Tinh Dong Nai brei padang ngak veik 3 khu kong nghiep di taneh praong 2.244 ha, phun jien buh tame jaik 20.000 ti dong dalam nan hu Long Đức 3, Bàu Cạn - Tân Hiệp saong Xuân Quế - Sông Nhạn di harei 19/8 anak tal. Ini lac 3 khu kong nghiep hu padang praong  prang, hu mac jamraih birau, jaik Mblang kapal haok dunya Long Thành, caong khin pabak prein khang birau di Dong Nai pachreih hu rilo urang kaya meda, kong nghe glong. Hadei pagam tinh Binh Phuoc tame, “ thu phu” kong nghiep Dong Nai dang ka 2 dalam negar (hadei Ban raya HCM) hu 45 KCN hu padang tabiak.

Mblang kapal haok Ca Mau brei padeih ngak bruk dalam 12 bilan, kuhria meng bilan 11 thun 2025, piah ramik pasiam  saong peih praong, brei pabak bruk ba ahaok praong siam, jamraih birau tame pandar. Paok thầu ka 12 hu kuhria peih padang ngak di harei 19/8 anak tal saong ngak salah di bilan 10 thun 2026. Paok thầu hu bruk padang ngak saong pagam jamraih jalan ahaok par trun, jalan ahaok nduac meng baoh radaih, mblang ahaok par trun birau gam dom danak dak karei. Tui quy hoach, tal thun 2030, Mblang kapal ahaok Cà Mau sumu pakat 4C prein khang 1 trieu tuai sa thun. Kham merat tal thun 2050 duh ka lac 3 trieu tuai sa thun. 

Hadei rilo thun peih ngak, jalan praong gah Dong Tay, pambuak jalan Raya 1K tal jalan Raya Ha Noi saong nao tapa labik Mblang radaih Mien Dong birau di TPHCM ngak jaik salah blaoh, ba tame pandar. Tuk jalan nan ngak salah blaoh rik daong langyah bruk gal jalan di labik ini. Danak dak nan hu UBND tinh Binh Duong klak mbaoh harak peih ngak meng thun 2018, pambuak jalan 1K saong Jalan 1A (Jalan roya Ha Noi).

Tinh Vĩnh Long urak ini hu jaik 120.000 ha bein pala li-u, meblah jaik 50% taneh pala li-u dalam negar. Ini lac janih phun pala ralo di bhum palei ba tani tanat bruk ngak mbang ka jaik 270.000 baoh bhap bini. Anak kein lagaih ralo, gah ngak nong tinh Vinh Long daok peih ngak sumu gauk rilo jalan cakrok patagok khang janih pandap li-u. Dalam nan pataom tame rilo jalan piah paglong dom bruk ngak tabiak li-u, parilo janih sang ngak tabiak kaya karei; dalam nan brei caik hatai tal bruk padang angan di dom darak pasar negar langiu.

Sở Y te TPHCM payua harak tagok UBND TPHCM ka bruk duah thau bhap bini njauk hatai ka jitvu y te dalam 6 bilan akaok thun. Tui nan jaik abih dom nyaom jitvu hu bhap bini njauk hatai ralo jang dahlau, brei mboh bruk kham merat ngak brei salih siam dalam bruk ngak gah y te TPHCM. Tui langyah di So Y te, bruk jhul pakhang pandar kong nghe khaw tin yau tut angan iek ruak online, ki-ot thong minh tu dong tut angan iek ruak gilac, parabha brei dut iek ruak meng phan mem kuhria tukvak daok cang…rik tame paglong bruk lagaih iek ruak ka bhap bini.

Tong thong Philippines brei adat padeih blei brah negar tame dalam 60 harei, chap meng harei 1/9 anak tal, piah khik caga urang nong dalam bilan yuak padai. Urak ini, jien mek tame meng bruk blei brah di Philippines khik 15% , piah trun yaom brah blei tame saong daong ka urang blei. Yau nan min, Mentri Ngak nong taneh ia ini daok jhul pakhang jien je tagok veik takik di nyu 25% saong jaik tal 35% yau dahlau diah, piah khik kein laba ka urang ngak nong.

Takik abih di nyu lac 4 urang metai saong rilo urang karei daok gal tavak ala kayau patau glut jaleih, labaih 10 khach san saong rilo wuan mbang tayak tayaic hadei ia ribuk sua tapa palei Dharali, bang Uttarakhand, gah Barak Ấn Độ. Karja bang jeng caong khin rajaei dom bang peih brei 3 sruh ahaok mai daong di labik kan tame. Urang jakar  iew dom sang bac di rilo labik brei kareik pambang. 

Canh sat di gah meraong negar Quebec, Canada duah mboh sa sruh radah tai pajeng 44 urang negar langiu, dalam nan hu sa urang kumei saong sa uranaih. Sa si quan hu khan veik “ Dalam radaih biak ginik ginong uh ang, oh hu ia menyum saong kayua ginik katil, dom adei sit dang”. Jaik abih dom urang mai meng negar langiu lac rahra Haiti. Urang lac nao tapa glai, nao tabak luac 2 mon meng Mỹ piah hu mai dua labik hu radaih taduan raok, labik hu radaih tai pajeng nao veik. Ralo urang di cu hu ba tame pasak langyah urang ti nan piah ngak harak gal tame negar./.