Brei panuac di var Pahadar 79 thun Harei Negar (2/9/1945 - 2/9/2024) peih tabiak tuk melam 29/8, Tong Bi thu, Akok negar Tô Lâm brei thau, luac 79 thun tapa, ala tacei ba di Đảng, nao tui sap iew di Chu tich Ho Chi Minh, danei miat Panuac that độc lập, ngan haong jalan sahaneng “Oh hu hagait praong jang Độc lập, Bebat tự do”, taong abih bangsa Viet Nam jum pataom sa hatung hatian haong gauk, jum pataom dunya hadah krah, ba cach mang Viet Nam meng jayak ini tal jayak diah, peih paha bangsa, yasa taneh ia, ngak hu jak jeng  siam mekre salih birau, khang kajap yam tagok CNXH. Meng sa taneh ia njauk pacang cakak, Viet Nam hu padang talei rohim haong 193 taneh ia angaok dunya, hu pambuak bruk praong saong abih gah haong 30 taneh ia, dalam nan  hu taong abih dom taneh ia di Hoi dong bao an LHQ, dom taneh ia praong saong lac taneh ia kham merat abih drei  di labaih 70 kapol dalam bhum saong dunya.

Pahadar Harei Negar 2/9, meng harei 31/8 tal harei 3/9/2024 di Palei Ilamo - Du lịch dom bangsa Việt Nam (Đồng Mô, Sơn Tây, Hà Nội) meda rahtabiak dom bruk ngak mayaih khan ilamo meng kan di mikva dom bangsa tapa darak pasa bhum ceik glaong, parang iek dom kadha daoh tamia, mayaih khan pandap mbang, kaya pandap di yaok bhum palei. Dom bruk nan hu mbaok di labaih 100 urang di 16 bangsa daok ngak bruk yaok harei di palei ilamo saong jaik 300 nghe nhan, rahra, nghe si, dien vien bhap bini mai meng dom tinh, ban dalam taneh ia.

Meng harei 31/8, TPHCM brei peih bruk klauk jru vaccine sởi di taong abih dom balai y te phuong , xa, ban sit  di 22 quận, huyện saong ban Thủ Đức. Vaccine hu pandar mbag ini lac  Sởi – Rubella (vaccine MR), hu blei meng kadung jien karja Ban raya. Tui bruk ba tabiak, dom urang hu brei klauk jru dablau dalam mbang ini lac uranaih umo meng 1 -5 thun daok diukrai di Ban raya Ho Chi Minh, oh kuhria jien klauk jru; dom uranaih di nyaom mbuan njom ruak umo meng 6 tal 16 thun daok taong ruak di dom sang iek ruak, oh mek jien klauk jru. Ban raya meda peih bruk klauk jru vaccine  luac dom harei padeih le Harei negar 2/9.  

Piah ngak njauk tukvak ba tabiak, jhul samar bruk peih phun jien đầu tư công, rilo danak dak jalan mbak nao mai praong di dalam tỉnh Tiền Giang daok pasamar bruk ngak, ngak luac harei melam, ngak gam harei lễ 2-9. Urak ini, dom kapul daok khik ramik dom danak dak praong, yau jalan tỉnh 864 (rah tui kraong Tiền), jalan Cak rok patagok ngak kong gah Timun (huyện Gò Công Đông), tatua Tân Phong (Cai Lậy) saong dom mbaik tatua di jalan tỉnh 861, 863 (huyện Cái Bè) ngan haong abih tih phun jien hu jao piah ngak lac 736 tỷ đồng. Tal urak ini, dom danak dak jeng ngak njauk tui jalan ba tabiak, bruk peih phun jien hu labaih 85% jalan ba tabiak.

Ar pacang glut jaleih ribong Hà Giang di huyện Giang Thành, tỉnh Kiên Giang, atah labaih 3km, phun jien buh tame ngak 80 tỷ đồng daok glut jaleih trak, hadei di labaih 5 bilan ba tame pandar, ngak ka bhap bini haduh hatai, medil bruk oh siam di danak dak. Dahlau di nan, danak dak hu labik glut taneh, Mban Khik iek  Danak dak Padang ngak pakat huyện iew gah padang ngak tui iek brei paok kiak tagok, ramik ngak veik ka siam.

Akaok Mintri Y tế lâm thời Bangladesh brei thau lac, bruk taong paoh patuh tabiak dalam dom mbang trun jalan di bilan dahlau di negar ini ngak ka labaih 1.000 urang metai, jeng tukvak trak damak abih ka oh bhian mboh di negar ini meng di tuk mek hu doc lap di thun 1971. Thủ tướng Sheikh Hasina njauk padeih ngak saong tapa Ấn Độ dahlau di tuk sang praong di amuk njauk yaok ratuh urang trun jalan taong tame. Mbang trun jalen taong paoh dui atah meng bilan 7 tal akaok bilan 8 pak Bangladesh jeng ngak ka kanja njauk ba tabiak harak pakauk, pandar thiết quân luat, kareik pabah mbang sang bac di dalam taneh ia, ngak kan kandah biak trak damak tal rahra.

Labaih 22.00 urang hu mbaok tame le hoi hu glam yaok tấn baoh traong ndaiy tame gauk di var “ đại chiến Đỏ” peih ngak di harei 28/8 di Bunol, miền Đông Tây Ban Nha. Piah ngak hu bruk La Tomatina njauk bruk di nyu, mban peih bruk hu pajeng mai 150 tấn baoh trong ndaiy tathak piah duh ka urang takre hu mbaok tame. Tuk dom sruh radaih baoh trong ndaiy tuh trun jalan pho di Bunol ye jeng lac tuk “ glam gauk” meng baoh trong ndaiy, ngak jeng tasik trong ndaiy bhong meriak. Le hoi La Tomatina tabiak rai di  Bunol meng thun 1945, urak ini  jeng sa labik taom gaok chreih chrai di tuai damuai.

Universal Music - hãng thu âm di ban nhạc Thụy Điển ABBA, hu  tabiak panuac ieu ong Donald Trump, ứng cử viên di đảng Cộng hòa tranh cử tame Nhà Trắng, padeih pandar palieng âm nhạc saong video di kapul nyaom daoh ini dalam dom mbang jak ba tranh cử. Universal Music brei thau lac oh pabak quyen pandar dom kadha daoh ini ka kapul jak ba tranh cu di ong Trump. Bilan 4/2024, urang daoh negar Ireland Sinéad O'Connor jeng hu panuac ieu danak dak tranh cu di ong Trump padeih pandar kadha daoh di anai. Urang daoh negar Canada Celine Dion saong gah thu âm di amuk tuk akaok bilan ini hu ba tabiak dom panuac khieu nai deih yau nan, ieu bruk pandar dom kadha daoh di amuk lac bruk ngak suan./.