Dalam tukvak meng thun 2021-2025, tỉnh Hậu Giang hu brei jien mesre laba lap ka 17.100 baoh sang kathaot, jaik kathaot, baoh sang birau tabiak truh kan kathaot, kuhria abih tinh phun jien labaih 585 tỉ đồng; daong padang ngak birau, ramik pasiam  jaik 1.600 baoh sang jum pataom; pato bruk ngak ka 2.780 urang sang kan kathaot saong baoh sang jaik kathaot. Langiu di nanm daong pandap panda, pajih phun pala, athur raong ka jaik 1.000 baoh sang tapa truh kathaot…

Abih di nyu nan lac tapa bruk pakacah hu rilo bruk ngak mbang kein laba, pambak praong dalam bhap bini yau ye: jak ba manuac urang rik jien tame padang ngak sang anit ranam alin ka baoh sang kathaot, jaik kathaot; “daong ba anit ranam gauk” ngan haong jalan “mek prein bhap bini kuhria ka bhap bini vrik tui jalan halan hatian saong sahaneng ngak bruk daong bhap bini”.  

 Tui Sở Lao động-Thương binh saong Xã hội tỉnh Bình Dương, tal harei 30/6, jaik 30 ribau urang ngak dalam tinh hu brei mbang tui bảo hiểm lahik bruk ngak, paok jien biyar daong lahik bruk ngak lac labaih 717 tỷ đồng, ngan haong tanut kuhria di bảo hiểm lahik bruk ngak lac jaik 4 triệu đồng sa bilan. Ini lac pok jien mek tame rik daong tani tanat raidiuk di dom urang ngak oh hu bruk ngak daok duah bruk ngak bahrau. Tukvak tapa, Sở Lao động thương binh xã hội tỉnh hu patagaok bruk pato tacei bruk ngak, duah bruk ngak piah daong ka urang ngak salih bruk ngak ka nyu lagaih, rik daong tani tanat raidiuk.

Tal tukvak ini, TPHCM hu jaik 5.000 anek saih pakacah gam tame min oh ka tame bac, UBND TPHCM brei ngak tui jalan palih ruah  pabak veik tal bac 10 di karja thun bac 2023-2024. Dahlau di nan, Yam ndoc Sở Pato megru TP.HCM brei thau, tui kuhria mboh dahlau brei palih ruah pabak tame  lac dom anek saih oh ka gam tame 3 sang bac palih ruak tui hatai tal bac 10 di karja dalam mbang palih ruah dahlau di nan. Bruk palih ruah pabak lac anek saih pakacah tame tal bac 10 di karja glong jang atau sumu tanut chuan sang bac palih ruah ka 3 caong khin payua harak tame palih ruah. Dom anek saih hu angan gam tame tal bac 10 di karja dahlau di nan oh brei palih ruah pabak tame.

UBND huyện Hồng Ngự, tỉnh Đồng Tháp birau peih bruk taduan drap ar ilamu vật thể pakat negar Bruk ngak meng tangin di muk kei nan lac “ Bruk menyim khan me-om”daok eiw lac bruk menyim khan rằn di xã Long Khánh A, huyện Hồng Ngự. Urak ini “Bruk menyim khan khan rằn” hu jaik 60 baoh sang, ba bruk ngak ka 300 urang di bhum palei. Dom baoh sang bruk nan daok khik, patoa veik, patagok ilamu meng kan  saong patagok kinh tế, xa hoi di bhum palei. Đồng Tháp hu labaih 100 drap ar  ilamu oh mboh di meta pataom hu dom janih yau ye: Nghe thuat ilamu parang iek di bhap bini; tanrakun xa hoi; Ilamu bac mengru bhap bini; Rija roya meng kan saong bruk ngak meng tangin.

Labaih 4.000 ha padai hè thu di tỉnh Sóc Trăng jaoh, jaleih, dauk ia kayua hajan ribuk. Khat lahik trak abih lac ban sit Ngã Năm ngan haong jaik 2.200ha padai jaik yuak. Gah chức năng daok yaok pataom dom khat lahik, pandar dom bilai bjuk ia meng dien, jak ba rahra ba gauk tathuak ia. Langiu di nan, pambuak haong gah chức năng tỉnh Bạc Liêu daong peih dom cống Giá Rai, Hộ Phòng saong dom cống daok di jalan roya 1A piah patrun prein ia nduac khang dalam mblang hamu saong patrun patakik khat lahik tuk yauk padai ka  urang nong. 

Gah pandap panda kaya nong (FAO) di Liên hợp quốc brei thau lac hu labaih 20 triệu người, samu jaik sa mateh rahra Sudan, daok kurang pandap mbang biak trak damak. FAO brei thau lac, bruk mesuh gauk tamuh tabiak di bilan 4 meng blaoh di bol lin Sudan saong Kapul daong samar drah gah cagar veik, ngak ka dom urang kurang pandap mbang tagok jang rilo mbang dut saong thun 2022. Bruk masuh gauk ngak ka labaih 3.900 urang metai, jaik 4 trieu urang nduac klaak sang nao plaih njaih di bala. Njauk duh hatai lac, bruk mesuh gauk khang rahtabiak yaok harei di rilo labik,  daok pacang bruk daong ngak  pahla di dunya.

Kuhria abih tih urang hu ba tame sang iek ruak kayua njom COVID-19 di Mỹ tagok labiah 12% dalam adit tapa saong ini lac glong abih kuhria meng bilan la-ar  thun dahlau. Gah Y tế dunya brei thau dom taneh ia brei thau veik  ka bruk parilo urang birau njom ruak COVID-19 song njauk caik hatai nan lac dom urang ba tame sang iek ruak saong metai. Gah ini jeng kakei lac COVID-19 daok lac bruk huac kandah ralo saong iew dom rajaei patui ngak veik dom jalan pacang caga.

Mintri Y tế Ấn Độ hu peih dom bruk pasang iek praong dalam gah jru tavao saong mboh hu rilo labaih, kurang di dom gah ngak tabiak jru tavao, dalam nan hu gam bruk oh pasang iek pandap panda tamo. Ấn Độ hu paglaong bruk pasang iek dom gah ngak tabiak jru tavao dalam dom bilan jaik di ini, hadei di tuk dom janih jru siro patuk ngak tabiak di negar ini hu pambuak tal bruk ba tal metai di takik abih lac 95 uranaih di châu Phi. Mintri Y tế Ấn Độ jeng brei paglaong jang dom adat ka bruk ngak tabiak jru tavao saong jru ngak gheih. Dom gah ngak tabiak jru tavao praong hu 6 bilan saong dom gah ngak sit lac 12 bilan piah ngak njauk tui dom adat pasiam bahrau./.