Harei 5/4, Tỉnh ủy Sóc Trăng peih Nyaom biai pato tacei, bac megru, pathau khan asar kadha  di baoh tapuk “khang hatai, kham merat pacang, caga tham nhũng, tiêu cực, rik daong dak padang Đảng saong Karja drei dak harei dak hacih sa-at, khang kajap” di Tổng Bí thư Nguyễn Phú Trọng. Di nyaom biai, muk Hồ Thị Cẩm Đào, Phó Bí thư Thường trực Tỉnh uỷ Sóc Trăng  brei thau, tui jalan duah thau, bac megru asar kadha di  baoh tapuk  di Tổng Bí thư Nguyễn Phú Trọng ka bruk pacang caga tham nhũng, tiêu cực, dom urang jakar dang akok dom jabat, đơn vị, bhum palei dalam tỉnh  brei tacei pato, pathau khan  tal kapol urang jakar, urang đảng, cong chuc, vien chuc di jabat, đơn vị bhum palei kayua drei khik iek. Meng nan, peih ngak sumu gauk, taong abih gah, hasa jalan sahaneng yau gauk ba tal bruk ngak ka pacang caga tham nhũng, tieu cuc di Đảng, piah hu “Angaok ala njauk gauk, dua gah drei hasa”.

Kapul ngak bruk Mban Bangsa tỉnh Bình Phước haong lambaok dom sở, dom mban, dom gah, urang par akaok puk palei bahrau nao rivang, alin pandap ka rahra bangsa Chăm daok di dua huyện Đồng Phú saong Phú Riềng daok eik bilan Ramadan. Di dom labik nao rivang, Kapul hu sua tangi tal raidiuk, bruk ngak mbang pala drak di mikva bangsa Cam. Lambaok kapul hu tadhau ayuh dom urang ngak dalam Mban hakem,  mikva bangsa Cam eik bilan Ramadan dalam bui sambai, haniem phul.

 Di tuk Tet  Chôl Chnăm Thmây thun 2023 di urang Khmer, urang ngak praong di tỉnh An Giang hu mai rivang, alin pandap saong tadhau ayuh  Tet dom Thượng toạ, Đại đức, Ban quản trị saong phật tử dom baha di ban sit Cô Tô, huyện Tri Tôn. Lambaok bhap bini Khmer dalam tỉnh, dom Thượng toạ, Đại đức payua panuac thau dhar phol  dom bruk sangka di Tỉnh ủy, Hội đồng bhap bini, Ủy ban bhap bini, Ủy ban Mặt trận Negar Việt Nam tỉnh An Giang, tui nan brei mboh bhap bini Khmer  tuk halei  jia tame bruk tacei ba di Đảng saong Karja, patui peih ngak siam dom sarak, hukum, daong dak padang palei negar dak harei dak patagok, salih birau, siam mekre.

 Khau tin di tỉnh Bình Dương hu 8.000 doanh nghiệp padeih ngak daok ngak suh sah hatai manuac sia. Min, dom gah chức năng di tỉnh brei thau, ini lac khau tin oh njauk. Tui Sở Kế hoạch-Đầu tư tỉnh Bình Dương dalam quý I/2023, doanh nghiệp dalam taneh ia hu tut angan bahrau di Bình Dương lac 1.458, ngan haong 8.700 tỷ đồng, rami ramik patagok phun jien ka 361 doanh nghiệp ngan haong 8.700 tỷ đồng. Yau nan, dom doanh nghiệp dalam taneh ia tut angan tame bahrau saong doanh nghiep tagok phun jien lac labaih 17.000 tỷ đồng.

 Di huyen Năm Căn,  tỉnh Cà Mau daok hu bruk arieng tasik raong metai ralo, hu labik metai khat lahik tal 70%. Tui duah thau tuk camereip di gah chuyen mon, hadei di tuk njom rauk, arieng tame dro rilo jang dahlau. Gah ngak nong daok pambuak haong dom gah chuc nang pasang iek, mek mau piah duah thau bruk nan. Arieng  tasik nan lac sa dalam dom pandap mbang bingi danei angan di tỉnh Cà Mau, dalam nan, arieng tasik di huyện Năm Căn bingi abih. Bruk raong arieng dalam danao metai ngak arieng takik  ba tal tagok yaom.

Nyaom biai mbang ka 3 Sarak ndom biai nao mai pakat glaong Trung Quốc – Indonesia daok hu peih tabiak di Bắc Kinh. Ủy viên Mintri Chính trị, akaok jabat Đối ngoại Trung ương Đảng Cộng sản Trung Quốc Vương Nghị brei thau lac, Trung Quốc caong khin gam haong Indonesia patagok bruk pambuak gauk abih gah, ngak brei siam jang bruk pambuak gauk bahrau gah chính trị, bruk ngak mbang saong pajeng ba jalan tasik, ba gauk jhul patagok saong kaya meda di dua taneh ia saong dalam bhum. Thun ini lac thun pahadar 10 thun ba tabiak bruk “Vành đai, jalan nao”. Trung Quốc halain hatain haong Indonesia patagok bruk pambuak gauk di dom gah, ngak brei siam lagaih jang bruk pambuak gauk gah pajeng ba jalan tasik, jhul patagok bruk pambuak gauk gah kinh tế, pablei salih saong buh jien tame di dua gah, tagok rilo saong siam mekre.

Gah Y te Dunya kuhria mboh lac di dunya dalam yaok 6 urang jeng dam dara hu 1 urang oh hu anek ( tuan) di sa tukvak halei nan dalam rai. Urak ini, labaih 17,5% dom urang praong di dunya meda oh hu anek di sa tukvak halei nan saomng hu biak takik bruk karei gauk di dom labik saong dom taneh ia kaya meda atau kan kathaot. Gah Y te Dunya oh ndem tal bruk ba tal oh hu anek, min thau lac nan bruk kan kandah di gah y tế dunya.

Urang brei panuac di Tổng Thư ký Liên hợp quốc (LHQ), brei thau lac kanja Taliban di Afghanistan hu  tabiak adat pakauk urang kumei ngak bruk ka phái bộ di LHQ di taneh ia ini. Dahlau di nan, dom urang kumei ngak bruk ka LHQ di gah timun Afghanistan njauk pakauk ngak bruk. Meng di tuk tagok par akaok taneh ia, Taliban hu ba tabiak rilo adat pacang urang kumei saong ranaih kumei dalam dom bruk ngak. Bilan 12 thun blaoh, Taliban hu ba tabiak sarak pakauk urang kumei ngak bruk dalam dom kapul langiu rajaei dalam saong langiu taneh ia, min LHQ oh daok dalam adat pakauk ini./.