Cà Mau jeng hu padang ngak ar tasik gah Pai hu labaih 51 km

Tỉnh Cà Mau hu 3 mbaok mbaiy nao gah tasik, jalan takai tasik atah 254 km. Tui Sở Ngah nong saong patagok palei pala Cà Mau, urak ini hu 189 km daok dalam glut jaleih. Piah pasiam saong patrun patakik bruk glut jaleih, tỉnh Cà Mau hu buh jien tabiak ngak salah blaoh labaih 41 km ar pacang, daok caga piah ngak 26 km. Cà Mau jeng hu padang ngak ar tasik gah Pai hu labaih 51 km, haong yaom jien buh tame ngak abih jaik 486 tỉ đồng.

Tui bruk patagok menuac ngak di tỉnh, dalam 10 thun tapa, meng thun 2010 – 2020, Sở pato megru tỉnh Kiên Giang hu peih ngak 5 danak dak paglaong ilamu, hatai sahneng, pato pakai menuac ngak, pasram megru paglaong ilamu menuac naih gheih, dalam nan hu danak dak “padang ngak saong paglaong ilamu dom gru pato”, “Padang sang bac mek hu chuẩn pakat negar, sang bac trọng điểm saong sang bac chuyên biệt”… Meng nan, rik daong biak praong tame bruk pasiam saong paglaong chất lượng pato megru dalam tỉnh. Dom anek saih pakacah hu tame ĐH, CĐ lac 51,52%,, rilo jang  6,52% duk haong bruk ba tabiak.

Hadei di 22 thun njauk dar veik, ribaong Hàng Bàng atah jaik 2 km nduac tapa quận 5 saong quận 6 daok hu kuac raok veik piah tathuak ia ka labik ini, trun bruk nerak tachrauk, gam panduan ba nao labik daok birau ka dom baoh sang daok dua gah takai ribaong. Tal urak ini, dua akok ribaong atah jaik 400m hu pasiam  ngak salah blaoh saong padang birau sa balai nyuk ia  di angaok jalan Phan Văn Khoẻ. Tukvak ka 2 meng jalan Mai Xuân Thưởng tal ribaong Vạn Tượng, atah 750m daok hu peih ngak haong yaom jien labaih 178 tỷ đồng. Ini lac sa binah di danak dak pasiam lam moi truong ia Ban raya HCM hu peih ngak meng thun 2015.

Sở Y tế tỉnh Bến Tre hu peih bruk pasang iek, langyah trách nhiệm Yam ndok Pasak Pasang iek ruak kik tỉnh (ieu katut lac CDC Bến Tre) Nguyễn Hữu Định ka bruk ngak di urang dang akaok dalam pan akaok ba jalan, khik ramik, caik rah tabiak bruk ngak suan dalam bruk blei pandap y tế pacang, caga jit COVID-19. Tui panuac tamat di Thanh tra tỉnh Bến Tre, dom harak gar oh hu harak pasang iek prein ngak, ilamu nhà thầu atau pathau khan bruk pilih ruah nhà thầu. Hu dom pok thầu pabak oh ka ginup 3 harak khan yaom atau harak khan yaom oh ka ginup dom janih pandap. Hu dom labik y tế mek jien suan adat haong yaom jien 87.617.700 đồng. Bruk mek jien ini di rilo menuac, oh thau cambaih sang danaok, labik daok, nan ye oh bayar veik hu.

Baoh yot pak hu 3 tal; dalam bruk duah pataom kadung buh to di urang Nùng; 20 blah rup cih Đạo giáo ka dom muk yang dalam adat ngak yang di dom urang bangsa talik bhum ceik gah Barak negar – Nan lac dom pandap njauk ndom tal di abih dalm jaik 500 pandap ka ilamu saong bangsa takik Viet Nam birau hu urang roh duah lac urang Mỹ angan Mark Rapoport alin brei ka Muyim Urang kumei Viet Nam. Thun 1969, Mark Rapoport mbang akok meti hu mai Viet Nam halan hatian ngak bruk y te, jaik abih tukvak ngak bruk  di sang iek ruak  Ban Đà Nẵng saong di dom palei urang bangsa takik di tỉnh Quảng Ngãi. Meng labik ini, ong duah pataom dom pandap ilamu. Dalam 20 thun, Mark Rapoport roh duah hu labaih 10.000 pandap ka ilamu di dom bangsa daok di Viet Nam.

Gilang pariak Dunya (WB) meda pabak brei 30 tỷ USD piah langyah bruk srau kadau, kurang pandap mbang di dunya. Tui nan, dalam 30 tỷ USD ini, hu 12 tỷ USD hu pandar ka dom danak dak bahrau saong 18 tỷ USD hu pandar piah ngak dom danak dak pambuak tal pandap mbang hu pasang iek brei adat blaoh min oh ka hu peih ngak. Dahlau di nan, Chủ tịch Gilang pariak dunya Davis Malpass jeng brei thau veik panuac sanya padang 1 kadung jien daong chip yaom 170 tỷ USD dalam 15 bilan tal piah daong ka dom taneh ia kan kathaot di abih daok gaok kan kandah meng rilo bruk sarau kadau, dalam nan hu bruk kurang pandap mbang.

Meyah sa jit jit ruak praong birau tamuh tabiak dalam thun ini atau thun anak, dunya jeng oh ka hu bruk kuhria caga  siam piah pacang saong meda kurang jang kayua kan kandah bruk kinh tế labaih  2 thun tapa. Ini lac panuac brei thau  di Ủy ban độc lập ka bruk Pacang caga saong Phản ứng haong jit ruak di Gah Y tế Dunya dalam sa harak pathau khan bahrau hu ba tabiak.

Mintri Y tế Italy brei thau, yaom lac labaih 91% dom urang Italy umo mangaok 12 thun hu klauk takik di abih 1 mbang vaccine pacang COVID-19, min jeng daok hu labaih 6 triệu urang oh ka hu klauk mbang halei. Langiu di nan, bruk klauk vaccine mbang ka 4 ka dom urang mbuan njom ruak saong dom menuac umo mangaok 80 thun jeng oh hu yau hatai caong khin. Dalam sa bruk hu pambuak tal, gah Hàng không dân dụng Italy tabiak panuac lac taong abih tuai damuai saong kapul peih kaoal haoh saong duh mangaok kapal haoh jeng daok brei cuk pataih pacang mbaok janih FFP2 di taong abih dom mbang par di dom hãng kapal haoh par mai saong par nao meng Italy, oh kuhria lac hãng kapal haoh tabiak meng taneh ia halei./.

Urang lang: M. Phuong & Bhumi – 21/05