UB Bhap bini tinh Lam Dong peih danak dak “Rahra bac pandar taka so” tal dom pakat, dom gah, rahra saong pambuak tapak tal 124 xa, phuong, dac khu dalam tinh. Danak dak piah “brei ka thei jeng thau ilamo kong nghe”, “brei ka thei jeng hu ilamo lek taka so”, “brei ka thei jeng thau ka khau tin” ba ilamo lek taka so mai tal grauk tal rahra, meng urang jakar, kong chuc, karja pakat co so tal dom baoh sang urang ngak nong, urang taong ikan, urang pablei salih sit, urang ngak bruk, urang peih mbang ngui…Akaok UB Bhap bini tinh Lam Dong pandar peih dom tal pato megru ilamo lek taka so njauk lagaih haong yaok urang, oh rabha thun umo, urang dalam rahra…

Danak dien hat nhan Ninh Thuan, di tinh Khanh Hoa lac bruk ngak hu makna praong di negar, rik tame khik siam an ninh nang huong saong cakrok patagok khang kajap. Dalam nan, bruk njauk hatai di bhap bini gam bruk kuhria ngak dahlau di tinh Khanh Hoa ba tal bruk jak jeng di danak dak. Urak ini, Khanh Hoa padang ngak brei cambaic laic, dalam nan bruk bayar jien taneh, padang labik daok birau saong tani tanat raidiuk bhap bini hu brei kuhria ngak dahlau piah bhap bini sahanang hatai, ba drei tame ngak tui.

Bruk ngak di Danak dak pakat negar patagok kinh te - xa hoi bhum urang bangsa takik saong bhum ceik, tinh Ca Mau daok gaok kan kandah. Nan lac bayar phun jien daok gaok kan kandah, dom danak dak hu phun jien praong gap mbiah min oh daok urang mbang tui jien nan, dalam tuk danak dak njauk ngak karei daok kurang phun jien oh hu pasiam. Tinh Ca Mau hu 29 bangsa daok diuk rai, dalam nan hu bangsa Khmer saong Lo hu rilo abih.

Kayua  langik jhak yau nan ye Tinh uy An Giang brei salih harei peih ngak nyaom roya Dang bo dac khu Tho Chau di biar harei 22 bilan 8 harei tame nyaom roya saong harei 23 bilan 8 tame biai kadha bruk praong. Tho Chau padang hu 15 bruk “Gheih jak ba bhap bini di dom gah; Salih birau, parilo jalan patam bhap bini. Bruk cakrok patagok kuhria yaok thun hu 11%; jien mek tame kuhria tui yaok urang tal thun 2024 hu labaih 36 trieu dong sa urang sa thun. Dang uy kham ngak tui dom jalan tacei ba, sarak di Dang  saong salih bruk ngak kinh te njauk jalan, piah paglong raidiuk mbang ngui bhap bini hu siam jang.

Urak ini, bruk khik ramik di Don ca tai tu Meraong Negar jeng hu tapa dom tal bac pato pakai, bac pasram ka Don ca tai tu. Min, oh ka hu cih tabiak jalan nao suai atah jeng yau daok kurang ka jien padai. Tien si Đỗ Quốc Dũng, Phaok Akaok bilik Khoa hoc kong nghe, sang bac Dai hoc Kinh te Kong nghiep Long An, ndom lac brei salih bahrau bruk pato. Asal kadha ye hu gru pato, daok me-in ragu ye hu urang nghe nhan naih joi pato. Yau nan, urang bac blaoh brei hu ginup ilamo asal kadha saong me-in ragu.

Tong thong Prang Emmanuel Macron pok sap tagok iew da-a dom taneh ia tame ginum biai di Geneva, Thuỵ Sĩ ka sa Hiep uoc dunya piah pacang caga njom nerak katak nhựa. Tong thong Prang kakei dahlau dunya daok dang anak bruk kan kandah ka alam moi truong saong prein yawa, tui nan pajadrah dom taneh ia tapa sarak Hiep uoc dunya pacang caga njom nerak katak, lagaih haong bruk njauk ngak samar ka alam moi truong jeng yau prein yawa bhap bini.

Sa urang menyum ia taiy danei angan di Japon, ong Sen Genshitsu, urang hu rilo bruk rik daong praong prang ka bruk patagok di ilamo menyum ia taiy dalam saong langiu negar, urak ini plang lahik, umo 102 thun. Ong Sen ndih tapui di Kyoto, lac sa anek likei kacua di urang dang akaok rai ka 14 di gah menyum ia taiy Urasenke – sa dalam dom gah menyum ia taiy praong abih di Japon. Ong jeng hu thau tal haong bruk kham merat yaih khan ilamo menyum ia taiy tabiak langiu negar, hu mbaok tame pato dom sang bac dai hoc pakat dunya

Kuhria tal harei 13 bilan 8 tui tukvak negar Trung Quoc, quan Thanh Tú, ban Nam Ninh, tỉnh Quảng Tây hu 8 urang ruak Chikungunya. Kuhria meng tuk hu urang ruak camereip di ban Phat Son harei 8 bilan 7, Trung Quoc hu 7.000 mbang urang ruak Chikungunya, ralo pataom tame di tỉnh Quảng Đông. Anak bruk nan, karja pak ini hu peih ngak rilo jalan catang pacang caga virus njom mbak, dalam nan hu bruk pandar ahaok peih eng piah duah saong ngak hacih dom labik ia dang kandong, pruh jru pametai jamoh di ralo labik…