Page ini 20/12 di Hà Nội, Quân ủy Trung ương, Mentri Quốc phòng peih Nyaom biai Quan chính taong abih bol bala thun 2022. Di nyaom biai, Tổng Bí thư Nguyễn Phú Trọng, Bí thư Quân ủy Trung ương kakei lac: Peih ngak catang, tani tanat saong hu siam lagaih mboh di meta Sarak ka 05 di Mentri Chính trị ka bruk peih ngak Bol lin bhap bini Viet Nam vaktu 2021-2030. Ini lac bruk hu makna biak praong, pambuak tal jalan sahaneng, bruk ngak sarak. Brei patagok  siam bruk ngak di dom  jabat, dom đơn vị, pambuak kajap jalan sahaneng ka bruk ngak sarak. Samar duah mboh, langyah  dom bruk mblo tabiak, oh ngak jhak tal dom bruk karei.

Sở Ngak nong saong Patagok palei pala tỉnh Trà Vinh kuhria mboh dahlau lac, dom bilan camereip di bilan pandiak ini, ia taba meda trun samar, mbuan ba tal bruk kurang ia, pandiak bhang, ia mbak njom tame mblang hamu, ngak kan kandah tal bilan padai Đông Xuân 2022-2023. Piah takik njauk khat lahik kayua pandiak bhang, ia mbak, gah ngak nong hu kakei dom puk palei samar trun pajaih ka nyu salah padai Đông Xuân dahlau di harei 30/12 ini. Dom bhum oh daok dalam bruk ngak padai vụ ini, urang ngak nong njauk salih tapa dom janih phun pala karei lagaih haong bruk pala drak.

 Urang ngak praong di Sở Y tế tỉnh Bình Phước taduan lac, di dom labik y tế dalam tỉnh daok kurang jru, pandap y tế piah duh ka bruk iek ruak. Urak ini, gah y tế tỉnh daok duah jalan lang talaih.  Tui urang ngak praong di Sở Y tế, bruk nan kayua tavak  dom quy định dalam bruk blei pandar.  Tui bruk ba tabiak di Mentri Y tế meng thun ini taong abih dom paok thầu blei pataom tame đấu thầu tapa mạng min oh ka hu tacei ba cambaic laic. Mbiah tal bilan 9 thun 2022, Mentri Y tế  birau hu tacei ba, nan ye Sở oh brei đấu thầu pataom tame hu.

Urak ini yaok ratuh sang urang pala bingu di huyện Chợ Lách (tỉnh Bến Tre) daok jar var kuhria caga ka bilan bingu tết. Hu dom bein daok ba tabiak pablei aval dom janih bingu kiểng... Tuk tết thun sak tapai tal, meda hu 12 triệu pandap bingu kiểng hu urang ngak nong di Chợ Lách ngak tabiak, rilo jang jaik 30% duk haong thun bloh. Langiu di bruk pablei ka urang mai blei nao pablei veik, urak ini urang ngak nong Chợ Lách daok hu pablei bingu kiểng tapa dom jalan pablei salih online tapak tal urang blei. 

Biar harei 19/12, labik padang ngak di Nhơn Trạch, tỉnh Đồng Nai hu sa uranaih umo 5 thun labuh trun lubang padang got betong  dalam labaih 10 met, pabah lubang  padang got betong vin, praong labaih 40 cm. Meng rilo jalan ngak  tui bruk daong, hadei di jaik 20 minit, gah daong urang gaok bala samar  ba adei tagok hu saong sơ cấp cứu. Baoh sang brei thau adei angan Lê Kim Tuyền nao me-in  saong dom uranaih karei  tame labik padang ngak Khu đô thị Thăng Long Home ma-in  ye laik trun  lubang padang got betong daok pandang ngak.

Blah báo di Đảng Lao động Triều Tiên Rodong Sinmun hu ba tagok 1 kadha vak taong yaom dom jak jeng gah quân sự di taneh ia ini, ndom lac thun ini lac 1 thun jayah di Triều Tiên. Lac 1 taneh ia khang gah quân sự di mangaok dunya, Triều Tiên hu brei mboh prein khang di drei anak dom taneh ia.

Tui Jabat Hội đồng Patagok xã hội saong kinh tế taneh Thái Lan (NESDC), labaih 8,1 trieu urang Thái Lan lac urang kathaot, dalam nan hu 4,4 trieu urang diukrai biak rambah rambeip. Kayua jien mek tame oh lac bruk brei mboh kan kathaot di Thái Lan , yau nan ye Jabat Hội đồng Patagok xã hội saong kinh tế taneh Thái Lan hu pandar Chỉ số kathoat ralo gah, dalam nan hu 4 gah kathaot nan lac pato megru, prein yawa, raidiuk saong tani tanat jien padai. Jabat nan ba tabiak dom jabat chức năng ba tabiak dom paok chính sách piah langyah bruk kathaot  rilo gah  yau paglong jalan sahaneng duah jien padai ka urang ngak yaok umo thun.

Brei panuac dalam mbang họp báo puac thun di jabat Liên hợp quốc daok di New York, Mỹ harei 19/12, Tổng thư ký Liên hợp quốc Antonio Guterres ndom lac, dunya dang anak rilo cuang kandah dalam thun ini. Bruk neh rabha gauk gah “địa chính trị” ngak brei bruk langyah dom kadha di dunya nyu kan kandah jang tuk halei karei. Jaik abih dom taneh ia kan kathaot daok mbuan laik tame bruk oh daok prein bayar sraiy. Kuhria dalam thun ini, dom bruk bayar sraiy di dom taneh ia kan kathaot tagok 35%, glaong di abih kuhria dalam yaok pluh thun tapa ./.