Tien Giang pachreih hu rilo urang tame ngak mbang 

Dah page ini (13/9) di Hà Nội, Kapul urang nong Việt Nam pakat neagr peih nyaom biai pok mayaom urang ngak nong, pablei salih naih joi dalam taneh ia mbang ka 6 tukvak 2017 – 2022. Dalam tukvak bahrau blaoh, kuhria rah tapa yaok thun, dom kapul urang nong tut angan mek hu angan urang nong ngak mbang, pablei salih naih joi dom pakat lac 6,21 triệu mbang urang tut angan, meblah labaih 53 % dut saong dom sang urang nong dalam taneh ia. Dalam nan, dom baoh sang urang nong mek hu angan baoh sang ngak mbang, pablei salih naih joi dom pakat tal thun 2021 lac 3 trieu 6 rituh ribau baoh sang. Hu mboh rilo baoh sang ngak mbang praong, pachreih hu yaok piluh, yaok rituh ribau urang ngak, jien mek tame yaok thun tagok tal yaok piluh tỷ đồng.

Mentri Công an hu tacei pato Cục Khik iek bruk tame tabiak negar in khaw tin “ L          abik ndih tapui” tame labik “bị chú” di Passport phổ thông kayua  Mentri Công an ngak brei ka bhap bini Việt Nam meng harei 15-9 anak tal. Dahlau di nan hu dom taneh ia brei thau lac oh taduan mẫu hộ chiếu birau bìa sambo hijao tím jhuk di Viet Nam hu ngak meng harei 1/7. Dom đại sứ quán nan ba tabiak kadha lac kayua mẫu hộ chiếu birau oh brei thau ka labik menek tabiak, ngak kan kandah tuk duah thau angan je.

Tỉnh Tiền Giang hu 59 danak dak bahrau brei thau angan ieu da-a buh jien tame, ngan haong yaom phun jien buh tame abih tih jaik 22.390 tỷ đồng di dom gah, yau ye: Buh jien tame cak rok patagok đô thị, labik bhap bini daok, pablei salih dịch vụ, du lịch, ngak kong, ngak nong, y tế, pato magru, pahat rup. UBND tỉnh jeng hu jao 16 sarak roh duah, sarak buh jien tame, harak pok brei angan buh jien tame ka dom urang buh jien tame, ngan haong abih tih kadung jien labaih 19.400 tỷ đồng. Piah pachreih bruk buh jien tame, tỉnh daok ngak pasiam bruk buh jien tame ngak mbang, pablei salih, paglaong prein maraik gauk saong ngak pasiam cơ sở hạ tầng duh ka dom danak dak.

Meng akaok thun mbiah tal ini, yaom pandap mbang gah raong glang tagok glong gam ngak ka urang raong ikan di bhum taneran kraong Cuu Long dang anak bruk mbon khat lahik. Urak ini 1kilo pandap mbang yaom jaik 14.000 đồng. Dut saong tukvak ini tun 2021, yaom nan tagok labaih 3.000 đồng sa kilo. Yaom pandap mbang tagok glong ba tal rilo labik, mikva oh khin raong ralo, gaok labik mikva caik danao ia saoh. Yaom pandap mbang tagok glong, min yaom ikan pablei tabiak biar, yau nan ye mikva gaok kan kandah jang. Urak ini, rilo baoh sang urang raong ikan daok salih tapa raong ikan pambuak saong sang mac, HTX, ini lac sa dalam dom jalan piah pacang caga anak bruk tagok yaom pandap mbang kaya ikan urak ini.

Bier harei 11/9 di dalam huyện Giồng Riềng, tỉnh Kiên Giang hu hajan praong gam haong hangin khang, ngak jaleih 6 baoh sang, yaok piluh baoh sang karei njauk papar tabung saong ngak dauk rilo ha padai, njam patam. UBND huyện Giồng Riềng hu ieu pataom gah chức năng daong ka bhap bini pataom mek pandap panda, yaok pataom dom khat lahik tuk camriep. Anak mata, huyện hu daong ka dom baoh sang jaleih abih lac 6 triệu đồng saong 2 triệu đồng sa baoh sang njauk papar tabung sang. Tui UBND huyện, dom baoh sang jaleih saong papar tabung jeng lac dom baoh sang kan kandah, urak ini gaok bala di langik tasik, nan ye raidiuk biak kan kandah jang.

Brei panuac tuk ngak lễ di Cung điện Westminster, anak Quoc hoi Anh dalam angan lac urang dang akaok Hoàng gia, Patao Charles III hu panuac thau dhar phol tal Nữ hoàng Elizabeth II birau plang lahik saong ndom lac ngak njauk tui adat hukum rajaei. Patao Charles III jeng hu ndom tal bruk metai diuk saong dom ilamu di jabat padang ngak hukum ngan haong taneh ia.

Di mbang nyaom biai online ka dom bruk kinh tế, Tổng thống Putin brei thau, bruk “phi đô la hóa” di Nga lac oh plaih hu. Ong sa mbang tra ndom lac, Nga daok khang hatai jia lac pacang hu dom bruk kateik greik meng gah langiu. Dalam nan, Nga hu samar drah peih dom bruk pacang khik, hu bruk daong ka dom gah ngak kong praong di abih saong dom doanh nghiệp praong, jang yau dom doanh nghiệp mbaih saong sit. Min, tui Tổng thống Putin, dom bruk pacang cakak, rilo bala ngak khat lahik ka gah kinh tế jeng daok.

Jaik abih kraong ia khan di dunya daok sit tame veik kayua BĐKH saong bruk nan rah tabiak biak trak di talei ceik Alps, labik nan lac baoh sang di châu Âu. Dom kraong ia khan di talei caik Alps daok trun ralo abih dalam takik abih di nyu 60 thun tapa. Ia khan ralai dalam thun ini di dom kraong ia khan glong klau mbang dut saong tanut kuhria rah tapa 10 thun. Thaok binguk ia khan ndon tagok kreh dom kraong ia glong 2.800 met saong jalan trun tagok meda mboh di meta di puac bilan 9 ini

Urang lang: Ái Nghiêm -Thu Thảo -13/9