Di tuk pahadar 75 thun Harei  Chủ tịch Hồ Chí Minh tabiak panuac eiw Pakacah gauk anit ranam taneh ia (11/6/1948-11/6/2023), harei ini 8/6 tỉnh Hậu Giang peih Nyaom biai pok meyaom 133 urang naih gheih dalam bruk pakacah gauk anit ranam taneh ia. Tukvak tapa, dom bruk  pakacah gauk anit ranam taneh ia dalam tỉnh patagok hu praong, dalam, jhul patagok, pachreih ba taong abih bhap bini  patagok siam mekre, hadah krah, khin sahaneng, khin ngak, pasiam dom bruk kan kandah; jhul patagok kinh te – xa hoi, khik sron mbon salamat, ba Hậu Giang  dak harei dak cak rok patagok saong khang kajap. Tapa bruk pakacah, mboh hu rilo urang naih gheih, ngan hoang rilo kadha roh duah birau, jalan ngak siam lagaih ngak kaya meda ka palei negar.

Ban raya Hồ Chí Minh meda peih bruk padang ngak jalan Vành đai 3 di harei 18/6, aval jang 2 adit dut saong jalan ba tabiak yau tui kuhria dahlau. Mban khik ramik danak dak buh jien tame padang ngak dom danak dak jalan mbak saong dom puk palei kham marat piah samu jalan ba tabiak padang ngak saong hu rilo mbaok taneh jang piah pabak ka danak dak. Tal urak ini, dalam Ban raya hu biyar jien bồi thường hu 3.500 tỉ đồng. labik jalan Vành đai 3 nao tapa dom tỉnh Bình Dương, Đồng Nai saong Long An jeng daok hu dom tinh, ban ramik caga piah peih bruk padang ngak samu gauk dalam bilan 6 ini.

Cục an ninh mạng saong pacang caga tội phạm pandar công nghệ glong – Mentri Công an brei thau, tukvak tapa Mentri Công an duah mboh yaok rituh kapol nyaom pambak tal bruk pablei dữ liệu di urang. Dom dữ liệu di urang njuak tavak mek, pablei suan hukum praong abih kuhria meng tuk duah mboh tagok tal 1.300GB ngan haong yaok tỉ dữ liệu di urang, dalam nan hu rilo dữ liệu di urang jakar . Yau nan ye bruk ba tabiak Nghị định 13 ka bruk khik caga dữ liệu di urang brei mboh bruk akaok meti kham merat  padang ngak hukum piah pacang caga dữ liệu di urang pak Viet Nam hu siam lagaih.

Sóc Trăng daok padang ngak danak dak cak rok patagok phun mbang baoh angan je di tỉnh, tukvak 2022-2025. Tui nan, Sóc Trăng meda ngak pasiam veik 370ha saong peih bahrau 280ha taneh pala dom janih phun mbang baoh angan je. Ba bruk ngak saong jien mek tame tani tanat ka rahra, rik tame patruh eik patrun kathaot saong patakik veik bruk rahra nao duah bruk ngak di dom labik karei. Danak dak pamaong tal bruk pandar dom ilamo kỹ thuật tame bruk ngak, trun phun jien ngak meng 5-10% saong kein lagaih kinh tế ka dom bruk ngak tagok meng 20-30% dut saong bruk pala drak di gah langiu bhum danak dak.

Tui Pasaka pasang iek ruak kik tỉnh Tiền Giang, meng akaok thun tal ini, dalam tỉnh hu labaih 1.300 mbang urang ruak pandiak tabiak darah, tagok jaik 58% dut saong tukvak ini thun dahlau, oh hu urang metai. Njauk caik hatai lac adit dahlau, Tiền Giang hu 33 urang ruak sxh, tagok jaik 27% dut saong adit dahlau. Yaom lac tame bilan hajan min, ruak pandiak tabiak darah saong tangin, takai cambuai mboh tagok. Gah y te Tiền Giang kakei bhap bini brei ngak tui dom jalan caga dahlau, abih di nyu nan lac samar thau piah ba urang ruak tal labik y te dut iek ruak, taong ruak sumu.  

Mbang nyaom Ủy ban khik ramik an ninh pandap mbang ASEAN (AFSRB) daok peih tabiak di Tây Java (Indonesia). Urang dang akaok Jabat pandap mbang negar Indonesia brei thau, Indonesia saong dom taneh ia ASEAN karei brei khik hu bruk tani tanat di pandap mbang hu blaoh, prein pambuak saong pandar pandap mbang dalam bhum. Ngan haong kadha ASEAN 2023: "dom bruk di ASEAN: pasak di patagok", Indonesia daok kham marat pamaong tal ba ASEAN hu pabak prein tame dak padang saong khik ramik saron mbon, kaya mada di dalam bhum saong di dunya, jang yau khik ramik ASEAN lac pasak patagok kinh tế. Piah ngak hu bruk nan ASEAN njauk patagok jang bruk ba drei tame kinh tế dunya, patagok bruk pambuak gauk, patagok kiến trúc y tế, pandap mbang, năng lượng saong tani tanat jien padai.

 Bineh ia thủy điện  Kakhovka di kraong Dnipro pak Kherson gah meraong negar Ukraine talah harei 6/6, Nga saong Ukraine tuh ka gauk ngak bruk nan. Urang ba panuac di Mentri Ngoại giao Nga lac njauk brei peih bruk pasang iek pakat dunya ka bala talah binek  nan Tổng thống Ukraine ndem lac brei ba bruk nan tagok  Tòa án Hình sự Quốc tế (ICC). Binek thủy điện Kakhovka, glong 30 mét, atah 3,2 km, hu padang ngak di thun 1956. Bruk talah binek ia ngak brei rilo labik daok di bhap bini gah ala ia dalam ia sua saong ngak trak jang bruk kurang halau ia pabak điện di Ukraine. Urak ini, bruk njauk ngak chip hu khan di taong abih tỉnh Kherson.

Tui Yonhap, cảnh sát Hàn Quốc brei thau lac dah page ini (8/6), sa thang cuốn nyu khut, nyu nao kadun veik di sa sang ga tàu điện ngầm di quận Bundang di ban Seongnam, gah maraong ban ine Seoul, ngak ka 14 urang njauk rambuac. Cảnh sát daok duah thau cambaih kayua halei ba tal bruk nan, saong ndom lac oh hu bruk hu menuac urang pandar hệ thống meng tangin di thang cuốn piah ngak ka nyu kadun veik./.