Tui danak dak Mbang nyaom ka 6 Quoc hoi mbang 15, sa dalam dom asar kadha hu mkana praong QH peih ngak dalam harei ini 25/10 nan lac bruk brei buh phieu palih ruah kandauk ngan haong 44 chuc danh kayua QH palih ruah saong mbaoh tangin brei ngak. Gah langiu labik QH ginum biai, rilo urang mboh lac bruk buh phieu palih ruah hu bruk siam, yaok urang buh phieu brei tapak hatai, sumu gauk saong bruk ngak abih hatai di drei. Ngan haong jaik 500 urang QH saong tapa meteh vaktu bruk ngak di QH, dom labik bruk ngak brei mek phieu palih ruah yaom lac brei mboh “cambaic laic atau kandauk” ye dom urang QH meda hadah krah, tapak hatai piah taong yaom tapak, taong abih gah ngan haong dom bruk yaok labik ngak bruk. Hu rilo tanut piah mboh, taong yaom njauk bruk palih ruah dalam tuk ngak bruk di dom urang lambaok hu brei palih ruah.

Tỉnh Đắk Lắk hu 49 bangsa, dalam nan jaik 36% lac urang bangsa takik. Yaok bangsa jeng hu ilamo karei, ngak jeng thaot binguk ilamo siam gheih saong rilo janih pambuak haong bhum, palei. Thun ini, Sở Ilamo, Thể thao saong Du lịch tỉnh Đắk Lắk tacei jalan ka UBND tỉnh daong 2 puk urang bangsa takik cak rok patagok du lich rahra lac: puk Kuốp (xã Dray Sáp, huyện Krông Ana) saong puk Trí (xã Krông Na, huyện Buôn Đôn). Ini lac dua puk hu rilo urang bangsa takik, daok khik hu ilamo meng kan gah parang me-in daoh tamia, dom adat cambat, rija roya di palei, hu labik rivang iek gheih mekre, sajarah, ilamo, adat cambat saong pandap mbang huak biak bingi karei di palei.

Harei kabroi, tỉnh Đồng Tháp peih Nyaom biai kuhria iek taong abih bruk ba tabiak ngak “50 harei, melam” pathau khan bruk brei pagam, peih tai khoan định danh điện tử saong peih ngak Jalan ngak dom bruk ngak iek di Danak dak 06 di tỉnh. Kuhria tal harei 22/10, dalam tỉnh Đồng Tháp hu peih labaih 838.000 tài khoản, sumu 100% tanut jao brei, daok veik labaih 429.000 mbang oh ka taduan tame, brei pagam, peih tai khoan. Ta-eng dalam tuk peih bruk “50 harei, melam” , dalam tỉnh Đồng Tháp peih hu labaih 580.000 tài khoản. Dalam nan, hu 9 huyen hu ngak salah saong yam tapa tanut hu jao brei, siam abih lac huyen Tam Nông hu salah saong tame peih định danh điện tử ka taong abih bhap bini hu ginup asar kadha di dalam huyen.

Piah ngak samu bruk peih ngak danak dak Kuac roh, ngak pasiam alam moi truong, padang ngak binek Xuyên Tâm (meng ribaong Nhiêu Lộc - Thị Nghè tal kraong Vàm Thuật) quận Bình Thạnh, quận Gò Vấp (ieu katut lac Danak dak binek Xuyên Tâm) di bilan 8/2024, gah chức năng TPHCM daok tagok jalan rami ramik brei daok tam ka rahra daok cang bruk tái định cư. Danak dak hu abih tih phun jien buh tame labaih 9.600 tỷ đồng meng phun jien sarak kanja Ban raya. Dalam tuk nan, phun jien padang ngak labaih 2.700 tỷ đồng, phun jien biyar peih mbaok taneh labaih 6.300 tỷ đồng saong dom phun jien karei. Danak dak pasiam veik abih tih gah binek praong saong 3 gah binek dhar, peih ngak dalam tukvak 2023 – 2028 piah pasiam veik alam moi truong saong pabak ka raidiuk di rahra. 

Harei kabroi, Jabat cảnh sát điều tra Công an huyện Châu Thành, tỉnh Tiền Giang ba tabiak langyah saong chap khik chip Huỳnh Trần Tấn Huy (umo 22 thun, daok di xã Tân Hương, huyện Châu Thành, tỉnh Tiền Giang), Đoàn Trần Thế Hào (umo 19 thun, daok di xã Phước Tân Hưng, huyện Châu Thành, tỉnh Long An), Phạm Duy Tân (umo 18 thun, daok xã Tân Hội Đông, huyện Châu Thành, tỉnh Tiền Giang ) piah pasang iek ka bruk “ ngak sraw kadau labik pataom rilo manuac”. Di jabat kong an , klau urang nan khan lac, mon 7 melam 21/9, Đoàn Trần Thế Hào angui cuk khan ao dreih ong bhik, tuah mbuk ja gam hong Phạm Duy Tân saong Huỳnh Trần Tấn Huy quay clip peih nduac radaih patuh. Hadei di nan, clip hu dom urang nan cakak pagam veik, pablak tame ragam daoh saong ba tagok mạng xa hoi tapa Facebook "Tấn Huy Website team" di Huy piah pachreih urang tame iek. Clip nan samar hu labaih 32.000 urang tame iek.

Harei kabroi, Rajaei Japon hu brei pok ong Yamada Shigeo, Thứ trưởng Ngoại giao Japon ngak urang lambaok negar Japon bahrau di Mỹ saong ong Kanasugi Kenji ngak urang lambaok negar Japon di Trung Quốc. Ong Yamada Shigeo, umo 61 thun, lac sa urang ngoại giao hu ilamo, dahlau daih hu tuk ngak Công sứ Japon di Trung Quốc saong Mỹ. hadei di nan, ong hu pok ngak akaok Cục sarak ngoại giao taong abih gah di Mintri Ngoại giao Japon, Thứ trưởng Ngoại giao Japon. Ong Kanasugi Kenji bhian lac Akaok Chi cuc châu Á-Thái Bình Dương, Mintri Ngoại giao Japon, lac urang lambaok negar Japon di Indonesia meng bilan 11/2020. Ong Muto Akira jeng hu pok ngak urang lambaok negar Japon di Nga.

Meng Mỹ tal Nga jeng daok duah sa sarak di Hội đồng Bảo an Liên hợp quốc piah langyah bruk kuranglabik pabak pandap mbang, ia menyum saong jru tavao tame dải Ga-da. Gah Mỹ iew brei padeih mesruh piah ba pandap daong hu tame dải Ga-da dalam tuk nan Nga khin brei padeih cuh kayua bruk ngak pahala. Bruk karei tra, dự thảo di Mỹ hu iek yau brei tam saong njauk hatai haong I-xra-en, meda hu dom taneh ia phuong Tay daong gah likuh. Dalam tuk dự thảo di Nga hu ba tabiak pamong tal bruk padeih cuh abih di dải Ga-da, sa bruk ba tabiak hu dom taneh ia A-rập njauk hatai. Bruk nan ba tal kameblah gauk catanhg di dom taneh ia Hội đồng Bảo an. Gah Nga brei thau, Nga oh njauk hatai haong bruk ngak nan di Mỹ.

Jabat khik ramik đô thị Bangkok, Thái Lan, harei kabroi hu panuac brei thau tanut thur mun klik PM 2.5 oh siam ka prein yava di rilo labik dalam ban ine saong dom tinh, ban jaik taphia. Tanut thur mun klik PM 2,5 di sa mét khối không khí dalam 24 maong tapa hu meng 38,2 tal 54,4 microgam ngan haong tanut glaong abih hu mboh di bhum Nong Khaem. Rajaei Thái Lan hu brei adat ka nồng độ thur mun dalam tanut salamat lac 37,5µg/m³. Di Thái Lan bruk cuh hala tabau hadei di tuk kaoh ngak patagok bruk tachrauk nerak alam langik tasik, ngak kan kandah tal labaih 44 triệu urang dalam labaih mateh thun. Thái Lan brei thau lac bruk thur mun klik biak klik meda daok rahtabiak trak damak jang saong tukvak tabung glaong meda laik tame bilan 2/2024./.