Tinh Kien Giang hu jao huy hieu Dang ka 16 urang 

Tỉnh uỷ Kiên Giang hu peih bruk  jao  huy hiệu Đảng ka  16 urang lac tỉnh uỷ viên, akaok ngành pakat tỉnh song samu nan kayua  Ban thương vụ khik iek. Dalam nan hu sa urang hu 75 thun đảng, 1 urang  60 thun Đảng, 3 urang  55 thun Đảng, 2 urang  50 thun Đảng. Ong Mai Văn Huỳnh, Phó bí thư Thường trực Tỉnh uỷ brei thau: bruk  jao  huy hiệu Đảng brei mboh bruk pok meyaom di Đảng ngan song urang  đảng hu rik dong biak prong ka ilamu, pren yava di drei, oh padeih kham merat ka bruk cách mạng di Đảng, di bangsa.

Dalam mbang rivang, pachreih ba urang jakar, urang lin, Bhap bini di dom kaoh pulao, nhà giàn DK di bhum tasik Tây Nam negar, kapol urang jakar ngak bruk di Ban raya HCM hu mai rivang saong pachreih ba urang jakar, urang lin daok ngak bruk di kaoh pulao  Hòn Chuối, dalam ban sit Sông Đốc, huyện Trần Văn Thời, tỉnh Cà Mau; alih hadiah jien saong pandap ka urang jakar, urang lin saong bhap bini di 7 kaoh pulao nan lac Phú Quốc, Hòn Đốc, Nam Du, Thổ Chu, Hòn Khoai, Côn Đảo saong nhà giàn DK 1/10 kuhria tui jien labaih 7,8 tỉ đồng.

Meng harei ni tal harei 31/10/2022, di palei ilamu - Du lịch dom bangsa Việt Nam hu rah tabiak dom bruk ngak bilan 10 ngan saong kadha “Ấn tượng miền Tây” piah yaih khan ka ilamu, du lịch miền Tây; dom adat cambat tanarakun di bhap bini, gam song dom bruk duah thau “Baoh sang haong gauk” di bhap bini  54 bangsa Việt Nam. Dalam nan, njauk ndom tal di abih lac  padang ngak Ok Om Bok (lac adat kakuh ia bilan) di bhap bini bangsa  Khmer tỉnh Trà Vinh. Taphia di nan, dok hu dom bruk ngak di  13 bangsa, danak dak du lịch duah thau, yaih khan bruk ngak har, papaok har payak tuia, kadha me-in bhap bini; bruk cầu an, tadhau yhut di dom labik   baha Khmer, bimon kalan Chăm...

UB Pasang iek Tỉnh ủy Bạc Liêu hu tabiak kỷ luật Đảng tui jalan khiển trách ong Trần Hoài Đảo - Phaok yam ndoc Sở Y tế tỉnh Bạc Liêu kayua ngak suan pambuak tal bruk blei sinh phẩm dut iek ruak COVID-19 di Công ty Cổ phần Việt Á ngak khat lahik jien padai di karja. Dahlau di nan, tỉnh Bạc Liêu hu cảnh cáo Yam ndoc Pasak Pasang iek ruak kik Bạc Liêu saong Akok khoa Dut iek ruak saong ong Trương Thái Hưng, Akok jabat Tài chính-Kế hoạch, Pasak Pasang iek ruak kik Bạc Liêu.

Ia ndik di tỉnh Tiền Giang dok di tanut  báo động 3, mangaok krong Tiền di  tatua  Mỹ Thuận (huyện Cái Bè) di tanut  1.8mm - 1.9mm; di cống  Xuân Hòa (huyện Chợ Gạo) di tanut  1.72mm. Piah khik siam mekre ka bruk ngak nongabih di nyu nan lac mblang taneh njam patam, phun kayua mbang boh di bhum dhong, Công ty TNHHMTV Khai thác dom danak dak krong ribong Tiền Giang hu peih nduac ka  183 cống đập tui jalansiam mekre, oh caik rah tabiak dauh ia.

Urak ini, bruk lạm phát di Đức tagok glong abih dalam 70 thun tapa. Lạm phát dalam bilan 9 tagok 10%, glong abih kuhria meng akok pluh thun 50 di abap dahlau tal ini. Bruk mesruh gauk di Ukraine, dom hukum taong phạt saong gar tavak bruk pabak pandap tamo, pandap trung gian ngak trak damak phun jien catang jang kayua jit ruak COVID-19.

Philippines – taneh ia dang akaok dalam bruk pato pakai song pabak dom  y tá ka dunya – dok dang anak bruk kurang takik  y tá dalam taneh. Urak ni, negar ni caong hu  106.000 y tá piah pabak ginup urang ngak gah y tế di dom sang iek ruak công song tư dalam negar. Thun  2021, Philippines brei padeih bruk ba  y tá tabiak negar langiu, piah pakhang  bruk y tế dalam taneh ia, hadei di tuk, rilo urang ngak gah y tế, padeih bruk, kayua jien bilan takik, bruk ngak trak damak dalam jit prong Covid-19.

Phần Lan brei kareik pabah negar ngan saong tuai  Nga. Ngoại trưởng Phần Lan Pekka Haavisto brei thau Phần Lan oh khin jeng taneh ia piah pajeng ba dom bhap bini Nga tal Phần Lan blaoh tapa dom taneh ia châu Âu karei. Dom jalan pabah mbang negar di Phần Lan lac sa dalam takik jalan tame châu Âu ka bhap bini Nga hadei di tuk rilo taneh ia kreik pabah mbang negar piah cagar veik bruk quân sự đặc biệt di Nga di Ukraine./.

Urang lang: Hanipha- Ái Nghiêm -1/10