Anek saih bangsa Khmer hu bac daa pak di sang bac 

Di Nyaom biai taong yaom Quy hoạch abih gah dalam taneh ia tukvak 2021 - 2030, pamaong tal thun 2050 hu peih tabiak bahrau ini, dom chuyên gia brei thau lac jeng daok khik 6 bhum kinh tế - xã hội yau urak ini, min dom bhum hu mblang taneh praong yau ye Trung du saong bhum ceik gah Barak meda kaoh tabiak jeng 2 bhum sit lac Đông Bắc saong Tây Bắc. Urak ini, taneh ia drei daok parabha jeng 6 bhum kinh tế - xã hội, lac: Bhum trung du saong bhum ceik gah Barak, Bhum taneran kraong Hồng, Bhum Bắc Trung Bộ saong bhum tapen tasik gah kreih negar, Bhum Tây Nguyên, Bhum Đông Nam Bộ saong Bhum taneran kraong Cửu Long.

Tỉnh Sóc Trăng daok kuhria buh tabiak jaik 800 tỷ đồng piah  jhul patagok kinh te - xa hoi bhum urang bangsa Khmer vaktu 2021-2025. Meng paok jien ini brei pataom tame daong langyah bruk kurang taneh daok, sang daok, taneh pala drak, ia pandar ka jaik 4.500 baoh sang; padang ngak hạ tầng, duh ka burk ngak mbang pala drak, raidiuk bhap bini bangsa takik. Langiu di nan, phun jien daok hu buh tame piah patagok bruk pato megru, daong roh duah piah pasiam veik, khik ramik patagok ilamu meng kan di bangsa Khmer…

Gah Cảnh sát trật tự pambuak haong Mban salamat jalan mbak ban Cần Thơ bahrau tabiak bruk pasang iek, khik tani tanat salamat jalan mbak di dom labik pandiak mbuan hu bala jalan mbak di mangaok dom gah jalan praong di ban Cần Thơ. Taeng dalam harei 15/9, kapul pasang iek hu langyah 31 bruk ngak suan, taong phạt abih tih labaih 56 triệu đồng. Dalam nan, dom bruk ngak suan rilo meng lac nao tame jalan pakauk, padeih radaih di labik pakauk oh brei padeih.

Meng akok thun mbiah tal ini, di tỉnh Tiền Giang rah tabiak labaih 50 labik glut jaleih, atah laih 4.600 m. Tui kuhria phun jien piah langyah bruk glut jaleih lac jaik 87 tỷ đồng. Daok dom labik glut jaleih sit, karja tỉnh brei lang talaih tui jalan “ 4 di labik”, dom labik glut jaleih  praong ye tỉnh likau karja pakat negar daong brei ngak. Kayua rilo labik glut jaleih suai brei pasiam ba tal bruk nao mai  jeng yau pajeng ba pandap di bhap bini gaok kan kandah.

Tui Sở Y tế TP HCM,  dalam 4 adit jaik di ini, biến chủng BA.5 hu biak rilo dalam dom urang njom ruak COVID-19 di ban ini. Urak ini, taong abih dom sang iek ruak jeng hu kapul taong ruak COVID-19. Gah y tế jeng tui iek catang bruk ini, tuk mboh lac njauk peih ye brei peih veik Sang iek ruak Dã chiến 13 tui dom jalan hu padang ngak blaoh.

Hội đồng châu Âu brei dui atah 6 bilan tra ngan haong dom jalan taong phạt dom urang saong kapol nyaom di Nga. Dom jalan taong phạt urak ini lac gam bruk takik brei urang nao mai, kareih drap ar saong oh brei padang kadung jien atau dom gah jien padai karei ka dom urang saong kapol nyaom hu ba angan tabiak. Yau nan, labaih 1.200 urang saong 108 kol kapul nyaom di Nga meda gaok kan kandah kayua dom jalan pacang nan. Mbiah tal ini, Hội đồng châu Âu brei tapa 7 bruk taong phạt tame Nga. 

Gilang paraik Dunya brei thau ka bruk mbuan si hu suy thoái dunya dalam tuk dom gilang paraik trung ương ba gauk tagok yaom jien jhung piah pacang caga haong bruk lạm phát dui atah. Dalam nan, 3 nền kinh tế praong abih di dunya lac Mỹ, Trung Quốc saong bhum pandar sa janih jien Euro daok suai veik biak rilo saong tok hu sa bruk hagait sit dalam thun anak tal meda ngak ka kinh tế dunya laik tame suy thoái. Pathau khan jeng brei thau lac kinh tế dunya daok dalam tuk laik trun biak khang hadei di tuk hu siam veik hadei meng suy thoái kuhria meng  thun 1970.

Urang jakar di Prang  pacang hu apui khuah glai khang meng harei 12/9 mbang ralai abih labaih 3.700 ha glai di tỉnh Medoc, lac bhum pala nho di Tây Nam negar Prang. Hu jaik 1.000 urang padam khuah kham merat padam apui luac melam. Dahlau di nan, apui khuah glai mbang ralai 4 boah sang saong sa baoh sang glong rilo tal, ngak brei karja njauk panduan ba labaih 1.800 bhap bini. Jeng dreih yau binah daok veik di châu Âu, Prang daok dalam bilan Hè pandiak pa-uh saong thu lagu ba tal rilo mbang apui khuah glai di abih châu lục./.

Urang lang: Thu Thảo -Ái Nghiêm -16/9