Mblang kapan haoh Long Thanh hu padang ngak jiak salah bloh 

  Piah daong ka sinh viên gaok kan kandah, sinh viên lac urang bangsa takik trun manieng dom haduh hatai ka jien padai tuk tame bac, Kapul Sinh viên Việt Nam pakat negar, Pasak daong ba saong cak rok patagok sinh viên Việt Nam pambuak haong dom hãng radaih ba tabiak danak dak “sruh radaih tame thun bac bahrau 2022”, alin hadiah brei 6.000 harak vé radaih ka sinh viên. Dom hãng radaih hu daong ka sinh viên di dom tinh, ban dalam bhum Tây Nguyên, bhum kreih negar, gah Tây Nam Bộ mai tal TP.HCM, atau meng dom tinh, ban karei nao tal Hà Nội. Dalam nan yaok sinh viên meda taduan hu 2 harak vé radaih oh lahik jien piah nao mai meng palei saong sang bac.

Tổng C.ty Mblang kapal haok Viet Nam lac po đầu tư mblang kapal haok Long Thành brei thau, hadei 4 bilan peih ngak, mbiah tal ini, dom po thầu hu ngak salah blaoh, padang blaoh taong abih jamang takai sang ka tuai daok cang di mblang kapal haok Long Thành. Yau nan, paok thầu jameng padang takai sang ga mblang kapal haok Long Thành samar jang labaih 1 bilan. Bruk samar ngak salah paok thầu nan hu makna bika praong, ba mbuan lagaih ka po đầu tư samar peih ngak dom paok thầu patui di nan.

Kuhria tal urak ini, dom quận, huyện saong ban Thủ Đức di TPHCM hu ngak salah bruk biyar jien daong pah sang ka urang ngak tui Sarak ka 08 di Thủ tướng Rajaei. Dom labik hu peih brei labaih 951 tỷ đồng (mek hu labaih 97% dut saong kadung jien) daong ka labaih 1,6 triệu urang ngak daong jien pah sang. Dom paok jien daok veik lac kayua rilo makna, yau ye doanh nghiệp pabak khau tin oh njauk atau oh taom gaok hu haong doanh nghiệp piah thau cambaih khau tin, ramik veik khau tin nan ye ba tal bruk ka oh ka biyar jien hu.

Dalam tỉnh Bến Tre hu 2 mã số bhum taneh pala durien di huyen Chợ Lách saong Châu Thành saong 2 mã số papaok pandap adat brei ngak piah pablei durien tabiak negar langiu Trung Quốc. Langiu di nan, Bến Tre daok 2 mã số bhum taneh pala durien caga payua Tổng cục Hải quan Trung Quốc pasang iek bruk ngak tapa online piah brei mã ngan haong taneh praong labaih 45 ha di xã Phú Đức, Tân Phú, huyện Châu Thành. Ini lac bruk lagaih ka D.N saong po bein ba durien pablei tabiak negar langiu tui jalan pablei salih praong hu yaom glong saong tani tanat.

UBND tỉnh Hậu Giang bahrau pabak brei jaik 15 tỷ đồng piah ngak adat blei pabak jru tavao, hóa chất, pandap panda y tế, pandap panda pabak ka bruk pacang caga jit ruak Covid-19 . Meng pok jien ini, UBND Hậu Giang ieu kakei Sở Y tế brei thau cambaih yaom payua tagok Sở jien padai peih bruk taong yaom, pok tagok pakat thẩm quyền pabak brei jien blei tui  adat.

Akok metri Năng lượng Nga brei thau, sa jalan brong di Nga tal Trung Quốc meda brei salih jalan ba khí đốt Dòng chảy phương Bắc 2 tal châu Âu brei klaak dalam tuk bruk mesruh gauk daok rah tabiak  di Ukraine. Jalan ong Thế lực châu Á Siberia 2 meda jhul pakhang bruk ngak kinh te abih rilo năng lượng di Trung Quốc meneing tapa Mông Cổ. Bruk padang ngak jalan ống ini di akaok thun 2024.

Dom menuac di kapul daong urang njauk bala Guatemala brei thau lac hu takik di nyu 9 urang metai saong 20 urang njauk rambuac dalam bala manuac juak tagok gauk hadei di mbang hòa nhạc pahadar 201 thun Harei Độc lập di ban Quetzaltenango, gah miền Tây negar ini di dah page harei 15/9 (tui maong di pak ini). Tui khau tin, bruk pandik harao rahtabiak tuk yaok ribau menuac ba gauk tabiak truh labik peih mbang hòa nhạc di langiu langik, ba tal sarau kadhau.

Gah y tế Mỹ daok kakei lac bruk pandar biak rilo jru Tpoxx piah taong ruak đậu mùa khỉ meda ba tal virus salih karei eng piah pacang jru taong ruak. Dom urang khik iek Mỹ brei iew dom bác sĩ brei sahaneng tani tanat tuk brei pandar angan jru nan. Tpoxx hu mbaoh tangin piah taong virus đậu mùa, yau nan min, bruk pandar janih jru ini ka đậu mùa khỉ daok ngak iek saong pasang iek catang kayua jabat cơ quan liên bang Mỹ./.

Urang lang: Thu Thảo -Ái Nghiêm -16/9