

Tong Bi thu BCH Trung uong Dang Cong san Trung Quoc, Akok negar Cong hoa bhap bini Trung Hoa Tập Cận Bình mai rivang pakat Karja Viet Nam dalam dua harei 14 saong 15/4. Mbang rivang ini oh ka bak sa thun hadei mbang rivang pakat Karja Trung Quoc di Tổng Bí thư Tô Lâm saong thun ini jeng lac thun pahadar 75 thun pambuak bruk di dua negar. Ini iek yau sa bruk chinh tri di dua Dang, dua taneh ia, hu manak biak praong, dalam karo suai lavik ka bruk patagok di Viet- Trung dalam tuk dua taneh ia daok yam tame jalan birau, jaman uak drei patagok salih birau.
Pahadar, dieu binh, dieu hanh saong dom bruk pahadar 50 thun Harei Peih paha gah Meraong negar, yasa taneh ia (30/4/1975 – 30/4/2025) lac Pahadar pakat negar, kayua BCH Trung uong Ndang, Quoc hoi, Akok negar, Rajaei, UBTƯMT Negar Viet Nam saong Ban raya HCM peih ngak. Bruk pahadar hu peih ngak meng mon 6 tuk 30 minit harei 30/4/2025 di jalan Lê Duẩn saong dom jalan di pasak, hu papar riya angaok dom Rayo papar bingu Viet Nam, Rayo papar binguk TPHCM saong dom rayo papar sap, papar binguk dom tinh ban dalam negar. Langiu di nan, Ban raya HCM brei peih ngak dom bruk pahadar hu makna praong meng harei 29/4 tal harei 30/4.
Harei ini tame harei peih ngak yang Chol Chnam Thmay di bhap bini Khmer. Ini oh lac bingun piah ka bhap bini urang Khmer jum pataom, bo daok lac bruk lagaih piah pambuak bhap bini khang kajap jang, daong gauk dak padang, patagok bhum palei, negar. Bui sambai uan raok thun birau dalam dom baoh sang birau hu mai haong yaok rituh baoh sang urang Khmer di Bạc Liêu. Dalam tinh hu 176 baoh sang di urang Khmer njauk brei ramik pasiam, padang ngak birau. Bạc Liêu kham merat ngak brei salah dahlau harei yang Chol Chnam Thmay piah mikva uan raok Tet bangsa hu bui sambai, siam mekre dalam baoh sang birau.
Thun ini, kayua langik oh lagaih, pa-ok blait lahik baoh takik asar. Gaok labik, phun pa-ok blait oh tabiak baoh, urang ngak nong lahik abih tih. Di tinh Gia Lai urang ngak nong daok paik baoh pa-ok blait. Yaom pablei thun ini glong, kuhria rah tapa jaik 34.000 dong sa kilo. Yau nan min, pa-ok blait thun ini khat lahik ralo. Di huyen Đức Cơ, taneh pala pa-ok blait dalam taneh ngak nong lac 12.000 ha. Urak ini, mikva paik hu 70%. Kuhria mboh pa-ok blait trun jaik 30%. Hu labik lahik abih patih.
Di bhum taneh Meraong negar bhap bini daok dalam dom harei padiak catang, dui atah meng subuh page tal biar harei mesup. Tay Nguyen, Nam Bo meng harei 16/4 hu hajan tuk biar harei, yau nan min harei langik pandiak 35 do C. Tui kuhria pandiak glong di Gah Meraong negar meda rah tabiak di harei 21 saong harei 22/4. Langik pandiak ngak kan kandah tal raidiuk bruk daok dang mbang ngui yaok harei, abih di nyu lac dom urang ngak bruk di langiu langik saong mbuan patuh apui khuah di dom labik daok di bhap bini.
Bhap bini Thái Lan ba drei tame ngak jeng kraong ia praong tuk yaok rituh ribau bhap bini Thái saong tuai damuai negar langiu tabiak jalan hu mbaok tame adat thaik ia Songkran. Min, dalam harei tet akaok meti hu jaik 300 urang metai saong njauk rambuac kayua gaok bala angaok jalan mbak. Jaik abih dom mbang bala rah tabiak kayua peih radaih drah samar saong ndik radaih tuk hu menyum alak blaoh. Tui kuhria radaih parilo tagok di harei 15 saong 16 bilan 4, kayua yau nan ye bruk bala angaok jalan mbak meda daok tagok veik.
Harei ini, sa bruk patuh biak khang dalam sang mac ngak phao bingu di bang Andhra Pradesh, gah Meraong An Do. Bruk nan ba tal takik abih lac 8 urang ngak kong metai saong 7 urang karei njauk rambuac trak. Dom mbang bala gah ngak kong, njauk ndem tal dom labik ngak phao bingu di An Do, oh lac takik. Rilo bruk mai meng urang ngak saong po sang mac oh sangka caik hatai tal dom tanut chuan salamat, dalam tuk kurang takik pasang iek bruk ngak.
Tong thong Donald Trump harei ini khan cambaic laic ka bruk My ngan haong jien je pandap mban dan. Gah ngak kong nghiep mban dan nan lac sa darak pasar dunya hu yaom labaih 600 ti dola daok gaok kan kabdah kayua jien je tagok saong meraik kandah gauk dalam bruk chinh tri. Hu pagap yau “menyek tho” di abap 21, pandap mban dan daok lac pasak di mbang pakacah di dom taneh ia kaya meda, dalam nan hu My saong Trung Quoc./.
Viết bình luận