Dalam mbang rivang negar Cộng hòa Nhân dân Trung Hoa, biar harei 31/10, di Mblang bein Bhap bini di Ban ine Bắc Kinh, Tổng Bí thư Nguyễn Phú Trọng hu ginum biai saong Tổng Bí thư, Chủ tịch Trung Quốc Tập Cận Bình. Di var ginum biai, Tổng Bí thư Nguyễn Phú Trọng ndom lac, Viet Nam saong Trung Quốc nan lac dua taneh ia jiak taphia ceik kraong pambuak gauk, jeng lac taneh ia XHCN kayua Đảng Cộng sản pan kaok. Bruk pambuak talei rohim meng kan mai Viet Nam saong Trung Quốc kayua Chủ tịch Hồ Chí Minh saong Chủ tịch Mao Trạch Đông haong dom urang cách mạng dahlau daih di  dua taneh ia buh rilo prein yawa dak padang saong pabak tame lac drap ar hu makna praong di dua Đảng, dua taneh ia saong bhap bini dua negar. Viet  Nam tuk halei jeng iek praong saong dang akok bruk patagok talei rohim pambuak bruk taong abih gah suai lavik saong Trung Quốc.   

Patui danak dak mbang nyaom ka 4, dah page ini ( 1/11), Quốc hội pang harak pathau khan ka danak dak Hukum taneh riya (hu ngak pasiam veik); ginum biai di hội trường ka danak dak Hukum pacang caga “rao jien” (pasiam veik) saong ginum biai di kapul ka Danak dak Hukum Hợp tác xã (pasiam veik) saong Danak dak Hukum pacang caga dân sự. Lac jabat khik ramik kanja ka gah taneh riya, akaok Mintri Tài nguyên saong Môi trường Trần Hồng Hà brei thau: danak dak Hukum taneh riya (pasiam veik) pamaong tal dom adat khik tani tanat ngak cambaih laih yaom taneh saong lagaih haong yaom di darak pasa piah ka bhap bini saong doanh nghiệp jeng hu kein laba.

Di var kuhria pataom iek veik, jao Giai bao chi  ka bruk dak padang Đảng ngan haong kadha “ Búa liềm ameh ban Cần Thơ thun 2022” rah tabiak biar harei 31/10, Mban peih bruk hu jao giải  ka 55 urang cih vak, kapol nyaom urang vak nan lac: 5 giải A, 10 giải B, 15 giải C, 25 giải khuyến khích. Dom kadha pakacah  hu biak rilo asar makna, hu rilo gah, brei mboh bruk pan kaok ba jalan abih gah di Đảng, brei mboh hatai anit ranam, bruk ngak, abih hatai haong Đảng saong bruk dak padang Đảng. 

Pambuak tal bruk rahra daok di Phường 4, ban Cà Mau brei thau ka bruk urang njauk F1, F0 ka oh hu taduan paok jien daong jit covid-19 bo Rayo sap ndem VN hu ba khau tin, ong Nguyễn Quốc Thanh, Yam ndok Sở Lao động - Thương binh saong Xã hội Cà Mau brei thau, makna lac kayua urang jakar, công chức ngak bruk nan ngak kurang. Taphia di nan, jeng hu dom manuac urang suai ngak harak gar. Urak ini, UBND ban Cà Mau hu pato tacei dom xã, phường hu pambuak tal, pasang iek dom urang biak kan kandah piah hu daong samar drah.

Công an tỉnh Bình Dương birau padang tabiak Tổ pasang iek đặc biệt (lac Tổ 171) piah  chap mek pacang kol ngak suan. Dom Tổ 171 hu brei bruk pacang caga, samar mboh saong langyah kol toi pham saong dom bruk ngak suan hukum. Dom urang di Tổ 171 hu brei pandar radaih, phao ndao, pandap jamraih  hu jao brei piah ngak bruk. Yam ndoc C.A tỉnh Bình Dương brei thau: Dalam tuk ngak bruk brei padang Tổ 171 jeng “ ndao pacang” dalam bruk chap mek kol toi pham.  

Mintri Ngoại giao Mỹ brei thau, oh taduan bruk Triều Tiên lac 1 taneh ia hu vũ khí hạt nhân saong Mỹ daok duah jalan oh hu hạt nhân dalam kaoh pulao Triều Tiên. Urang brei panuac di Mintri Ngoại giao Mỹ khan lac, sarak di Mỹ ngan haong Triều Tiên jeng lac oh hu hạt nhân di kaoh pulao Triều Tiên. Panuac di Mintri Ngoại giao Mỹ ba tabiak dalam tuk Triều Tiên daok caga peih bruk cuh iek hạt nhân mbang ka 7, mbang jaik di ini rah tabiak di bilan 9/2017.

Rajaei Hàn Quốc harei ini peih bruk pasang iek, duah thau ka bala jauh kateik gauak di Ban ine Seoul ba tal takik di nyu labaih 150 urang metai. Dom urang daok langyah thaok binguk meng camera an ninh dalam labik nan dahlau di tuk rah tabiak bala juah gauk jeng yau dom video pambuak tal bruk ini hu ba tagok angaok mạng XH.  Cảnh sát ban ine Seoul daok tangi sua dom urang hu mbaok piah thau cambaic tukvak saong bruk juah gauk. Bruk pasang iek piah thau palaik njiak dom bala rah tabiak ngak pandik hatai dreih yau nan.

Menuac sia dunya hu panuac lên án 2 mbang taong bom radaih rahtabiak gam gam di ban ine Mogadishu di Somalia harei 29/10 ngak ka takik di nyu 100 urang metai saong yaok rituh urang karei njauk rambuac. Tổng Thư ký Liên hợp quốc hu payua panuac klah raba dom pandik harao tal dom sang urang urang njauk bala saong lên án khang dom bruk taong paoh ini, brei thau veik bruk jum pataom di Liên hợp quốc ngan haong Somalia mesruh pacang chủ nghĩa cực đoan taong paoh. Mỹ lên án mbang taong khủng bố biak trak damak ini, abih di nyu lac mbang taong ini pamaong tame Mintri patao magru Somalia./.

Urang lang: Thu Thảo & Bhumi – 01/11