Di var taom gaok cử tri gah pato megru, y tế dahlau di mbang nyaom ka 6, Quoc hoi mbang XV di kapol urang Quoc hoi Ban raya HCM peih tabiak page ini, ong Lê Văn Lực, Hiệu trưởng Sang bac THCS Đặng Tấn Tài (Ban Thủ Đức) brei thau, urak ini gru pato 5 thun akok, jien bilan saong jien phu cap labaih 5 trieu 500 ribau đồng sa bilan. Jien bilan  nan oh lac glong, kayua urang ngak bruk bhian meng tangin takai jien mek tame hu meng 8 tal 10 trieu đồng sa bilan. Yau nan ye, cử tri caong khin, gru pato njauk brei ramik veik brei hu tanut jien bilan birau, piah meda daong ka gru pato yam tapa glaih glar, meda diuk hu meng jien bilan saong sahanang hatai ngak bruk.

Tỉnh Trà Vinh daok sangka patagok dom pandap OCOP, dom pandap ngak kong palei pala hu angan saong dom pandap gah thủ công mỹ nghệ meng kan di bhum urang bangsa. Urak ini dom blah khau tin, dom sàn pablei salih điện tử di tỉnh hu ba tame angan di labaih 150 doanh nghiệp saong labaih 750 pandap dom janih lac yaok ratuh pandap OCOP jeng yau dom pandap meng bruk ngak nong palei pala hu angan je. Gam haong nan, tỉnh Trà Vinh jeng hu pambuak bruk haong dom sàn giao dịch di 18 tỉnh di Nam Bộ,… piah daong ka doanh nghiệp dalam pambuak bruk cung cầu saong duah darak pasar pandap panda 

Di tỉnh Tiền Giang urak ini yaom baoh thanh long hu urang blei meng 4.000 - 7.000 đồng sa kilo, ngan haong yaom ngak tabiak ba tal urang ngak nong oh daok mbak carak pala tra. Rilo bein thanh long tathak bhong min urang ngak nong oh ka paik baoh. Rilo urang pala thanh long brei thau, meyah yaom yau nan meda urang brei atak klak  thanh long, salih tapa pala dom janih phun karei. Ong Võ Văn Men - Akok Chi cục Pala drak saong khik caga phun pala tỉnh Tiền Giang brei thau, taneh pala thanh long dalam tỉnh 8.734 ha. Mbiah tal ini, dalam tỉnh hu brei saong ngak hu 78 mã số bhum pala, kuhria abih tih taneh praong labaih 6.100 ha.

Kuhria mboh dahlau lac, ia mbak meda hu aval, Phaok akaok UBND tỉnh Bến Tre Nguyễn Minh Cảnh hu tacei pato dom puk palei brei hu jalan ngak piah pabak ia taba tuk ia mbak tame khang, khik ka bhap bini hu ia taba piah pandar… Gam haong nan, ieu dom puk palei caga peih bruk pacang caga pak di labik, khik salamat ka menuac sia, drap ar, khik caga bruk ngak padai, pala njam patam, dom bhum phun mbang baoh, taneh raong kaya ikan… Mbang pandiak bhang bilan thu thun 2019-2020 ngak khat lahik ka gah ngak nong Bến Tre tal 1.660 tỉ đồng. 

Pambuak tal bruk gru Nguyễn Đình Thiều - Pho akaok Sang bac THPT Hàm Tân, tỉnh Bình Thuận njauk taong paoh ba tame Sang iek ruak 115, TPHCM, UB bhap bini tỉnh Bình Thuận birau hu harak ieu kong an tỉnh tacei pato dom gah brei samar  pasang iek saong langyah  catang bruk nan. Gam haong nan, ieu gah Sở Pato megru, UB bhap bini huyện Hàm Tân peih bruk rivang, pachreih ba gru; hu jalan ngak  brei tani tanat bruk pato saong bac di Sang bac  THPT Hàm Tân. Dahlau di harei 14/10, Nguyễn Ngọc Ẩn peih radaih ô tô pajeng tui 3 urang tra daok di huyen Hàm Tân mai sang gru Nguyễn Đình Thiều piah langyah  bruk kamlah gauk  kayua gru Thiều iek katap bac di anek di Nguyễn Ngọc Ẩn.

Hãng tin Yonhap ba panuac di sa urang ngak praong pakat glaong di Hàn Quốc brei thau lac taneh ia ini haong Mỹ saong Japon hu padang jalan talei pandiak taom gaok 3 gah, sa jalan ngak brei mboh bruk siam mekre dalam talei rohim pambuak bruk di dom taneh ia ini. Jalan talei pandiak hu pambuak Hội đồng An ninh taneh ia 3 negar, brei adat ka dom urang dang akaok haong dom urang jakar an ninh pakat glaong di dom taneh ia ini meda ieu phone ndom biai nao mai atau taom gaok online tuk halei jeng hu 

Piah pacang caga  bala meng langik tasik kayua BĐKH saong langik El Nino, Indonesia kuhria brei padang veik 300 binek ia grauk labik di negar, yau sa jalan ngak piah pacang caga dom bruk pandiak  bhang kayua langik ba tal. Dalam labaih 10 thun tapa, Indonesia hu padang takik di nyu 60 binek ia piah khik ginup ia pruh. Dalam mbang ginum biai urang jakar dalam rajaei birau ini, Tổng thống Indonesia Joko Widodo jeng brei mboh ka bruk El Nino ngak jhak tal bruk pala drak jeng yau raidiuk di bhap  bini Indonesia.

Hội đồng Bảo an Liên Hợp Quốc oh brei tapa hu sarak kayua Nga ngak tabiak ieu padeih cuh gauk di Dải Gaza. Sarak nan mek hu 5 phiếu pachreih tui, 4 phiếu cagar veik saong 6 phiếu mbong patih. Piah hu brei tapa, sa sarak di Hội đồng Bảo an brei hu takik di abih lac 9 phiếu pachreih tui. Lambaok thường trực di Nga daok di Liên hợp quốc Vassily Nebenzia brei thau, makna ngak brei sarak oh hu brei tapa lac kayua dom taneh ia phương Tây pambuak gauk mesruh veik haong Nga.