Dalam tỉnh Sóc Trăng hu labaih 7.000 baoh sang pacang gak hu ramik pasiam, pandang ngak birau ka baoh sang urang kathaot, urang dalam sarak karja saong bangsa takik. Gilang sarak pakat negar, tỉnh hu daong meneing daok veik Mban tacei ba jalan  brei palahik sang pacang gak, sang taik tahak tỉnh jak ba urang ngak pahala rik jien daong. Bi thu Tỉnh ủy Sóc Trăng Lâm Văn Mẫn mboh lac, danak dak ngak brei oh daok baoh sang taik tahak lac bruk praong gah chinh tri. Yau nan ye, caong dom pakat uy, karja dom palei peih ngak siam danak dak, khik brei salah ytui bruk ba tabiak thun 2025. 

Kapol Urang kumei tỉnh Ben Tre peih bruk meyaom 70 urang kumei agama yau ginu kareih camin naih joi dalam bruk pabak ilamo baoh sang siam gheih saong bruk dak padang baoh sang “ 5 oh, 3 hacih”, “ 5 hu, 3 hacih”. Dalam tukvak tapa, dom kumei agama di Ben Tre tuk halei jeng kham merat, pasram patia pamong tal bruk gheih saong ba mai dom ilamo siam pambak praong yaok baoh sang, yaok kapol saong manuac sia, kham ba drei tame dom danak dak Padang ngak palei pala birau, patruh iek patrun kathaot, patagok raidiuk…

Uan raok Adat ngak yang Ooc Om Bóc di bol bhap bangsa Khmer gah Meraong negar, Jabat Rayo sap ndem Viet Nam di bhum taneran kraong Cuu Long hu alin brei 50 paok pandap  saong 1.000 blah breih siphau ka dom adei  anek saih Khmer di xa Lương Nghĩa, huyen Long Mỹ, lac sa xã bhum atah bayah di tinh Hậu Giang hu rilo bol bhap bangsa Khmer diukrai. Ong Lê Văn Tạo, Bí thư Đảng ủy xã Lương Nghĩa khan lac, urak ini xã daok  labaih 370 baoh sang kathaot, yau nan ye caong khin VOV di bhum ĐBSCL patui ngak veik rilo bruk daong ka  xa dalam tukvak anak tal.

Di xa Đông Hòa Hiệp, huyen Cái Bè, tinh Tien Giang daok rah tabiak dom bruk ngak di danak dak harei Ilamo - Yulit Palei klak meng kal Đông Hòa Hiệp huyen Cái Bè. Palei klak meng kal Đông Hòa Hiệp urak ini hu 7 baoh sang klak hu padang meg 150 tal 220 thun dahlau saong 29 baoh sang hu padang meng 100 thun dahlau. Ini lac sa dalam 3 palei klak meng kal di Viet Nam hu Kapul Pambuak Dunya Japon (JICA) ruah ngak labik kreih camin piah patagok bruk ngak yulit palei pala bhum taneran kraong Cuu Long.

Hadei tukvak raong, pabui pajaih brei ka urang sang kathaot, jaik kathaot  metai. Anak bruk nan, urang  jakar ban sit Ia Ly, huyen Chư Pah, tỉnh Gia Lai brei buh jien drei daong meteh phun jien mikva hu pabui metai blei veik pabui paih mai raong. Anek bruk nan, ban sit brei oh mek jien ka 18 baoh sang kathaot 100 drei pabui pajaih, yaok drei trak 15kilo, yaom 150.000 đồng sa kilo. Labaih 7 harei hadei taduan hu, pabui metai. Mbiah tal ini, hu labiah 52 drei pabui metai. Bruk pabui metai nan kayua  birau birang raong pabui rilo yau nan  ye mikva oh ka hu ilamo iek glang; pandap brei ka pabui mbang oh hu tani tanat; langik ribuk ngak la-ar pabui; ba tal metai.

 Mentri Jien padai Indonesia kakei dahlau, sarak jien je blei tame glaong di Mỹ kayua Tong thong Donald Trump brei ngak samar hu pambuak tal labik Đông Nam Á. Dom negar dalam ASEAN brei hu dom bruk srap gap dahlau anak dom bruk pambuak dalam sarak di Mỹ. Dalam bruk maraik gauk, ong Donald Trump pagun sanya brei pandar jien je meng 10%-20% ngan haong pandap panda blei tame meng grauk negar langiu.

Rajaei Singapore khan lac, labaih 2,9 trieu urang Singapore umo memng 21 thun tagok taduan jien daong meng 200 Đô-la Singapore tal 600 Đô-la Singapore jien daong bao hiem di thun 2025. Paok jien nan hu Rajaei Singapore peih ngak piah daong bhap bini trun naong trak abih rilo jien cai pandar dalam raidiuk, jien iek glang prein yawa, patak pataom jien piah umo padeih hưu, jeng yau daong ka dom baoh sang jien mek tame takik saong mbiah.

 Gilang pariak Dunya (WB) bahrau khan brei thau cambaic laic ka bruk ia tasik glaong tagok veik 0,5 mét meda ngak ka 3 taneh ia kaoh pulao di Thái Bình Dương khat lahik jaik 10 tỷ đô la. Tui khan brei thau di Gilang pariak Dunya, 1/3 rahra Kiribati saong Tuvalu mbuan laik tame dalam bruk eik lipa kayua dom kanjak jhak di bruk bien doi khi hau yau ia sua tapen tasik, dalam tuk bruk sangka prein yava di dom taneh ia kaoh pulao ini jeng daok gaok trak damak saong kurang. Kayua nan, WB brei nyim jien dak samar dak siam./.