Tinh Tien Giang hu pok brei huy hieu Dang ka rilo gah

Salam uan 77 thun harei  Cách mạng bilan 8 jak jeng song harei Negar 2-9, Tỉnh ủy Tiền Giang  hu alin brei  456 Huy hiệu Đảng ka dom urang đảng; dalam nan hu jao 451 Huy hiệu Đảng, truy tặng 5 Huy hiệu Đảng. Dom urang đảng hu jao brei  Huy hiệu Đảng mbang ni, hu panuac thau dar phol anak bruk sangka di  Đảng song sinya kham merat patagok bruk ngak, kham merat rik dong dak padang Chi bộ khang kajap, padang ngak palei pala dak harei dak patagok.

Dalam bilan 8 meng bloh, hu labaih 543 rabau mbang tuai mai tal Bình Thuận, rilo jang 88 mbang duk haong tukvak ini thun bloh. Meng mbang padeih lễ 2.9 dui atah 4 harei, tui kuhria, du lịch Bình Thuận meda taduan raok labaih 45.000 mbang tuai mai ravang iek, padeih padei, me-in sambai.

Di Bình Dương, kuhria rah tapa, sa harei Sở Lao động Thương binh song Xã hội hu dong ka 400 urang hu mbang jien dong  thất nghiệp. Meng akaok thun tal ni, dom urang ngak oh hu bruk ngak hu panuac cong mbang tui sarak ni lac  68.000 urang. Urak ni, dom doanh nghiệp dok batabiak jalan ngak kham merat khik takai urang ngak meng bruk trun tuk vak ngak bruk, patagok bruk dong an sinh xã hội. 

Anak bruk rah tabiak srau kadau di jit ruak đậu mùa khỉ, Mintri Y tế hu tabiak harak tacei pato jalan pacang caga njom mbak ruak đậu mùa khỉ dalam dom labik iek ruak, taong ruak. Dalam nan, ieu dom labik iek ruak, taong ruak brei patagok bruk pacang caga saong pasang iek njom mbak; pacang caga njom mbak tapa taom gaok tapak saong tapa ia prah tuk iek glang dom urang ruak saong urang mboh yau njauk ruak, dom sang iek ruak peih bruk halang duah urang ruak atau medil lac njauk ruak đậu mùa khỉ dalam bhap bini atau di labik taong iek ruak.

Dalam tuk padeih lễ 2/9 ni, Sở Y tế ban raya HCM jeng dok peih dom bruk klauk  vaccine ka uranaih song bhap bini di ban raya. Sở Y tế hu panuac ieu dom amaik ame kayua prein yava di anek bhik di drei, jhui caik ka dom adei njauk klaik klaoh bruk bac da-a, kayua njom  Covid-19, kayua oh hu klauk  vaccine, juai klaak tapabruk klauk jru, piah anek bhik hu khik caga anak bruk njom mbak  di virus SARS-CoV-2 mboh lac biak kan kandah, kan si thau dahlau.

Tổng cục Công an negar Campuchia hu padang jalan talei pandiak 117 taduan panuac khan ka bruk cap kreik menuac suan hukum meng dom janih sap yau sap Việt, sap Anh saong sap Low. Kuhria meng akaok thun tal harei 20/8, gah chức năng Campuchia duah mboh 87 bruk pablei salih menuac saong pablei salih urang ngak, daong hu ka 865 urang gaok bala lac urang negar langiu saong cap mek labaih 60 kol ngak suan adat hukum.

Mbang nyaom Đại hội đồng Liên hợp quốc mbang ka 77, bruk ngak yaok thun prong abih di  Liên hợp quốc hu peih tabiak di harei 12/9, hu mbaok di yaok rituh urang dang akaok dom taneh ia di dunya. Dalam mbang nyaom ni, hu pataom tame dom bruk yau, pato megru, dom bruk patagok khang kajap song  quyền di urang bangsa takik.

Tổng thống Mỹ urak ini jeng oh ka ba tabiak bruk lac njauk trun yaom kak je pandap Trung Quốc halei oh. Dahlau di nan, Nhà Trắng daok sahneng kuhria ka bruk trun yaom kak je dom janih pandap blei meng Trung Quốc piah ba mai kein laba ka dom doanh nghiệp saong urang blei pandar di Mỹ./.

Urang lang: Hanipha- Mousaphuong- 2/9