Hu 4 harei padeih padei di bingun ini, ini hu maong yau lac kein lagaih piah gah rah rivang tinh Vinh Long (bahrau) raong rilo tuai damuai dalam saong langiu negar. Vinh Long hu labaih 200 labik padeih padei di gah rah rivang, dalam nan hu 24 labik hu angan di bhum taneran kraong Cuu Long saong 13 labik rah rivang pakat tinh. Sa bruk karei crih dalam bingun ini lac Palei Ilamo rah rivang Khmer di phuong Nguyệt Hóa. Di ini, tuai damuai hu ba drei tame dom bruk pagam hoang raidiuk ilamo Khmer yau ye cuh apui hana ndiuk, thaok kom, mbang ahar ong hala manaih pandiak atau gam haong urang nghe nhan ngak mat na, ragam ragu bangsa.

Bingun ini tuk lagaih abih yau mek hu ameh piah jhul pakhang bruk  patagok gah yulit Ban Can Tho. Gam haong bruk paglaong asar siam, bruk sirah main birau, dom doanh nghiep ngak bruk yulit hu ba tabiak rilo danak dak pachreih urang dalam bhum palei jeng yau tuai damuai. Dalam nan, bhap bini meda hu palih ruah Palei yulit sinh thai Mỹ Khánh, di phuong An Bình lac labik yulit sinh thai lavik rai abih di Ban Can Tho gam padeih padei – bui sambai – kaya mbang bingi di bhum taneh kraong ribaong gah Meraong dalam sa mbang mai rivang.

Yaok rituh rahra gam haong gauk ngak jeng sa thaik thaot nghe thuat bhong meraih biak njauk hadah mbaok meta di Bein bangu Dương Tử Giang, phuong Tam Hiệp, tinh Dong Nai. Ini lac banah dalam danak dak parang iek dak thaik thaot nghe thuat salam uan 80 thun Katmang bilan Dalipan saong harei Bangsa Negar 2/9, pagam haong bruk alin pandap kaya ka baoh kan gaok kan kandah. Bruk ini daong pambak praong yaom kaom ilamo, hatai anit ranam bangsa negar saong thau ka bruk di drei dalam rahra, dui pachreih rilo bruk sangka di mikva bhap bini.

So Y te Ban raya Ho Chi Minh khan lac, meng harei 3 bilan 9 anak tal, kapol urang gru iek ruak  chuyen khoa, joi iek ruak meng rilo sang iek ruak praong di Ban raya meda hu mbaok di Pasak Y te Bol lin bhap bini Con Dao, abih di dac khu Con Dao. Mbang camereip, 7 bac si meng dom khoa hu rilo urang ruak yau:  ndih tapui, ngoai tong quat, uranaih, gay me hoi suc, chan thuong chinh hinh, noi tong quat saong noi than, hu ba mai meng dom sang iek ruak praong. Tukvak ngak bruk salih gauk di Con Dao dui atah sa bilan  sa mbang nao ngak bruk. Ini la danak dak hu makna biak praong nao ngak bruk di labik atah dhua abih di Ban raya Ho Chi Minh.

Yam tame thun bac bahrau, gah Pato Megru tinh Dak Lak pataom tame ngak 10 bruk hu makna yau ye: paglaong ilamo gru pato; patagok bruk pato megru gah chinh tri, jalan sahaneng, ilamo, bruk daok dang ndom puac, ilamo lek taka so ka anek saih; patui veik salih bahrau bruk pato bac, tapuk bac megru; jhul khang bruk salih lek taka so dalam bruk pasang iek saong pato bac megru; pasiam saong pabak bruk pato megru, brei ka thei thei jeng thau akhar huroh; patagok ndap nda kaya njauk hu, rilo meng lac di bhum khan kandah…Tinh Dak Lak kham merat paglaong bruk sang bac mek hu tanut chuan negar tagok 55% soang patui veik paglaong ilamo bruk pato megru di bhum bangsa takik.

Tong Thu ky LHQ njauk hatai pachreih tui bruk pambuak taong abih bruk di dunya dalam khik iek tri tue nhan tao (AI). Ini hu taong yaom lac bruk patagok birau, brei mboh bruk sanya kajap di dom taneh ia dunya ka bruk khik iek AI hu taong abih gah, brei mhoh bruk ngak daong kein laba ka manuac sia di dunya. Tong thu ky LHQ iew da-a taong abih dom gah brei daong dom bruk hadah krah sajarah dakrai ini saong kham rik daong tame bruk padang harei hadei.

Nga daok ieu pandar Duc oh duah jalan pacang padauk ka dom bruk khung bo taong tame jalan ba ong athak “Jalan nduac gah Barak”, bo njauk brei mboh hatai pambuak bruk pabak ginup khau tin. Nga caong takre ka gah Duc hu mbaok tame ginup ka dom mbang nyaom biai ka asal kadha ini, salih ka dom bruk ba tabiak panuac javap calei karei. Dalam bruk brei khik kajap bruk kandauk, bruk nyaom biai meda hu peih ngak kandauk.

Akaok mentri Pablei salih My Howard Lutnick khan lac sa bruk ginum biai pablei salih haong Nhat Ban, nan lac paok jien buh tame 550 ti dola ka My, meda khan brei thau di harei puac adit ini. Dahlau di nan, Tong thong My Donald Trump khan lac bruk ginum biai pablei salih haong Nhat Ban hu jak jeng siam mekre, dalam nan hu bruk kak je 15% pandap pablei tame taneh ia ini. Yau nan min, gah My oh ka brei thau tuk halei pandar kaj je tui bruk ba tabiak birau nan.