Mesup ni, di ban raya HCM, Tổng Bí thư Nguyễn Phú Trọng dang akaok var ngak bruk haong Ban Chấp hành Đảng bộ song urang jakar pal akaok di ban raya, ka bruk peih ngak sarak nyaom roya ka  XIII di  Đảng song sarak nyaom roya XI Đảng bộ Ban raya HCM meng akaok tuk vak tal ni. Tong yaom glong dom kham merat, song bruk ngak bo Ban raya HCM mek hu, Tổng Bí thư Nguyễn Phú Trọng jeng tacei lac  dom bruk dok cuang kandah, tavak tavaiy, jang yau patagok kinh tế oh samu gauk meng labik laboa, bruk ngak song kein lagaih; kết cấu hạ tầng dok patrun, tavak tavaiy…Tổng Bí thư tacei lac  ban raya .HCM brei khang hatai jhul pakhang bruk salih bahrau, patagok siam jang bruk ba akaok nao dahlau di gah Đông Nam Bộ. Ban raya njauk jhul pakhang jang gac bruk ramik veik gah kinh tế gam song bruk salih bahrau jalan patagok; pataom pren khang, piah peih ngak jak jeng dom jalan ngak, taoh talaik bruk gar kandong, labik halei gar ka thể chế, jalan nao mai, song pren khang urak ni.

  Harei 23/9, di Quảng Ninh, Jabat tacei ba danak dak bruk ngak negar peih nyaom biai pato pasram pandar Cẩm nang số tacei pato peih ngak danak dak bruk ngak negar ka patagok KT-XH bhum bhap bini bangsa takik saong bhum ceik vaktu 2021 – 2030. Di nyaom biai, dom urang hu ginum biai dom bruk caik hatai sangka tuk peih ngak, khik ramik saong pandar Cẩm nang số, saong caong lac anak tal, UB bangsa hu tacei pato dom tỉnh banpiah ngak hu siam jang. Tui jabat tacei pato danak dak bruk ngak pakat negar, Cẩm nang số piah daong urang jakar di labik halei jeng hu, tukvak halei jeng hu, tuk hu Internet jeng meda tra cứu harak gar biak samar drah saong tanu tu, cambaih laih.

Ginum biai “Brei panuac ka dự thảo hukum taneh riya (pasiam veik) kayua Liên đoàn Luật sư Việt Nam peih ngak di  ban raya HCM harei  22/9 hu mbaok di rilo  chuyên gia gah hukum, doanh nghiệp taneh raya sang dok. Hu dom panuac ndom lac, sa dalam dom tavak tavaiy, tuk peih ngak hukum taneh riya thun 2013 lac hu mâu thuẫn, srau kadau, kurang nao sa jalan haong gauk dalam dom harak  hukum hu pagam tal, dalam dom harak tacei pato peih ngak song dalam dom paka hukum. Kayua yau nan,  dự thảo mbang ni, brei ramik pasiam dom tavak tavaiy nan, piah khik hu bruk yau gauk, samu gauk.

Pambuak tal bruk dom labik pablei xăng, menyek di huyện đảo Phú Quý, tỉnh Bình Thuận abih xăng dalam dom harei tapa, harei ini (23/9), Cục Khik ramik darak pasar Bình Thuận brei thau, dom urang pablei salih daok pajeng ba xăng tabiak pulao. Phú Quý urak ini hu 3 labik pablei xang menyek, min anak meta daok pablei menyek min, kayua oh hu pabak ginup xang, nan ye anak meta oh hu xang. Hu thau, Cửa hàng xăng menyek Tân Tiến hu labik pabak daok di Bà Rịa-Vũng Tàu, tui kuhria mesup 24/9 xăng hu nao tal pulao. Cửa hàng xăng menyek Hải Hiền 1 saong 2, thương nhân đầu mối lac Cty TNHH Dương Đông Bình Thuận brei thau, kapal pajeng xăng di drei tal pulao Phú Quý dalam harei ini.

Tỉnh Trà Vinh batabiak jalan ngak tal thun  2025, jien mek tame di sa urang bangsa takik  hu labaih 80 triệu đồng/ sa thun, boh sang kan kathaot dalam urang bangsa takik trun meng   3-4%/ dalam sa thun, oh dok sang kan kandah meng sang dok. Meng ni tal thun  2025, Trà Vinh brei buh tabiak  labaih  271 tỷ đồng pok jien sarak karja, piah buh jien tabiak patagok rai duik  bhum mik va bangsa takik. Gilang pariak sarak karja tỉnh brei thau, hu pambuak bruk song pakat  ủy, karja pak ni,  kapul  đoàn thể dong ka urang mesraiy jien lac urang bangsa takik, dong ka mik va patagok bruk rong glang, ngak mbang, rik dong patrun kathaot, khik ramik an sinh xã hội.

Nga khan lac hu 10.000 meuac halan hatian tut angan tame bruk quân sự di Ukraine bo oh cang ieu. Mintri Quốc phòng Nga brei thau bruk động viên meda ieu pataom 300.000 quân dự bị, brei dahlau ka dom urang hu ilamu mesruh. Urak ini Nga hu 25 triệu quân dự bị. Lin hu ieu pataom mbang ini hu brei bruk pasang iek labik atah 1.000km di dom labik Nga khik iek di Ukraine.

Dom mbang ia sua di Pakistan meng bilan 6 tal ni, ngak ka yaok ribau urang dok duik dalam iek lipa, oh hu labik dok. Bruk ia sua kandong veik, dui atah yaok rituh  kilomet ba tal rilo ruak njom mbak trak. Kuhria tal harei  21/9, hu tal  324 bhap bini di  Pakistan metai kayua ruak pandiak dom, song ruak njom mbak kare, dalam tuk nan, hu  1.569 urang metai kayua ia sua.

Harei ini (23/9), Tòa án Trung Quốc kaoh duac tử hình treo ngan haong urang dahlau daih ngak Thứ trưởng Công an Tôn Lực Quân. Tui panuac di tòa, Tôn Lực Quân hu brei padeih pandar án tử hình dalam 2 thun, hadei di nan trun daok guk tal luac rai meyah oh ngak hagait suan dalam tukvak ini. Min hadei di tuk hu giảm án, oh hu giảm án atau tạm tha, njauk mek veik abih quyền lợi chính trị luac rai, mek abih drap ar. Hu thau, meng thun 2001 tal bilan 4/2020, urang dahlau daih ngak Thứ trưởng Công an Trung Quốc ini, mbang hối lộ labaih 646 triệu nhân dân tệ (samu 91 triệu USD)./.

Urang lang: H.Pha & M.P – 23/09/2022