hadom manuac hu taduan raok tị nạn ka thun jien padai 2023 (kuhria meng harei ini), dalam tuk dom urang pachreih tui daok pachreih rajaei Tổng thống Joe Biden brei adat ka rilo urang tị nạn jang nduac tame taneh ia ini. Dalam mbang tranh cử dahlau di nan, Tổng thống Joe Biden hu sanya patagok manuac tị nạn meng tanut bier lac 15 ribau tagok tal 125  ribau urang. Min, Mỹ hu taduan ka oh tal 20 rabau urang tị nạn dalam thun jien padai urak ini, tamat di harei 30/9 anak tal.

Trung Quốc bahrau peih bruk padang ngak jalan nding ka 4 atah 3.340km dalam danak dak dom jalan nding prong, pajeng ba khí đốt tự nhiên meng gah pai tapa gah timun. Hadei di tuk ngak salah bloh, jalan nding hu patagok prein pajeng tal 100 tỷ m3. Gam song dom harak pambuak bruk blei khí đốt tự nhiên hóa lỏng meng Mỹ, Trung Đông, Trung Á, dom urang ilamu ndom lac, meng ni tal thun  2030, Trung Quốc hu ginup khí đốt ka  1 tỷ 400 triệu menuac song pablei tabiak negar langiu.

Phái bộ Liên hợp quốc di Nam Sudan brei thau dom bruk mesuh gauk di taneh ia ini daok jhul dom bruk taong paoh tamuh gilac veik, ngak ka yaok ribau urang njauk klaak sang piah plaih njaik bala. Nam Sudan laik tame bruk mesruh gauk meng di bilan 12/2013 ngak ka yaok piluh ribau urang metai saong labaih 2 triệu urang njauk nduac klak sang danaoknao daok di labik karei./.

Urang lang: Thu Thảo -Hanipha -1/10