Mban tacei jalan 35 tỉnh Hậu Giang birau peih bruk pakacah cih vak ka bruk khik caga jalan sahaneng di Đảng mbang ka sa thun 2023. Pakacah mbang ini piah patui veik bruk brei mboh makna praong dalam di bruk khik caga jalan sahaneng di Đảng, pacang caga dom bruk ndem meyai suan, pamaoh mebai thù địch. Paglong jalan sahaneng, bruk ngak di pakat ủy, gah đảng, urang jakar, urang đảng saong bhap bini ngan hong bruk khik caga  jalan sahaneng di Đảng, pacang caga dom jalan sahaneng suan chung, pamaoh mebai thù địch. Langiu di nan, paglong asar kadha vak chính luận angaok mbao, tap chi, rayo papar sap, papar binguk saong MXH di urang jakar, urang đảng saong bhap bini dalam tỉnh.

Tỉnh Sóc Trăng hu ba tabiak ngak rilo jalan samu gauk piah khik ramik saong patagok dom yaom glaong ilamo bangsa di pak ini. Tinh hu cak hatai buh jien tame padang ngak dom asal kadha ilamo, dom danak dak cơ sở hạ tầng pabak ka bruk peih ngak dom harei pataom, yau ye khán đài, ar takai jalan pakacah ghe Ngo; labik du lich ilamo meng kan pulao Mỹ Phước (huyện Kế Sách); labik peih Harei Cúng Phước Biển (ban sit Vĩnh Châu)… saong rilo danak dak ilamo karei. Gam haong nan, kham marat ba tabiak dom jalan ngak piah khik ramik, patagok dom yaom glaong inem krung ilamo oh maong mboh pakat negar.

Labaih 160 mã số bhum pala saong 67 mã số tame kadung papaok baoh durien di Viet Nam birau hu Tong cuc Hai quan Trung Quoc birau mbaoh tangin veik. Mbiah tal ini, Viet Nam hu labaih 12.000 ha saong 97 mã số  labik tame kadung papaok baoh durien  pabak ginup bruk pablei tabiak negar langiu tui harak pambuak bruk di nghi dinh thu gah Trung Quoc. Dalam mbang ini, dom tỉnh  Gia Lai, Lâm Đồng saong Tiền Giang hu mbaoh tangin rilo mã bhum pala rilo abih. Tui Mentri Kong thuong, bruk pablei njam patam baoh karaoh tabiak negar langiu dalam thun 2023 biak lagaih. Yau nan min, durien di Viet Nam anak tal meda hu Philippines meriak biak khang di darak pasar Trung Quoc.

Pambuak tal bruk peih bruk to yaom 3.790 baoh sang glaong tal di 5 lô taneh dalam Bhum đô thị bahrau Thủ Thiêm, ban Thủ Đức, UBND TPHCM jao ka Sở Tài nguyên – môi trường samar drah, caga dahlau parabha saong pambuak haong dom urang hu pambuak tal peih ngak. Dahlau di nan, yaok rabau baoh sang ini hu 2 mbang hu ba tabiak to yaom di thun 2017 saong 2018 min oh jeng kayua oh hu kapul halei hu mbaok tame. Bruk dom mbang to yaom dahlau oh jeng kayua ban caong pablei abih dom lô taneh nan ye dom urang hu mbaok tame lac takik.

UBND xã Lợi An, huyện Trần Văn Thời, tỉnh Cà Mau brei thau di xa rah tabiak bruk, sa kamuan njauk amaik mum taong, labaih 20 labik barah njuk angaok rup. Dahlau di nan harei 22/2, dom nai gru, cei gru Sang bac Tiểu học 2 Lợi An mboh adei L.M.T. (anek saih tal bac 1A) yau karei bhian harei meng iek mboh angaok rup adei T hu rilo labik barah njuk,dreih yau urang taong paoh. Sang bac khan brei gah kong an  thau. Tapa nan hu mboh, adei T njauk amaik mhum lac muk H.M.N. taong di tangin, ka-ing, takai saong taok. Kong an xã Lợi An ngak harak bruk nan saong ba kamuan nao dut iek laka.

Urang ranaih umo ngak suan adat hukum di Trung Quốc daok tagok rilo dalam 5 thun jaik di ini, tagok tal 179 ribau urang saong tui kuhria mboh lac umo thun dak harei dak ranaih. Dalam tukvak meng di thun 2018 – 2022, dom jabat pasang iek di dalam negar Trung Quốc hu pataom iek, langyah tui hukum 327.000 vụ án uranaih ngak suan, tui kuhria yaok thun tagok 7,7%. Dalam nan, di dalam thun 2022 dom uranaih ka oh bak umo 16 thun lac 8.700 urang. Uranaih tui kuhria daok sit saong patagok lac kayua bruk cak rok patagok biak samar di gah kinh tế.

Dalam thun tapa, rajaei Prang chap mek labaih 158 tấn matuy. Gam hong nan, taneh ia ini jeng chap mek jaik 28 tấn cocaine, dalam nan hu meteh cocain mai meng bhum Tây Ấn saong tỉnh hải ngoại Guiana di Pháp nan lac dom labik khik saong pajeng ba cocaine hu ngak tabiak di bhum Meraong Mỹ gam 1,4 tấn haroin. Thun 2022, taneh ia ini peih labaih 15.000 mbang chien dich chap mek dom kapol nyaom kol 37.510 urang pablei salih matuy.

Yaok ratuh anek saih kumei di rilo ban di Iran njauk jru mek oh thau hu dalam 3 bilan tapa, ba tal dom bruk haduh hatai di grauk taneh ia saong rajaei njauk hu mbaok tame piah pasang iek. Dom anek saih brei thau lac mbian mbau hagait yau cam ủng atau jru mbau pahe dahlau di tuk mboh pandik akaok saong takhaoh ta-aok. Langiu di bruk pandik akaok, takhaoh ta-aok, dom anek saih kumei daok laik tame bruk trak damak lac oh magei hu tangin takai. Urang dang akaok Ủy ban Pato magru Iran brei thau lac hu duah mboh janih nitơ dalam dom janih njauk jru mek di dom sang bac./.